ਨਗਰ ਨਿਗਮ ਮਿਸ਼ਨ ਫਤਿਹ ਤਹਿਤ ‘ਜਨ ਸਾਂਝੇਦਾਰੀ ਪ੍ਰੋਗਰਾਮ’ ਸ਼ੁਰੂ ਕਰ ਰਿਹਾ ਹੈ। ਇਸ ਪ੍ਰੋਗਰਾਮ ਤਹਿਤ ਲੋਕਾਂ ਨੂੰ ਨਾਲ ਲੈ ਕੇ ਕੋਵਿਡ ਦੇ ਖਤਰੇ ਨੂੰ ਘੱਟ ਕਰਨ ਦੀ ਕੋਸ਼ਿਸ਼ ਪ੍ਰਸ਼ਾਸਨ ਵੱਲੋਂ ਕੀਤੀ ਜਾਵੇਗੀ। ਨਗਰ ਨਿਗਮ ਆਪਣੇ ਸਾਰੇ 95 ਵਾਰਡਾਂ ‘ਚ ਕੌਂਸਲਰਾਂ ਦੀ ਅਗਵਾਈ ‘ਚ 5 ਮੈਂਬਰੀ ਟੀਮਾਂ ਗਠਿਤ ਕਰੇਗੀ। ਇਸ ਟੀਮ ‘ਚ ਕੌਂਸਲਰ ਤੋਂ ਇਲਾਵਾ ਇਕ ਸਕੂਲ ਪ੍ਰਿੰਸੀਪਲ, ਇਕ ਸਵੈ-ਸੇਵੀ ਸੰਸਥਾ ਤੋਂ ਕੋਈ ਨੌਜਵਾਨ, ਧਾਰਮਿਕ ਸੰਸਥਾ ਦਾ ਮੈਂਬਰ ਅਤੇ ਸਿਹਤ ਵਿਭਾਗ ਦੇ ਇਕ ਕਰਮਚਾਰੀ ਨੂੰ ਸ਼ਾਮਿਲ ਕੀਤਾ ਜਾਵੇਗਾ। ਨਿਗਮ ਟੀਮਾਂ ਦਾ ਗਠਨ ਕਰਨ ਤੋਂ ਬਾਅਦ ਉਨ੍ਹਾਂ ਨੂੰ ਕੋਵਿਡ ਦੇ ਸਬੰਧਾਂ ‘ਚ ਟ੍ਰੇਨਿੰਗ ਦੇਵੇਗਾ।ਉਸ ਤੋਂ ਬਾਅਦ ਇਹ ਟੀਮ ਆਪਣੇ ਆਪਣੇ ਵਾਰਡਾਂ ‘ਚ 10-10 ਟੀਮਾਂ ਦਾ ਗਠਨ ਕਰੇਗਾ। ਕੌਂਸਲਰ ਦੀ ਅਗਵਾਈ ‘ਚ ਗਠਿਤ ਟੀਮ ਆਪਣੇ ਅਧੀਨ ਨਿਯੁਕਤ ਕੀਤੀ ਗਈਆਂ ਸਾਰੀਆਂ ਟੀਮਾਂ ਦੇ ਨਾਲ ਇਲਾਕੇ ‘ਚ ਵੱਖ-ਵੱਖ ਪ੍ਰੋਗਰਾਮਾਂ ਰਾਹੀਂ ਲੋਕਾਂ ਨੂੰ ਜਾਗਰੂਕ ਕਰਨਗੇ। ਇਸ ‘ਚ ਸਭ ਤੋਂ ਜ਼ਿਆਦਾ ਧਿਆਨ ਲੋਕਾਂ ਨੂੰ ਟੈਸਟ ਕਰਵਾਉਣ ਲਈ ਪ੍ਰੇਰਿਤ ਕਰਨ ‘ਤੇ ਰਹੇਗਾ ਤਾਂ ਕਿ ਕੋਰੋਨਾ ਨੂੰ ਖਤਮ ਕੀਤਾ ਜਾ ਸਕੇ।

The post ਕੋਰੋਨਾ ਨਾਲ ਨਜਿੱਠਣ ਲਈ ਨਗਰ ਨਿਗਮ ਵੱਲੋਂ ਚੁੱਕਿਆ ਗਿਆ ਅਹਿਮ ਕਦਮ appeared first on Daily Post Punjabi.