ਇਸ ਪ੍ਰੈੱਸ ਕਾਨਫਰੰਸ ਦੌਰਾਨ ਡਾ: ਸੰਦੀਪ ਗਰਗ (ਆਈ.ਪੀ.ਐਸ.), ਐਸ.ਐਸ.ਪੀ, ਮੋਹਾਲੀ, ਡਾ: ਸੋਨੀਆ ਮਾਨ (ਪੰਜਾਬੀ ਅਦਾਕਾਰਾ ਅਤੇ ਸਮਾਜ ਸੇਵੀ), ਸ੍ਰੀਮਤੀ ਗੁਰਵਿੰਦਰ ਕੌਰ (ਪੰਜਾਬੀ ਟੀ.ਵੀ. ਅਦਾਕਾਰਾ), ਅਤੇ ਸ੍ਰੀ ਜੇ.ਐਸ. ਜਾਯਾਰਾ (ਪ੍ਰਿੰਸੀਪਲ, ਇੰਸਟੀਚਿਊਟ ਫ਼ਾਰ ਬਲਾਈਂਡ, ਸੈਕਟਰ 26), ਸੀ.ਡੀ.) ਨੇ ਅੱਖਾਂ ਦਾਨ ਦੀ ਮਹੱਤਤਾ ਬਾਰੇ ਆਪਣੇ ਵਿਚਾਰ ਪੇਸ਼ ਕੀਤੇ। ਇਸ ਮੁਹਿੰਮ ਦਾ ਆਯੋਜਨ ਜੇ.ਪੀ. ਆਈ ਹਸਪਤਾਲ, ਅਗਰਵਾਲ ਆਈ ਹਸਪਤਾਲ ਦੀ ਇਕ ਯੂਨਿਟ, ਅੱਖਾਂ ਦੇ ਹਸਪਤਾਲਾਂ ਦੀ ਭਾਰਤ ਦੀ ਸਭ ਤੋਂ ਵੱਡੀ ਲੜੀ, ਰਾਸ਼ਟਰ ਪ੍ਰਤੀ ਆਪਣੀ ਸਮਾਜਿਕ ਜ਼ਿੰਮੇਵਾਰੀ ਵਜੋਂ ਕੀਤਾ ਗਿਆ ਹੈ। ਡਾਕਟਰ ਜਤਿੰਦਰ ਸਿੰਘ, ਮੈਡੀਕਲ ਡਾਇਰੈਕਟਰ ਅਤੇ ਮੋਹਾਲੀ ਯੂਨਿਟ ਦੇ ਕਲੀਨਿਕਲ ਸੇਵਾਵਾਂ ਦੇ ਮੁਖੀ ਨੇ ਇਸ ਮੁਹਿੰਮ ਬਾਰੇ ਜਾਣਕਾਰੀ ਦੇ ਨਾਲ-ਨਾਲ ਅੱਖਾਂ ਦਾਨ ਦੀ ਮਹੱਤਤਾ ਬਾਰੇ ਵੀ ਦੱਸਿਆ।

