ਬਾਲੀਵੁੱਡ ਅਦਾਕਾਰ ਵਿਦਯੁਤ ਜਾਮਵਾਲ ਇਨ੍ਹੀਂ ਦਿਨੀਂ ਆਪਣੇ ਟਵਿਟਰ ਅਕਾਊਂਟ ‘ਤੇ ਪੋਸਟ ਕੀਤੇ ਇਕ ਵੀਡੀਓ ਨੂੰ ਲੈ ਕੇ ਸੁਰਖੀਆਂ ‘ਚ ਹਨ। ਵਿਦਯੁਤ ਜਾਮਵਾਲ ਨੇ ਆਪਣੇ ਟਵਿਟਰ ਅਕਾਊਂਟ ਰਾਹੀਂ ਪ੍ਰਸ਼ੰਸਕਾਂ ਨਾਲ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ। ਇਸ ਵੀਡੀਓ ‘ਚ ਇਕ ਤੋਂ ਬਾਅਦ ਇਕ ਅਜਿਹੇ ਕਮਾਲ ਦੇ ਸਟੰਟ ਦੇਖਣ ਨੂੰ ਮਿਲ ਰਹੇ ਹਨ, ਜਿਨ੍ਹਾਂ ਨੂੰ ਦੇਖ ਕੇ ਕੋਈ ਵੀ ਆਪਣੇ ਦੰਦਾਂ ‘ਚ ਉਂਗਲਾਂ ਦਬਾ ਲਵੇਗਾ। ਇਸ ਵੀਡੀਓ ‘ਚ ਇਕ ਜਵਾਨ ਨਜ਼ਰ ਆ ਰਿਹਾ ਹੈ, ਜਿਸ ਨੇ ਫੌਜ ਦੀ ਵਰਦੀ ਪਾਈ ਹੋਈ ਹੈ। ਪਹਿਲੇ ਸਟੰਟ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਇਸ ਨੌਜਵਾਨ ਨੇ ਲੱਕੜ ਦੇ ਬਾਂਸ ਦਾ ਸਟੈਂਡ ਜ਼ਮੀਨ ਦੇ ਉੱਪਰ ਟੇਢਾ ਬਣਾਇਆ ਹੋਇਆ ਹੈ ਅਤੇ ਉਸ ‘ਤੇ ਚੜ੍ਹ ਕੇ ਉਹ ਬਾਂਸ ‘ਤੇ ਜ਼ਬਰਦਸਤ ਸੰਤੁਲਨ ਬਣਾਉਂਦਾ ਨਜ਼ਰ ਆ ਰਿਹਾ ਹੈ।

ਇੰਨਾ ਹੀ ਨਹੀਂ ਦੂਜਾ ਸਟੰਟ ਵੀ ਜ਼ਬਰਦਸਤ ਹੈ। ਇਸ ਵਿੱਚ ਹਵਾ ਵਿੱਚ ਉੱਡਦੇ ਹੋਏ ਬੜੀ ਆਸਾਨੀ ਨਾਲ ਸਟੰਟ ਕਰਦੇ ਹੋਏ ਦੇਖੇ ਜਾ ਸਕਦੇ ਹਨ। ਇਸ ਦੇ ਨਾਲ ਹੀ ਇਸ ਸਟੰਟ ਨੂੰ ਦੇਖ ਕੇ ਪ੍ਰਸ਼ੰਸਕਾਂ ਨੂੰ ਪਸੀਨਾ ਆ ਰਿਹਾ ਹੈ। ਅਗਲੇ ਸਟੰਟ ਵਿੱਚ, ਇੱਕ ਆਦਮੀ 3 ਕੱਚ ਦੀਆਂ ਬੋਤਲਾਂ ‘ਤੇ ਆਪਣੇ ਦੋਵੇਂ ਪੈਰਾਂ ਅਤੇ ਇੱਕ ਹੱਥ ਨਾਲ ਪੁਸ਼ਅੱਪ ਕਰਦਾ ਨਜ਼ਰ ਆ ਰਿਹਾ ਹੈ। ਅਤੇ ਸਭ ਤੋਂ ਹੈਰਾਨੀ ਵਾਲੀ ਗੱਲ ਉਹ ਸਟੰਟ ਹੈ ਜਿਸ ਵਿੱਚ ਉਹੀ ਵਿਅਕਤੀ ਪਾਣੀ ਨਾਲ ਭਰੀਆਂ ਬਾਲਟੀਆਂ ਦੇ ਉੱਪਰੋਂ ਲੰਘਦਾ ਨਜ਼ਰ ਆ ਰਿਹਾ ਹੈ।

The post ਇਸ ਨੌਜਵਾਨ ਨੇ ਕੀਤਾ ਅਜਿਹਾ ਕਮਾਲ ਦਾ ਸਟੰਟ, ਵਿਦਯੁਤ ਜਾਮਵਾਲ ਦੇ ਉੱਡ ਗਏ ਹੋਸ਼, ਦੇਖੋ ਵੀਡੀਓ appeared first on Daily Post Punjabi.