ਦਰਿਆ ਦੇ ਕੰਢੇ ਤੋਂ ਕੱਪੜੇ ਮਿਲਣ ‘ਤੇ ਉਸ ਦੇ ਬਿਆਸ ਦਰਿਆ ‘ਚ ਡੁੱਬਣ ਦਾ ਖਦਸ਼ਾ ਪ੍ਰਗਟਾਇਆ ਜਾ ਰਿਹਾ ਹੈ। ਪੁਲੀਸ ਟੀਮ ਦੇਰ ਸ਼ਾਮ ਤੱਕ ਭਾਲ ਕਰ ਰਹੀ ਸੀ ਪਰ ਦੋਵਾਂ ਦਾ ਕੁਝ ਪਤਾ ਨਹੀਂ ਲੱਗ ਸਕਿਆ। ਮੰਨਿਆ ਜਾ ਰਿਹਾ ਹੈ ਕਿ ਦੋਵੇਂ ਡੁੱਬ ਗਏ ਹਨ। NDRF ਦੀ ਟੀਮ ਨੇ ਵੀਰਵਾਰ ਸਵੇਰੇ ਖੋਜ ਸ਼ੁਰੂ ਕਰ ਦਿੱਤੀ ਹੈ। ਨੈਹਰਾਨ ਪੁਖਰ ਅਤੇ ਆਸ-ਪਾਸ ਦੇ 6 ਲੜਕੇ ਬੁੱਧਵਾਰ ਦੁਪਹਿਰ ਬਿਆਸ ਕੰਢੇ ਆਪਣੇ ਇਕ ਦੋਸਤ ਦੇ ਜਨਮ ਦਿਨ ਦੀ ਪਾਰਟੀ ਮਨਾਉਣ ਆਏ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਇਨ੍ਹਾਂ ‘ਚੋਂ ਚਾਰ ਨਦੀ ‘ਚ ਨਹਾਉਣ ਲਈ ਉਤਰੇ। ਬਰਸਾਤ ਦਾ ਮੌਸਮ ਹੋਣ ਕਾਰਨ ਬਿਆਸ ਵਿੱਚ ਇਨ੍ਹੀਂ ਦਿਨੀਂ ਕਈ ਫੁੱਟ ਡੂੰਘਾ ਪਾਣੀ ਹੈ। ਨਹਾਉਂਦੇ ਸਮੇਂ ਰਾਹੁਲ ਡੁੱਬਣ ਲੱਗਾ। ਬਾਕੀ ਲੋਕਾਂ ਨੇ ਉਸ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਪਾਣੀ ਵਿਚ ਚਲਾ ਗਿਆ। ਇਸ ਤੋਂ ਬਾਅਦ ਘਬਰਾ ਕੇ ਪੰਜੇ ਉਥੋਂ ਮੋਟਰਸਾਈਕਲ ‘ਤੇ ਸਵਾਰ ਹੋ ਕੇ ਰਾਹੁਲ ਦੇ ਘਰ ਨੈਹਰਾਨ ਪੁਖਰ ਪਹੁੰਚੇ ਅਤੇ ਘਟਨਾ ਦੀ ਜਾਣਕਾਰੀ ਦਿੱਤੀ।

ਵੀਡੀਓ ਲਈ ਕਲਿੱਕ ਕਰੋ -:

“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “

ਰਾਹੁਲ ਦੇ ਪਿਤਾ ਵਿਜੇ ਕੁਮਾਰ ਸਕਰੈਪ ਡੀਲਰ ਵਜੋਂ ਕੰਮ ਕਰਦੇ ਹਨ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਿਸ ਅਤੇ ਫਾਇਰ ਬ੍ਰਿਗੇਡ ਦੀ ਟੀਮ ਨੇ ਭਾਲ ਸ਼ੁਰੂ ਕਰ ਦਿੱਤੀ। ਇਸ ਦੌਰਾਨ ਕੁਝ ਦੂਰੀ ‘ਤੇ ਨਦੀ ਦੇ ਕੰਢੇ ਕੱਪੜੇ ਅਤੇ ਜੁੱਤੀਆਂ ਪਈਆਂ ਨਜ਼ਰ ਆਈਆਂ। ਇਸ ਕਾਰਨ ਪੁਲਿਸ ਨੂੰ ਸ਼ੱਕ ਹੋਇਆ ਕਿ ਕੋਈ ਹੋਰ ਵੀ ਲਾਪਤਾ ਹੈ। ਜਾਂਚ ‘ਚ ਸਾਹਮਣੇ ਆਇਆ ਕਿ ਵਿਜੇ ਦਾ ਛੋਟਾ ਲੜਕਾ ਸਾਹਿਲ ਜੋ ਕਿ ਸਬਜ਼ੀ ਦੀ ਦੁਕਾਨ ਕਰਦਾ ਹੈ, ਸਵੇਰ ਤੋਂ ਲਾਪਤਾ ਹੈ। ਜਦੋਂ ਪਰਿਵਾਰ ਵਾਲੇ ਉੱਥੇ ਪਹੁੰਚੇ ਤਾਂ ਉਨ੍ਹਾਂ ਦੱਸਿਆ ਕਿ ਇਹ ਕੱਪੜੇ ਉਨ੍ਹਾਂ ਦੇ ਲੜਕੇ ਦੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਸਾਹਿਲ ਮਾਨਸਿਕ ਰੋਗੀ ਹੈ। ਉਹ ਪਿਛਲੇ ਕਈ ਸਾਲਾਂ ਤੋਂ ਪਠਾਨਕੋਟ ਦੇ ਇੱਕ ਨਿੱਜੀ ਹਸਪਤਾਲ ਤੋਂ ਜ਼ੇਰੇ ਇਲਾਜ ਹੈ। ਡੀਐਸਪੀ ਵਿਸ਼ਾਲ ਵਰਮਾ ਨੇ ਦੱਸਿਆ ਕਿ ਵੀਰਵਾਰ ਨੂੰ ਫਿਰ ਤੋਂ ਮੁਹਿੰਮ ਚਲਾਈ ਜਾਵੇਗੀ। ਐਸਡੀਐਮ ਸੰਕਲਪ ਗੌਤਮ ਨੇ ਦੱਸਿਆ ਕਿ ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਪ੍ਰਸ਼ਾਸਨ ਨੇ ਦੋਵਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।

The post ਦੋਸਤਾਂ ਨਾਲ ਜਨਮ ਦਿਨ ਮਨਾ ਰਹੇ 2 ਨੌਜਵਾਨ ਦੇਹਰਾ ਦੇ ਬਿਆਸ ਦਰਿਆ ‘ਚ ਡੁੱਬੇ, NDRF ਨੇ ਸ਼ੁਰੂ ਕੀਤੀ ਭਾਲ appeared first on Daily Post Punjabi.