ਇਸ ਮੁਹਿੰਮ ਦੀ ਸ਼ੁਰੂਆਤ 14 ਮਈ ਦਿਨ ਐਤਵਾਰ ਨੂੰ ਸਵੇਰੇ 5:30 ਵਜੇ ਤੋਂ ਸਵੇਰੇ 7:30 ਵਜੇ ਤੱਕ ਜੇ.ਪੀ.ਆਈ ਹਸਪਤਾਲ, 35 ਫੇਜ਼ 7 ਮੁਹਾਲੀ ਤੋਂ ਫੇਜ਼ 7 ਦੀ ਮਾਰਕੀਟ ਤੱਕ ਪਾਰਕਿੰਗ ਏਰੀਏ ਵਿੱਚ ਇੱਕ ਵਾਕਾਥਨ ਮੁਹਿੰਮ ਚਲਾਈ ਜਾਵੇਗੀ। ਸ੍ਰੀ ਗੁਰਪ੍ਰੀਤ ਸਿੰਘ ਭੁੱਲਰ (ਆਈ.ਪੀ.ਐਸ., ਆਈ.ਜੀ.ਪੀ., ਕਮਿਸ਼ਨਰ, ਪੰਜਾਬ ਪੁਲਿਸ) ਅਤੇ ਸ੍ਰੀਮਤੀ ਆਸ਼ਿਕਾ ਜੈਨ (ਆਈ.ਏ.ਐਸ., ਡਿਪਟੀ ਕਮਿਸ਼ਨਰ, ਮੋਹਾਲੀ), ਨੇ 6.15 ਵਜੇ ਵਾਕਾਥਨ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕਰਨ ਲਈ ਸਹਿਮਤੀ ਦੇਣਗੇ। ਐਸ.ਐਸ.ਪੀ ਮੋਹਾਲੀ ਡਾ: ਸੰਦੀਪ ਗਰਗ ਆਈ.ਪੀ.ਐਸ ਅਤੇ ਪੰਜਾਬੀ ਫਿਲਮ ਇੰਡਸਟਰੀ ਦੇ ਮਸ਼ਹੂਰ ਕਲਾਕਾਰ ਜਸਵਿੰਦਰ ਭੱਲਾ ਅਤੇ ਸ਼੍ਰੀਮਤੀ ਗੁਰਵਿੰਦਰ ਕੌਰ ਐਤਵਾਰ ਨੂੰ ਇਸ ਸਮਾਗਮ ਵਿੱਚ ਸ਼ਿਰਕਤ ਕਰਨਗੇ।

ਅਗਰਵਾਲ ਆਈ ਹਸਪਤਾਲ ਦੇ ਚੇਅਰਮੈਨ ਡਾ: ਅਮਰ ਅਗਰਵਾਲ ਨੇ ਅੱਖਾਂ ਦਾਨ ਦੀ ਲੋੜ ‘ਤੇ ਜ਼ੋਰ ਦਿੱਤਾ। ਬਹੁਤ ਸਾਰੇ ਲੋਕ ਅੱਖਾਂ ਦਾਨ ਕਰਨ ਦਾ ਵਾਅਦਾ ਕਰਦੇ ਹਨ ਪਰ ਉਨ੍ਹਾਂ ਦੇ ਅਕਾਲ ਚਲਾਣੇ ਨਾਲ ਅੱਖਾਂ ਦਾਨ ਕਰਨ ਦਾ ਮੁੱਖ ਮਕਸਦ ਹੀ ਖਤਮ ਹੋ ਜਾਂਦਾ ਹੈ। ਇਸ ਲਈ ਭਾਰਤ ਦੇ ਨਾਗਰਿਕਾਂ ਨੂੰ ਮੇਰੀ ਨਿਮਰਤਾਪੂਰਵਕ ਬੇਨਤੀ ਹੈ ਕਿ ਉਹ ਆਪਣੀ ਮੌਤ ਤੋਂ ਬਾਅਦ ਆਪਣੀਆਂ ਅੱਖਾਂ ਦਾਨ ਕਰਨ ਨੂੰ ਯਕੀਨੀ ਬਣਾਉਣ।

ਇਹ ਵੀ ਪੜ੍ਹੋ : ਕਰਨਾਲ ‘ਚ ਹਾਈਵੇਅ ‘ਤੇ ਤੇਜ਼ ਰਫ਼ਤਾਰ ਕਾਰ ਪਲਟੀ, ਦੋ ਨੌਜਵਾਨਾਂ ਦੀ ਮੌ.ਤ, 3 ਦੀ ਹਾਲਤ ਗੰਭੀਰ

ਡਾਕਟਰ ਅਗਰਵਾਲ ਆਈ ਹਸਪਤਾਲ ਦੀ ਇੱਕ ਯੂਨਿਟ “ਜੇਪੀ ਆਈ ਹਸਪਤਾਲ,” NABH ਮਾਨਤਾ ਪ੍ਰਾਪਤ ਹੈ ਅਤੇ 1995 ਵਿੱਚ ਇਸਦੀ ਸਥਾਪਨਾ ਤੋਂ ਲੈ ਕੇ ਹੁਣ ਤੱਕ ਇਸ ਖੇਤਰ ਦੇ ਸਭ ਤੋਂ ਪ੍ਰਮੁੱਖ ਅਤੇ ਭਰੋਸੇਮੰਦ ਅੱਖਾਂ ਦੇ ਸੁਪਰ-ਸਪੈਸ਼ਲਿਟੀ ਹਸਪਤਾਲਾਂ ਵਿੱਚੋਂ ਇੱਕ ਹੈ।

