ਇੱਕ ਪਾਸੇ ਖੇਡਾਂ ਨੂੰ ਵਧਾਵਾ ਦੇਣ ਲਈ ਸਰਕਾਰਾਂ ਵੱਡੇ ਵੱਡੇ ਦਾਅਵੇ ਕਰਦੀਆਂ ਹਨ ਪਰ ਦੂਜੇ ਪਾਸੇ ਕਈ ਖਿਡਾਰੀ ਖੇਡ ‘ਚ ਸਨਮਾਨ ਨਾ ਮਿਲਣ ਕਰਕੇ ਸਰਕਾਰਾਂ ਨੂੰ ਕੋਸ ਰਹੇ ਹਨ।ਅਜਿਹਾ ਹੀ ਇੱਕ ਖਿਡਾਰੀ ਅੰਮ੍ਰਿਤਸਰ ਤਹਿਸੀਲ ਅਜ਼ਨਾਲਾ ਦੇ ਪਿੰਡ ਲੋਪੋਕੇ ਦਾ ਰਹਿਣ ਵਾਲਾ ਹੈ।ਪਰ ਸਰਕਾਰੀ ਨੀਤੀਆਂ ਤੋਂ ਦੁਖੀ ਹੋ ਕੇ ਉਨਾਂ੍ਹ ਨੇ ਖੇਡਾਂ ਛੱਡ ਦਿੱਤੀਆਂ ਹਨ ਆਪਣੇ ਖੇਤਾਂ ‘ਚ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ।

ਇਸ ਬਾਰੇ ‘ਚ ਖਿਡਾਰੀ ਕਰਨਦੀਪ ਸਿੰਘ ਨੇ ਕਿਹਾ ਕਿ ਸਰਕਾਰ ਦੀਆਂ ਗਲਤ-ਨੀਤੀਆਂ ਦੇ ਕਾਰਨ ਉਨਾਂ੍ਹ ਨੇ ਖੇਡਣਾ ਛੱਡਿਆ ਕਿਉਂਕਿ ਸਰਕਾਰ ਖਿਡਾਰੀਆਂ ‘ਤੇ ਕੋਈ ਧਿਆਨ ਨਹੀਂ ਦਿੰਦੀ ਹੈ।ਉਨਾਂ ਨੇ ਮੰਗ ਕੀਤੀ ਕਿ ਸਰਕਾਰ ਖਿਡਾਰੀਆਂ ‘ਤੇ ਧਿਆਨ ਦੇਵੇ ਅਤੇ ਉਨਾਂ੍ਹ ਨੂੰ ਬਣਦਾ ਸਨਮਾਨ ਦੇਣ।ਉਨਾਂ੍ਹ ਨੇ ਕਿਹਾ ਕਿ ਮੈਂ ਕਾਮਨ ਵੈਲਥ ਏਸ਼ੀਅਨ ਗੇਮਜ਼ ‘ਚ ਕਈ ਮੈਡਲ ਵੇਟ ਲਿਫਿਟਿੰਗ ‘ਚ ਹਾਸਲ ਕੀਤੇ ਪਰ ਉਨਾਂ੍ਹ ਨੂੰ ਭਾਰਤ ਦਾ ਨਾਮ ਉੱਚਾ ਕਰਨ ‘ਤੇ ਕੋਈ ਸਨਮਾਨ ਨਹੀਂ ਮਿਲਿਆ ਜਿਸ ਨਾਲ ਉਸਦਾ ਦਿਲ ਟੁੱਟ ਗਿਆ ਅਤੇ ਅੱਜ ਉਹ ਆਪਣੇ ਪਿਤਾ ਦੇ ਨਾਲ ਖੇਤਾਂ ‘ਚ ਕੰਮ ਕਰਕੇ ਪਿਤਾ ਦਾ ਹੱਥ ਵੰਡਾਅ ਰਿਹਾ ਹੈ।

ਦੂਜੇ ਪਾਸੇ ਖਿਡਾਰੀਆਂ ਦੇ ਪਿਤਾ ਗੁਰਭਗਤ ਸਿੰਘ ਨੇ ਕਿਹਾ ਕਿ ਬੇਟੇ ਨੂੰ ਇਸ ਮੁਕਾਮ ਤੱਕ ਪਹੁੰਚਾਉਣ ‘ਚ ਉਨਾਂ੍ਹ ਦਾ ਕਾਫੀ ਪੈਸਾ ਖਰਚਾ ਹੋਇਆ ਪਰ ਸਰਕਾਰ ਨੇ ਉਸ ‘ਤੇ ਕੋਈ ਧਿਆਨ ਨਹੀਂ ਦਿੱਤਾ।ਅੱਜ ਬੇਟਾ ਬੇਰੁਜ਼ਗਾਰ ਨੌਜਵਾਨਾਂ ਦੀ ਤਰ੍ਹਾਂ ਖੇਤਾਂ ‘ਚ ਕੰਮ ਕਰ ਰਿਹਾ ਹੈ।ਪਿਤਾ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਉਨਾਂ੍ਹ ਦੇ ਬੇਟੇ ਨੂੰ ਨੌਕਰੀ ਦਿੱਤੀ ਜਾਵੇ।

The post ਕਾਮਨਵੈਲਥ ਏਸ਼ੀਅਨ ਗੇਮਜ਼ ‘ਚ ਮੈਡਲ ਜਿੱਤਣ ਵਾਲਾ ਖਿਡਾਰੀ ਕਰ ਰਿਹਾ ਹੈ ਖੇਤਾਂ ‘ਚ ਕੰਮ, ਸਰਕਾਰ ਨਹੀਂ ਲੈ ਰਹੀ ਕੋਈ ਸਾਰ… appeared first on Daily Post Punjabi.