ਜੇ ਤੁਹਾਡੀ ਅੱਖਾਂ ਦੀ ਰੋਸ਼ਨੀ ਘੱਟ ਹੋ ਰਹੀ ਹੈ ਤਾਂ ਤੁਸੀਂ ਇਹ ਦੇਸੀ ਨੁਸਖ਼ਾ ਯਾਦ ਰੱਖੋ। ਇਸ ਦੇ ਲਈ ਤੁਹਾਨੂੰ ਚਾਹੀਦਾ ਹੈ ਬਦਾਮ, ਸੌਂਫ ਅਤੇ ਮਿਸ਼ਰੀ। ਤੁਹਾਨੂੰ ਇਨ੍ਹਾਂ ਤਿੰਨ ਚੀਜ਼ਾਂ ਨੂੰ ਬਰਾਬਰ ਮਾਤਰਾ ਵਿਚ ਪੀਸਣਾ ਹੈ ਅਤੇ ਪਾਊਡਰ ਦੀ ਤਰ੍ਹਾਂ ਤਿਆਰ ਕਰਨਾ ਹੈ ਅਤੇ ਇਸ ਪਾਊਡਰ ਦਾ ਤੁਹਾਨੂੰ ਰੋਜ਼ਾਨਾ 1 ਚਮਚ ਗਰਮ ਦੁੱਧ ਦੇ ਨਾਲ ਸੇਵਨ ਕਰਨਾ ਪਏਗਾ। ਅਜਿਹਾ ਲਗਾਤਾਰ 40 ਦਿਨ ਕਰੋ ਅਤੇ ਫਰਕ ਵੇਖੋ।

1. ਪੈਰਾਂ ਦੇ ਤਲੀਆਂ ਦੀ ਸਰ੍ਹੋਂ ਦੇ ਤੇਲ ਜਾਂ ਘਿਓ ਨਾਲ ਮਾਲਸ਼ ਕਰੋ।
2. ਸਵੇਰੇ ਨੰਗੇ ਪੈਰ ਹਰੇ ਘਾਹ ‘ਤੇ ਚੱਲੋ ਅਤੇ ਅਲੋਮ-ਵਿਲੋਮ ਪ੍ਰਣਾਯਮ ਕਰੋ।
3. ਆਂਵਲੇ ਦੇ ਪਾਣੀ ਨਾਲ ਅੱਖਾਂ ਨੂੰ ਧੋਣ ਨਾਲ ਅਤੇ ਗੁਲਾਬ ਜਲ ਪਾਉਣ ਨਾਲ ਅੱਖਾਂ ਸਿਹਤਮੰਦ ਰਹਿੰਦੀਆਂ ਹਨ।
4. ਜੇ ਅੱਖਾਂ ‘ਚੋਂ ਪਾਣੀ ਨਿਕਲਣ ਜਾਂ ਕਿਸੇ ਕਿਸਮ ਦੀ ਇੰਫੈਕਸ਼ਨ ਹੋ ਰਹੀ ਹੈ ਤਾਂ 8 ਤੋਂ 10 ਭਿੱਜੇ ਹੋਏ ਬਦਾਮ ਖਾਓ।
5. ਸਵੇਰੇ ਉੱਠ ਕੇ ਬਿਨ੍ਹਾਂ ਕੁਰਲੀ ਕੀਤੇ ਮੂੰਹ ਦੀ ਲਾਰ ਨੂੰ ਆਪਣੀਆਂ ਅੱਖਾਂ ਵਿਚ ਕਾਜਲ ਦੀ ਤਰ੍ਹਾਂ ਲਗਾਤਾਰ ਛੇ ਮਹੀਨੇ ਲਗਾਓ।
6. ਮੱਥੇ ‘ਤੇ ਗਾਂ ਦੇ ਘਿਓ ਨਾਲ ਹਲਕੇ ਹੱਥਾਂ ਨਾਲ ਰੋਜ਼ਾਨਾ ਕੁੱਝ ਦੇਰ ਮਸਾਜ ਕਰੋ।
7. ਤ੍ਰਿਫਲਾ ਪਾਊਡਰ ਨੂੰ ਰਾਤ ਨੂੰ ਪਾਣੀ ਵਿਚ ਭਿਓਂ ਕੇ ਸਵੇਰੇ ਛਾਣ ਕੇ ਉਸ ਪਾਣੀ ਨਾਲ ਅੱਖਾਂ ਨੂੰ ਧੋਵੋ।

ਇਹ ਸਾਰੇ ਟਿਪਸ ਤੁਹਾਡੀਆਂ ਅੱਖਾਂ ਦੀ ਰੌਸ਼ਨੀ ਵਧਾਉਣ ਵਿਚ ਬਹੁਤ ਮਦਦਗਾਰ ਸਾਬਿਤ ਹੁੰਦੇ ਹਨ ਪਰ ਇਹ ਸੁਝਾਅ ਤਾਂ ਹੀ ਕੰਮ ਕਰਨਗੇ ਜੇ ਤੁਸੀਂ ਹੈਲਥੀ ਡਾਇਟ ਵੀ ਖਾਓਗੇ।

• ਅੱਖਾਂ ਦੇ ਲਈ ਓਮੇਗਾ-3 ਫੈਟੀ ਐਸਿਡ, ਜ਼ਿੰਕ, ਵਿਟਾਮਿਨ ਸੀ ਅਤੇ ਈ ਬਹੁਤ ਜ਼ਰੂਰੀ ਹਨ। ਇਸ ਲਈ ਹਰੀਆਂ ਪੱਤੇਦਾਰ ਸਬਜ਼ੀਆਂ ਖਾਓ। ਆਂਵਲਾ, ਆਂਡੇ, ਨਟਸ, ਮੱਛੀ, ਬੀਨਜ਼ ਅਤੇ ਖੱਟੇ ਫਲ ਡਾਇਟ ‘ਚ ਸ਼ਾਮਲ ਕਰੋ।
• ਜੇ ਧੁੱਪ ਵਿਚ ਜਾ ਰਹੇ ਹੋ ਤਾਂ ਸਨਗਲਾਸ ਲਗਾਉਣਾ ਨਾ ਭੁੱਲੋ।
• ਲਗਾਤਾਰ ਇੱਕ ਟੱਕ ਦੇਖਣ ਦੇ ਬਜਾਏ ਅੱਖਾਂ ਨੂੰ ਝਪਕਦੇ ਰਹੋ।
• ਜੇ ਤੁਸੀਂ ਕੰਪਿਊਟਰ-ਲੈਪਟਾਪ ਦੀ ਵਰਤੋਂ ਕਰਦੇ ਹੋ ਤਾਂ ਹਰ 20 ਮਿੰਟ ਬਾਅਦ ਅੱਖਾਂ ਨੂੰ ਅਰਾਮ ਦਿਓ।
• ਰੋਜ਼ਾਨਾ ਅੱਖਾਂ ਵਿਚ ਪਾਣੀ ਦੇ ਛਿੱਟੇ ਮਾਰੋ।

The post ਅੱਖਾਂ ਦੀ ਤੇਜ਼ ਰੋਸ਼ਨੀ ਲਈ ਅਪਣਾਓ ਇਹ ਘਰੇਲੂ ਨੁਸਖ਼ੇ ! appeared first on Daily Post Punjabi.