ਅਸੀਂ, ਜੇ.ਪੀ. ਆਈ ਹਸਪਤਾਲ ਦੇ ਸੰਸਥਾਪਕ, ਡਾ: ਜਤਿੰਦਰ ਸਿੰਘ ਨੇ ਇਸ ਪਹਿਲਕਦਮੀ ਲਈ ਧੰਨਵਾਦ ਪ੍ਰਗਟ ਕਰਦੇ ਹੋਏ ਕਿਹਾ, ਸਾਡਾ ਮੁੱਖ ਉਦੇਸ਼ “ਵਿਸ਼ਵਵਿਆਪੀ ਅੰਨ੍ਹੇਪਣ ਦੀ ਰੋਕਥਾਮ ਅਤੇ ਇਲਾਜ” ਹੈ। ਚੈਰੀਟੇਬਲ ਫਰੰਟ ‘ਤੇ, ਅਸੀਂ ਪੰਜਾਬ, ਹਰਿਆਣਾ, ਚੰਡੀਗੜ੍ਹ, ਹਿਮਾਚਲ ਪ੍ਰਦੇਸ਼, ਉੱਤਰਾਖੰਡ ਅਤੇ ਮੱਧ ਪ੍ਰਦੇਸ਼ ਦੇ ਖੇਤਰ ਵਿੱਚ 850 ਤੋਂ ਵੱਧ ਅੱਖਾਂ ਦੇ ਮੁਫਤ ਅਪ੍ਰੇਸ਼ਨ ਕੈਂਪ ਲਗਾਏ ਹਨ, ਜਿਸ ਵਿੱਚ 3 ਲੱਖ ਤੋਂ ਵੱਧ ਲੋਕਾਂ ਦੀ ਮੁਫਤ ਜਾਂਚ ਕੀਤੀ ਗਈ, 150000 ਤੋਂ ਵੱਧ ਐਨਕਾਂ ਮੁਫਤ ਵੰਡੀਆਂ ਗਈਆਂ। ਦੀ ਲਾਗਤ ਅਤੇ ਲੈਂਜ਼ ਲਗਾਉਣ ਦੇ ਨਾਲ ਅੱਖਾਂ ਦੇ 90000 ਤੋਂ ਵੱਧ ਮੁਫ਼ਤ ਸਫਲ ਆਪ੍ਰੇਸ਼ਨ ਕਰਵਾਏ ਗਏ।

ਭਾਰਤ ਵਿੱਚ ਪ੍ਰਚਲਿਤ ਕੁੱਲ 10 ਮਿਲੀਅਨ ਅੰਨ੍ਹੇਪਣ ਵਿੱਚੋਂ, 1.2 ਲੱਖ ਕੋਰਨੀਅਲ ਨੇਤਰਹੀਣ ਹਨ ਜਿਨ੍ਹਾਂ ਨੂੰ ਕੋਰਨੀਅਲ ਟ੍ਰਾਂਸਪਲਾਂਟੇਸ਼ਨ ਦੀ ਜ਼ਰੂਰਤ ਹੈ, ਅਤੇ ਸਾਲ 21-22 ਵਿੱਚ ਸਿਰਫ 23000 ਅਤੇ ਸਾਲ 22-23 ਵਿੱਚ 56000 ਅੱਖਾਂ ਦਾਨ ਹੋਈਆਂ ਸਨ। ਇਨ੍ਹਾਂ ਵਿੱਚੋਂ ਸਿਰਫ਼ 27000 ਅੱਖਾਂ ਨੂੰ ਮਕਸਦ ਨਾਲ ਵਰਤਿਆ ਜਾ ਸਕਿਆ ਅਤੇ ਬਾਕੀਆਂ ਟਰਾਂਸਪਲਾਂਟੇਸ਼ਨ ਦੇ ਯੋਗ ਨਹੀਂ ਸਨ। ਸਾਡੇ ਡਾ ਅਗਰਵਾਲ ਆਈ ਬੈਂਕ ਨੇ 2022-2023 ਵਿੱਚ ਅੱਖਾਂ ਦੀ ਪ੍ਰਾਪਤੀ ਦੀ 3016 ਪ੍ਰਕਿਰਿਆ ਵਿੱਚ ਯੋਗਦਾਨ ਪਾਇਆ ਅਤੇ ਸਮੁੱਚੇ ਭਾਰਤ ਵਿੱਚ ਸਮੂਹਿਕ ਤੌਰ ‘ਤੇ ਅੱਖਾਂ ਦੇ ਹਸਪਤਾਲਾਂ ਦੇ ਡਾ. ਅਗਰਵਾਲਜ਼ ਸਮੂਹ ਦੁਆਰਾ ਕੁੱਲ 1021 ਟ੍ਰਾਂਸਪਲਾਂਟੇਸ਼ਨ ਕੀਤੇ ਗਏ।

