ਵਿਕਾਸ ਸਿੰਘ ਨੇ ਕਿਹਾ ਕਿ NCB ਮੀਡੀਆ ‘ਚ ਆਉਣ ਲਈ ਕਾਫੀ ਉਤਸੁਕ ਹੈ, ਇੰਨਾ ਹੀ ਨਹੀਂ ਇਹ ਸਾਰੇ ਮਾਮਲੇ ਇਸ ਲਈ ਉਠਾਏ ਜਾ ਰਹੇ ਹਨ ਤਾਂ ਕਿ ਉਹ ਸੁਰਖੀਆਂ ‘ਚ ਬਣੇ ਰਹਿਣ। ਪਿਛਲੇ ਇੱਕ ਸਾਲ ਵਿੱਚ ਕਈ ਬਾਲੀਵੁੱਡ ਹਸਤੀਆਂ ਤੋਂ NCB ਨੇ ਪੁੱਛਗਿੱਛ ਕੀਤੀ ਹੈ। ਇਸ ਪੁੱਛਗਿੱਛ ਦੌਰਾਨ ਵਟਸਐਪ ਚੈਟ ਅਤੇ ਮੈਸੇਜ ਵੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋਏ। ਕਈ ਲੋਕਾਂ ਨੇ ਇਨ੍ਹਾਂ ਚੈਟਸ ਦੇ ਲੀਕ ਹੋਣ ਪਿੱਛੇ ਸਮੀਰ ਵਾਨਖੇੜੇ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ। ਇੰਨਾ ਹੀ ਨਹੀਂ ਐੱਨਸੀਬੀ ਦੇ ਇਕ ਗਵਾਹ ਨੇ ਹਲਫਨਾਮੇ ‘ਚ ਸਮੀਰ ‘ਤੇ ਰਿਸ਼ਵਤ ਲੈਣ ਦਾ ਵੀ ਦੋਸ਼ ਲਗਾਇਆ ਹੈ।

ਮੁੰਬਈ ਪੁਲਿਸ ਨੇ ਸਮੀਰ ਵਾਨਖੇੜੇ ਦਾ ਬਿਆਨ ਵੀ ਦਰਜ ਕਰ ਲਿਆ ਹੈ ਅਤੇ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਸ ਦੇ ਨਾਲ ਹੀ ਵਾਨਖੇੜੇ ਨੇ ਅਜਿਹੇ ਕਿਸੇ ਵੀ ਦੋਸ਼ ਤੋਂ ਇਨਕਾਰ ਕੀਤਾ ਹੈ। ਉਸ ਦਾ ਕਹਿਣਾ ਹੈ ਕਿ ਅਜਿਹਾ ਕਰਕੇ ਨਸ਼ਿਆਂ ਦੇ ਮਾਮਲੇ ਦੀ ਜਾਂਚ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਸਮੀਰ ਵਾਨਖੇੜੇ ਨੇ ਇਸ ਮਾਮਲੇ ‘ਚ ਬਾਂਬੇ ਹਾਈ ਕੋਰਟ ਵੀ ਪਹੁੰਚ ਕੀਤੀ ਹੈ। ਅਜਿਹੇ ‘ਚ ਅਦਾਲਤ ਵੱਲੋਂ ਹੁਕਮ ਜਾਰੀ ਕੀਤਾ ਗਿਆ ਹੈ ਕਿ ਵਾਨਖੇੜੇ ਖਿਲਾਫ ਕੋਈ ਵੀ ਕਾਰਵਾਈ ਕਰਨ ਤੋਂ ਪਹਿਲਾਂ ਪੁਲਸ ਨੂੰ 72 ਘੰਟਿਆਂ ਦਾ ਅਲਟੀਮੇਟਮ ਦੇਣਾ ਹੋਵੇਗਾ।

ਵੀਡੀਓ ਲਈ ਕਲਿੱਕ ਕਰੋ -:

Atta Burfi Recipe | ਦੁੱਧ ਅਤੇ ਖੋਏ ਤੋਂ ਬਿਨਾਂ ਆਟਾ ਬਰਫੀ | Wheat Flour Burfi | Diwali Special Desserts

ਆਰੀਅਨ ਖਾਨ ਮਾਮਲੇ ‘ਤੇ ਚਰਚਾ ਕਰਦੇ ਹੋਏ ਵਿਕਾਸ ਸਿੰਘ ਨੇ ਕਿਹਾ ਸੀ ਕਿ ਸਿਰਫ ਛੋਟੇ ਖਪਤਕਾਰਾਂ ਨੂੰ ਹੀ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਵਿਕਾਸ ਸਿੰਘ ਦਾ ਕਹਿਣਾ ਹੈ ਕਿ ਸਾਡੇ ਬੱਚੇ ਦੱਸਦੇ ਹਨ ਕਿ ਦਿੱਲੀ ਦੀਆਂ ਪਾਰਟੀਆਂ ਵਿੱਚ ਬੱਚੇ ਬਹੁਤ ਜ਼ਿਆਦਾ ਨਸ਼ੇ ਕਰਦੇ ਹਨ। ਜੇਕਰ NCB ਇਸ ਦੀ ਜਾਂਚ ਕਰ ਰਹੀ ਹੈ ਤਾਂ ਦਿੱਲੀ ‘ਚ ਚੱਲ ਰਹੀਆਂ ਪਾਰਟੀਆਂ ‘ਤੇ ਛਾਪੇ ਮਾਰੇ ਜਾਣੇ ਚਾਹੀਦੇ ਹਨ, ਜਿੱਥੇ ਤਾਕਤਵਰ ਲੋਕ ਬੈਠੇ ਹਨ।

The post ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਵਕੀਲ ਨੇ ਆਰੀਅਨ ਡਰੱਗਜ਼ ਮਾਮਲੇ ‘ਚ NCB ‘ਤੇ ਸਾਧਿਆ ਨਿਸ਼ਾਨਾ appeared first on Daily Post Punjabi.