ਰਿਪੋਰਟ ਮੁਤਾਬਕ ਵਿੱਕੀ, ਰਾਕੇਸ਼ ਅਤੇ ਰਿਤੇਸ਼ ‘ਮਹਾਭਾਰਤ’ ਦੇ ਕਿਰਦਾਰ ਕਰਨ ‘ਤੇ ਬਣਨ ਵਾਲੀ ਫਿਲਮ ਲਈ ਇਕੱਠੇ ਹੋਏ ਹਨ। ਰਿਪੋਰਟ ‘ਚ ਇਕ ਸੂਤਰ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ ਕਿ ਇਹ ਪ੍ਰੋਜੈਕਟ ਰਾਕੇਸ਼ ਦੇ ਦਿਲ ਦੇ ਬਹੁਤ ਕਰੀਬ ਹੈ। ਉਹ ਕਈ ਸਾਲਾਂ ਤੋਂ ਇਸ ‘ਤੇ ਫਿਲਮ ਬਣਾਉਣਾ ਚਾਹੁੰਦੇ ਸਨ। ਵਿੱਕੀ ਇਸ ਫਿਲਮ ‘ਚ ਮੁੱਖ ਭੂਮਿਕਾ ਨਿਭਾਉਣਗੇ, ਜਿਸ ਨੂੰ ਕਰਨ ਦੇ ਨਜ਼ਰੀਏ ਤੋਂ ਦਿਖਾਇਆ ਜਾਵੇਗਾ। ਸੂਤਰ ਦਾ ਕਹਿਣਾ ਹੈ, “ਐਕਸਲ ਐਂਟਰਟੇਨਮੈਂਟ ਫਿਲਮ ਦਾ ਨਿਰਮਾਣ ਕਰੇਗਾ ਅਤੇ ਤਿੰਨੋਂ ਇਸ ਵਿੱਚ ਕੰਮ ਕਰਨ ਲਈ ਬਹੁਤ ਉਤਸ਼ਾਹਿਤ ਹਨ।” ਇਸ ਸਾਲ ਦੇ ਅੰਤ ਤੱਕ ਫਿਲਮ ‘ਤੇ ਕੰਮ ਸ਼ੁਰੂ ਹੋਣ ਦੀ ਉਮੀਦ ਹੈ। ਸ਼ੂਟਿੰਗ ਦੀ ਤਰੀਕ ਨੇੜੇ ਆਉਣ ‘ਤੇ ਵਿੱਕੀ ਫਿਲਮ ਦੀ ਤਿਆਰੀ ਕਰੇਗਾ।

ਦਿਲਚਸਪ ਗੱਲ ਇਹ ਹੈ ਕਿ ਵਿੱਕੀ ਇਸ ਤੋਂ ਪਹਿਲਾਂ ਆਦਿੱਤਿਆ ਧਰ ਦੀ ਫਿਲਮ ‘ਦਿ ਅਮਰ ਅਸ਼ਵਥਾਮਾ‘ ‘ਚ ਮਹਾਭਾਰਤ ਦੇ ਇਕ ਹੋਰ ਕਿਰਦਾਰ ‘ਅਸ਼ਵਥਾਮਾ’ ਦੀ ਭੂਮਿਕਾ ਨਿਭਾਉਣ ਦੀ ਤਿਆਰੀ ਕਰ ਰਿਹਾ ਸੀ। ਕੁਝ ਸਮਾਂ ਪਹਿਲਾਂ ਫਿਲਮ ‘ਤੇ ਰੋਕ ਲਗਾ ਦਿੱਤੀ ਗਈ ਸੀ ਪਰ ਹੁਣ ਮਾਮਲਾ ਫਿਰ ਅੱਗੇ ਵਧ ਗਿਆ ਹੈ। ਇਨ੍ਹਾਂ ਪ੍ਰੋਜੈਕਟਾਂ ਤੋਂ ਇਲਾਵਾ ਵਿੱਕੀ ਕੋਲ ਕਈ ਫ਼ਿਲਮਾਂ ਹਨ ਇਸ ਵਿਚ ਮੇਘਨਾ ਗੁਲਜ਼ਾਰ ਦੀ ‘ਸਾਮ ਬਹਾਦਰ’, ਸ਼ਸ਼ਾਂਕ ਖੇਤਾਨ ਦੀ ‘ਮਿਸਟਰ ਲੇਲੇ’ ਅਤੇ ਲਕਸ਼ਮਣ ਉਟੇਕਰ ਦੀ ਫ਼ਿਲਮ ਵੀ ਹੈ। ਉਹ ਰਾਜਕੁਮਾਰ ਹਿਰਾਨੀ ਦੀ ਅਗਲੀ ਫਿਲਮ ਵਿੱਚ ਅਹਿਮ ਭੂਮਿਕਾ ਨਿਭਾਉਣ ਲਈ ਵੀ ਗੱਲਬਾਤ ਕਰ ਰਹੇ ਹਨ।

The post ਰਾਕੇਸ਼ ਓਮਪ੍ਰਕਾਸ਼ ਮਹਿਰਾ ਦੀ ਫਿਲਮ ‘ਚ ਵਿੱਕੀ ਕੌਸ਼ਲ ਨਿਭਾਉਣਗੇ ‘ਮਹਾਭਾਰਤ’ ਦੇ ਕਰਨ ਦੀ ਭੂਮਿਕਾ? appeared first on Daily Post Punjabi.