ਇਹ ਵੀ ਪੜ੍ਹੋ : ਕਰਨਾਟਕ ‘ਚ ਕਾਂਗਰਸ ਬਣੀ ‘ਕਿੰਗ’, ਰੁਝਾਨਾਂ ‘ਚ ਮਿਲੀ ਬੜ੍ਹਤ, ਭਾਜਪਾ ਨੇ ਸਵੀਕਾਰ ਕੀਤੀ ਹਾਰ

ਜੇ.ਪੀ. ਆਈ ਹਸਪਤਾਲ ਦੀ ਟੀਮ, ਸਾਰਿਆਂ ਨੂੰ ਇਸ ਮੁਹਿੰਮ ਵਿੱਚ ਸ਼ਾਮਲ ਹੋਣ ਦੀ ਬੇਨਤੀ ਕਰਦੇ ਹਾਂ- ਅੰਨ੍ਹੇਪਣ ਦੇ ਵਿਰੁੱਧ ਇੱਕ ਵਾਕ ਅਤੇ ਇਲਾਜਯੋਗ ਅੰਨ੍ਹੇਪਣ ਨੂੰ ਖਤਮ ਕਰਨ ਲਈ ਇਸ ਪਹਿਲ ਦਾ ਹਿੱਸਾ ਬਣੋ। ਸ੍ਰੀ. ਜੇ.ਐਸ. ਜਯਾਰਾ ਨੇ ਆਪਣਾ ਧੰਨਵਾਦ ਪ੍ਰਗਟ ਕਰਦਿਆਂ ਕਿਹਾ, “ਅਸੀਂ ਅੱਖਾਂ ਦਾਨ ਸਬੰਧੀ ਜਾਗਰੂਕਤਾ ਸੈਰ ਆਯੋਜਿਤ ਕਰਨ ਲਈ ਜੇ.ਪੀ. ਆਈ ਹਸਪਤਾਲ, ਮੋਹਾਲੀ ਦੇ ਧੰਨਵਾਦੀ ਹਾਂ। ਮੈਂ ਸਾਰੇ ਆਮ ਲੋਕਾਂ ਨੂੰ ਬੇਨਤੀ ਕਰਦਾ ਹਾਂ ਕਿ ਉਹ ਇਸ ਮਿਸ਼ਨ ਨੂੰ ਸਫਲ ਬਣਾਉਣ ਲਈ ਆਉਣ ਅਤੇ ਇਸ ਵਿੱਚ ਸ਼ਾਮਲ ਹੋਣ।”

ਸ੍ਰੀ ਹਰਸਿਮਰਨ ਸਿੰਘ ਬੱਲ ਪੀ.ਪੀ.ਐਸ., ਡੀ.ਐਸ.ਪੀ.-ਮੋਹਾਲੀ ਦੀ ਤਰਫੋਂ ਡਾ: ਸੰਦੀਪ ਗਰਗ। ਆਈ.ਪੀ.ਐਸ., ਐਸ.ਐਸ.ਪੀ ਮੋਹਾਲੀ ਹਾਜ਼ਰ ਸਨ, ਉਹਨਾਂ ਦਾ ਕਹਿਣਾ ਹੈ ਕਿ, “ਜਿਵੇਂ ਕਿ ਕਿਸੇ ਨੇ ਕਿਹਾ ਕਿ ਅੱਖਾ ਦਾ ਦਾਨ ਹੀ ਸਭ ਤੋਂ ਵੱਡਾ ਦਾਨ ਹੈ, ਇਸੇ ਪਹਿਲਕਦਮੀ ਨੂੰ ਹਰ ਵਰਗ ਦੇ ਲੋਕਾਂ ਤੱਕ ਪਹੁਚਾਉਣ ਵਾਲੀ ਸੰਸਥਾ ਜੇ.ਪੀ ਆਈ ਹਸਪਤਾਲ ਜੋ ਲੋਕਾਂ ਤੱਕ ਪਹੁੰਚਣ ਲਈ ਇਹ ਪਹਿਲ ਕਰਦੀ ਹੈ। ਮੈਂ ਸਾਰਿਆਂ ਨੂੰ ਇਸ ਮੁਹਿੰਮ ਵਿੱਚ ਸਾਡੇ ਨਾਲ ਜੁੜਨ ਦੀ ਅਪੀਲ ਕਰਦਾ ਹਾਂ।”

ਮੈਂ ਗੁਰਵਿੰਦਰ ਕੌਰ, “ਜੇ. ਪੀ. ਹਸਪਤਾਲ ਦੀ ਸ਼ੁਕਰਗੁਜ਼ਾਰ ਹਾਂ ਕਿ ਉਹਨਾਂ ਨੇ ਮੈਨੂੰ ਇਸ ਨੋਬਲ ਕੌਸ ਦੇ ਨਾਲ ਜੁੜਨ ਦਾ ਮੌਕਾ ਦਿੱਤਾ। ਮੈਂ ਸਾਰਿਆਂ ਨੂੰ ਦਰਖਾਸਤ ਕਰਦੀ ਹਾਂ ਕਿ ਤੁਸੀਂ ਸਾਰੇ ਹੀ ਰਲ ਕੇ ਇਸ ਨੇਕ ਕੰਮ ਦੇ ਵਿੱਚ ਯੋਗਦਾਨ ਪਾਉਣ ਅਤੇ ਆਪਣੀਆਂ ਅੱਖਾਂ ਦੇ ਦਾਨ ਦੀ ਅਹਿਮੀਅਤ ਨੂੰ ਸਮਝੀਏ।” ਸੋਨੀਆ ਮਾਨ ਨੇ ਇਸ ਪਹਿਲਕਦਮੀ ਲਈ ਧੰਨਵਾਦ ਪ੍ਰਗਟ ਕਰਦੇ ਹੋਏ ਕਿਹਾ ਕਿ “ਮੈਂ ਆਪਣੇ-ਆਪ ਨੂੰ ਬਹੁਤ ਹੀ ਖੁਸ਼ਨਸੀਬ ਮੰਨਦੀ ਹਾਂ ਕਿ ਮੈਂ ਸਮਾਜ ਦੇ ਨਾਲ ਜੁੜੀਆਂ ਜਾਗਰੂਕਤਾ ਮੁਹਿੰਮਾਂ ਵਿੱਚ ਹਿੱਸਾ ਲੈਂਦੀ ਹਾਂ, ਇਸੇ ਕਰਕੇ ਮੈਂ ਜੇ.ਪੀ. ਆਈ ਹਸਪਤਾਲ ਦੀ ਇਸ ਜਾਗਰੂਕਤਾ ਮੁਹਿੰਮ ਦਾ ਹਿੱਸਾ ਬਣਨ ਜਾ ਰਹੀ ਹਾਂ।”

ਵੀਡੀਓ ਲਈ ਕਲਿੱਕ ਕਰੋ -:

“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “

The post ਆਓ ਆਪਾਂ ਸਾਰੇ ਹੱਥ ਜੋੜ ਕੇ ਅੱਖਾਂ ਦਾਨ ਕਰਨ ਲਈ ਸਹਿਯੋਗ ਕਰੀਏ, ਅੰਨ੍ਹੇਪਣ ਖਿਲਾਫ ਵਾਕਾਥਾਨ-2023 appeared first on Daily Post Punjabi.