ਦਰਸ਼ਕ ‘ਸੈਮ ਬਹਾਦੁਰ ‘ ਦੀ ਤਾਰੀਫ ਕਰ ਰਹੇ ਹਨ, ਜੋ ਰਿਲੀਜ਼ ਹੋਣ ਤੋਂ ਕੁਝ ਘੰਟਿਆਂ ਬਾਅਦ ਹੀ ਆਨਲਾਈਨ ਲੀਕ ਹੋ ਗਈ ਸੀ। ਸੋਸ਼ਲ ਮੀਡੀਆ ‘ਤੇ ਲੋਕ ਸੈਮ ਮਾਨੇਕਸ਼ਾ ਦੇ ਕਿਰਦਾਰ ‘ਚ ਵਿੱਕੀ ਦੇ ਪ੍ਰਦਰਸ਼ਨ ਨੂੰ ਸ਼ਾਨਦਾਰ ਦੱਸ ਰਹੇ ਹਨ। ਇਸ ਸਭ ਦੇ ਵਿਚਕਾਰ ਫਿਲਮ ਨੂੰ ਝਟਕਾ ਲੱਗਾ ਹੈ ਜਿਸ ਦਾ ਅਸਰ ਇਸ ਦੀ ਕਮਾਈ ‘ਤੇ ਪੈ ਸਕਦਾ ਹੈ। ਇਹ ਫਿਲਮ ਰਿਲੀਜ਼ ਹੋਣ ਤੋਂ ਕੁਝ ਘੰਟਿਆਂ ਬਾਅਦ ਹੀ ਫੁੱਲ HD ਪ੍ਰਿੰਟ ਵਿੱਚ ਆਨਲਾਈਨ ਲੀਕ ਹੋ ਗਈ ਹੈ। ਸੈਮ ਬਹਾਦੁਰ ਟੋਰੈਂਟ ਵੈਬਸਾਈਟਾਂ ਜਿਵੇਂ ਕਿ Tamilrockers, Movierulz, TamilMV, Filmyzilla, Ibomma ਆਦਿ ‘ਤੇ ਮੁਫ਼ਤ ਵਿੱਚ ਡਾਊਨਲੋਡ ਕਰਨ ਲਈ ਉਪਲਬਧ ਹੈ। ਇਹ ਖਬਰ ਹਰ ਕਿਸੇ ਲਈ ਬਹੁਤ ਹੈਰਾਨ ਕਰਨ ਵਾਲੀ ਹੈ ਕਿਉਂਕਿ ਦਰਸ਼ਕ ਫਿਲਮ ਦੇ ਵੱਡੇ ਪਰਦੇ ‘ਤੇ ਰਿਲੀਜ਼ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਹਾਲਾਂਕਿ, ਇਨ੍ਹੀਂ ਦਿਨੀਂ ਫਿਲਮਾਂ ਦਾ ਆਨਲਾਈਨ ਲੀਕ ਹੋਣਾ ਕਾਫੀ ਆਮ ਹੋ ਗਿਆ ਹੈ ਅਤੇ ਮਾਹਰਾਂ ਦੀ ਟੀਮ ਦੇਸ਼ ਵਿੱਚ ਪਾਇਰੇਸੀ ਨੂੰ ਰੋਕਣ ਲਈ ਪੂਰੀ ਕੋਸ਼ਿਸ਼ ਕਰ ਰਹੀ ਹੈ।

‘ਸੈਮ ਬਹਾਦਰ’ ਇੱਕ ਯੁੱਧ ਅਧਾਰਤ ਡਰਾਮਾ ਫਿਲਮ ਹੈ ਜੋ ਭਾਰਤ ਦੇ ਪਹਿਲੇ ਫੀਲਡ ਮਾਰਸ਼ਲ ਸੈਮ ਮਾਨੇਕਸ਼ਾ ਦੇ ਜੀਵਨ ‘ਤੇ ਅਧਾਰਤ ਹੈ। ਮੇਘਨਾ ਗੁਲਜ਼ਾਰ ਦੇ ਨਿਰਦੇਸ਼ਨ ਹੇਠ ਬਣੀ ਇਹ ਫਿਲਮ 1 ਦਸੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋ ਚੁੱਕੀ ਹੈ ਅਤੇ ਇਸ ਨੂੰ ਦਰਸ਼ਕਾਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਫਿਲਮ ‘ਚ ਵਿੱਕੀ ਕੌਸ਼ਲ ਤੋਂ ਇਲਾਵਾ ਸਾਨਿਆ ਮਲਹੋਤਰਾ ਅਤੇ ਫਾਤਿਮਾ ਸਨਾ ਸ਼ੇਖ ਨੇ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ।