ਨਾਸ਼ਤਾ

ਰਵਾ ਡੋਸਾ: ਨਾਸ਼ਤੇ ‘ਚ ਅਕਸਰ ਲੋਕ ਪਰੌਂਠੇ ਜਾਂ ਤਲੀਆਂ ਚੀਜ਼ਾਂ ਖਾਣਾ ਪਸੰਦ ਕਰਦੇ ਹਨ। ਪਰ ਇਸ ਦੀ ਬਜਾਏ ਤੁਸੀਂ ਰਵਾ ਡੋਸਾ ਖਾ ਸਕਦੇ ਹੋ। ਰਵਾ ਡੋਸਾ ਭਾਰ ਘਟਾਉਣ ‘ਚ ਮਦਦਗਾਰ ਹੈ। ਦੱਖਣੀ ਭਾਰਤੀ ਇਸ ਨਾਸ਼ਤੇ ਨਾਲ ਆਪਣੇ ਦਿਨ ਦੀ ਸ਼ੁਰੂਆਤ ਕਰ ਸਕਦੇ ਹਨ। ਇਸ ਨੂੰ ਬਣਾਉਣ ਲਈ ਇੱਕ ਕੌਲੀ ਖੱਟਾ ਦਹੀਂ ਲਓ। ਇਸ ‘ਚ ਦੋ ਕੌਲੀ ਰਵਾ ਪਾ ਕੇ ਮਿਕਸ ਕਰੋ, ਇਸ ‘ਚ ਥੋੜ੍ਹਾ ਜਿਹਾ ਪਾਣੀ ਮਿਲਾ ਕੇ ਗਾੜ੍ਹਾ ਪੇਸਟ ਬਣਾ ਲਓ। ਹੁਣ ਰਾਈ, ਕੜ੍ਹੀ ਪੱਤਾ, ਛੋਲਿਆਂ ਦੀ ਦਾਲ ਅਤੇ ਇੱਕ ਚੁਟਕੀ ਨਮਕ ਪਾ ਕੇ ਪੀਸ ਲਓ। ਹੁਣ ਇਕ ਪੈਨ ਨੂੰ ਗਰਮ ਕਰੋ ਇਸ ‘ਚ ਬੈਟਰ ਨੂੰ ਪਾਓ ਅਤੇ ਫੈਲਾਓ। ਹੁਣ ਤੁਸੀਂ ਤਿਆਰ ਰਵਾ ਡੋਸਾ ਖਾ ਸਕਦੇ ਹੋ।

ਓਟਸ ਇਡਲੀ: ਨਾਸ਼ਤੇ ‘ਚ ਓਟਸ ਇਡਲੀ ਖਾਣਾ ਵੀ ਭਾਰ ਘਟਾਉਣ ਲਈ ਫਾਇਦੇਮੰਦ ਹੋ ਸਕਦਾ ਹੈ। ਇਸ ਨੂੰ ਬਣਾਉਣ ਲਈ 2 ਕੱਪ ਭੁੰਨੇ ਹੋਏ ਓਟਸ ਨੂੰ ਸੁਕਾ ਲਓ। ਹੁਣ ਇਸ ‘ਚ ਤਾਜ਼ੀ ਕੱਦੂਕਸ ਕੀਤੀ ਹੋਈ ਗਾਜਰ, ਸ਼ਿਮਲਾ ਮਿਰਚ ਅਤੇ ਪਿਆਜ਼ ਪਾਓ। ਇਸ ਤੋਂ ਬਾਅਦ ਇੱਕ ਕੱਪ ਖੱਟੇ ਦਹੀਂ ‘ਚ ਓਟਸ ਅਤੇ ਇਨ੍ਹਾਂ ਸਬਜ਼ੀਆਂ ਨੂੰ ਮਿਲਾ ਕੇ ਅੱਧੇ ਘੰਟੇ ਲਈ ਰੱਖ ਦਿਓ। ਇਸ ਨੂੰ ਰਾਈ ਅਤੇ ਕੜ੍ਹੀ ਪੱਤੇ ਨਾਲ ਸੀਜ਼ਨ ਕਰੋ। ਇਡਲੀ ਸਟੀਮਰ ਪਲੇਟਾਂ ਨੂੰ ਤੇਲ ਨਾਲ ਗਰੀਸ ਕਰੋ ਅਤੇ ਬੈਟਰ ਨੂੰ ਸਟੀਮਰ ‘ਚ ਪਾਓ। ਇਡਲੀ ਨੂੰ 15 ਮਿੰਟ ਲਈ ਸਟੀਮ ਕਰੋ ਹੁਣ ਇਹ ਖਾਣ ਲਈ ਤਿਆਰ ਹੈ।

ਆਂਡੇ ਦੀ ਚਾਟ: ਆਂਡੇ ਦੀ ਚਾਟ ਪ੍ਰੋਟੀਨ, ਗੁੱਡ ਫੈਟ ਅਤੇ ਵਿਟਾਮਿਨ ਨਾਲ ਭਰਪੂਰ ਹੁੰਦੀ ਹੈ। ਤੁਸੀਂ ਇਸ ਦਾ ਸੇਵਨ ਨਾਸ਼ਤੇ ‘ਚ ਕਰ ਸਕਦੇ ਹੋ। ਇਹ ਤੁਹਾਡੇ ਭਾਰ ਘਟਾਉਣ ‘ਚ ਬਹੁਤ ਫਾਇਦੇਮੰਦ ਹੋ ਸਕਦਾ ਹੈ। ਇਸ ਨੂੰ ਖਾਣ ਨਾਲ ਤੁਹਾਨੂੰ ਦਿਨ ਭਰ ਐਨਰਜੀ ਮਿਲਦੀ ਰਹੇਗੀ। ਨਾਲ ਹੀ ਭੁੱਖ ਜਲਦੀ ਨਹੀਂ ਲੱਗੇਗੀ।

ਲੰਚ

ਵੇਸਣ ਅਜਵਾਇਣ ਪਰੌਂਠਾ: ਭਾਰ ਘਟਾਉਣ ਲਈ ਤੁਸੀਂ ਲੰਚ ‘ਚ ਵੇਸਣ ਅਜਵਾਇਣ ਪਰੌਂਠਾ ਖਾ ਸਕਦੇ ਹੋ। ਇਸਦੇ ਲਈ ਤੁਸੀਂ ਇੱਕ ਕੌਲੀ ਵੇਸਣ, ਅੱਧੀ ਕੌਲੀ ਕਣਕ ਦਾ ਆਟਾ, ਚੁਟਕੀਭਰ ਨਮਕ, ਅੱਧਾ ਛੋਟਾ ਚੱਮਚ ਅਜਵਾਇਣ ਅਤੇ ਅੱਧਾ ਚੱਮਚ ਜੈਤੂਨ ਦਾ ਤੇਲ ਲਓ। ਇਨ੍ਹਾਂ ਸਾਰੀਆਂ ਸਮੱਗਰੀਆਂ ਨੂੰ ਚੰਗੀ ਤਰ੍ਹਾਂ ਮਿਲਾਓ ਅਤੇ ਆਟਾ ਤਿਆਰ ਕਰੋ। ਹੁਣ ਆਟੇ ਦੇ ਛੋਟੇ-ਛੋਟੇ ਹਿੱਸਿਆਂ ਨੂੰ ਰੋਲ ਕਰੋ ਅਤੇ ਜੈਤੂਨ ਦੇ ਤੇਲ ‘ਚ ਉਦੋਂ ਤੱਕ ਪਕਾਓ ਜਦੋਂ ਤੱਕ ਇਹ ਕੁਰਕੁਰਾ ਨਾ ਹੋ ਜਾਵੇ। ਪਰੌਂਠੇ ਨੂੰ ਦਹੀਂ ਜਾਂ ਮਿਕਸ ਸਬਜ਼ੀਆਂ ਦੇ ਨਾਲ ਖਾਧਾ ਜਾ ਸਕਦਾ ਹੈ।

ਪਨੀਰ ਭੁਰਜੀ ਅਤੇ ਮਿਕਸਡ ਛੋਲਿਆਂ ਦਾ ਸਲਾਦ: ਪ੍ਰੋਟੀਨ ਨਾਲ ਭਰਪੂਰ ਪਨੀਰ ਭੁਰਜੀ ਬਣਾਉਣ ਲਈ ਪਿਆਜ਼, ਅਦਰਕ, ਲਸਣ ਨੂੰ ਕੱਟੋ। ਇਨ੍ਹਾਂ ਨੂੰ ਇੱਕ ਗਰਮ ਪੈਨ ‘ਚ ਜੈਤੂਨ ਦੇ ਤੇਲ ਪਾ ਕੇ ਗਰਮ ਕਰ ਲਓ। 2 ਟਮਾਟਰ ਨੂੰ ਨਰਮ ਹੋਣ ਤੱਕ ਪਕਾਓ। ਚੂਰੇ ਹੋਏ ਪਨੀਰ ਨੂੰ ਮਸਾਲੇ ਦੇ ਨਾਲ ਮਿਲਾਓ ਅਤੇ ਕੱਟੇ ਹੋਏ ਧਨੀਏ ਦੇ ਪੱਤਿਆਂ ਨਾਲ ਗਾਰਨਿਸ਼ ਕਰੋ। ਇਸ ਦੇ ਨਾਲ ਹੀ ਮਿਕਸਡ ਛੋਲਿਆਂ ਦਾ ਸਲਾਦ ਬਣਾਉਣ ਲਈ ਕਾਲੇ ਛੋਲਿਆਂ ਦੇ ਇੱਕ ਬਾਊਲ ‘ਚ ਕੱਟਿਆ ਹੋਇਆ ਖੀਰਾ, ਟਮਾਟਰ, ਸ਼ਿਮਲਾ ਮਿਰਚ, ਗਾਜਰ, ਪਿਆਜ਼, ਹਰਾ ਧਨੀਆ ਅਤੇ ਹਰੀ ਮਿਰਚ ਪਾਓ। ਹੁਣ ਇਸ ‘ਚ 1 ਚੱਮਚ ਨਿੰਬੂ ਦਾ ਰਸ, ਇਕ ਚੁਟਕੀ ਨਮਕ ਅਤੇ ਕਾਲੀ ਮਿਰਚ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਲੰਚ ਲਈ ਸਲਾਦ ਤਿਆਰ ਹੈ।

ਵੈਜੀਟੇਬਲ ਰਵਾ ਉਤਪਮ: ਵੈਜੀਟੇਬਲ ਰਵਾ ਉਤਪਮ ਪ੍ਰੋਟੀਨ ਅਤੇ ਫਾਈਬਰ ਦਾ ਬਹੁਤ ਵਧੀਆ ਸਰੋਤ ਹੈ। ਇਸ ਨੂੰ ਬਣਾਉਣ ਲਈ ਇੱਕ ਕੌਲੀ ਦਹੀਂ ਲਓ। ਇਸ ‘ਚ ਇਕ ਕੌਲੀ ਰਵਾ ਅਤੇ ਇਕ ਚੁਟਕੀ ਨਮਕ ਪਾਓ। ਬੈਟਰ ਨੂੰ ਅੱਧੇ ਘੰਟੇ ਲਈ ਰੱਖ ਦਿਓ। ਕੁਝ ਮੂੰਗਫਲੀ ਭੁੰਨੋ ਅਤੇ ਗਾਜਰ, ਸ਼ਿਮਲਾ ਮਿਰਚ ਅਤੇ ਪਿਆਜ਼ ਨੂੰ ਕੱਦੂਕਸ ਕਰ ਲਓ। ਬੈਟਰ ‘ਚ ਗਾੜ੍ਹਾ ਹੋਣ ਤੱਕ ਪਾਣੀ ਪਾਓ। ਭੁੰਨੀ ਹੋਈ ਮੂੰਗਫਲੀ ਅਤੇ ਕੱਦੂਕਸ ਕੀਤੀਆਂ ਹੋਈਆਂ ਸਬਜ਼ੀਆਂ ਨੂੰ ਬੈਟਰ ‘ਚ ਪਾਓ। ਹੁਣ ਕੜਛੀ ਨਾਲ ਗਰਮ ਤਵੇ ‘ਤੇ ਛੋਟੇ-ਛੋਟੇ ਪੈਨਕੇਕ ਬਣਾ ਲਓ। ਇਸ ਨੂੰ ਤੁਸੀਂ ਲੰਚ ‘ਚ ਖਾ ਸਕਦੇ ਹੋ ਇਸ ਨਾਲ ਤੁਹਾਨੂੰ ਭਾਰ ਘਟਾਉਣ ‘ਚ ਮਦਦ ਮਿਲੇਗੀ।

ਡਿਨਰ

ਮਲਟੀਗ੍ਰੇਨ ਬਰੈੱਡ ਅਤੇ ਐਵੋਕਾਡੋ ਸੈਂਡਵਿਚ: ਮਲਟੀਗ੍ਰੇਨ ਬਰੈੱਡ ਦੇ 2 ਸਲਾਈਸ ਟੋਸਟ ਕਰੋ। ਐਵੋਕਾਡੋ ਪਲਪ ਕੱਢੋ ਅਤੇ ਇਸ ਪਲਪ ‘ਚ ਨਮਕ ਅਤੇ ਕਾਲੀ ਮਿਰਚ ਪਾਓ। ਹੁਣ ਇਕ ਸਲਾਈਸ ‘ਤੇ ਦਹੀਂ ਅਤੇ ਦੂਜੇ ਸਲਾਈਸ ‘ਤੇ ਐਵੋਕੈਡੋ ਪਲਪ ਲਗਾਓ। ਸਲਾਈਸ ‘ਤੇ ਕੱਦੂਕਸ ਕੀਤਾ ਹੋਇਆ ਪਨੀਰ, ਗਾਜਰ ਅਤੇ ਸ਼ਿਮਲਾ ਮਿਰਚ ਪਾਓ। ਹੁਣ ਟੋਸਟ ਨੂੰ ਇੱਕ ਮਿੰਟ ਲਈ ਗਰਿੱਲ ਕਰੋ ਅਤੇ ਹਰੀ ਚਟਨੀ ਨਾਲ ਗਰਮਾ-ਗਰਮ ਸਰਵ ਕਰੋ। ਤੁਸੀਂ ਡਿਨਰ ‘ਚ ਇਸ ਡਿਸ਼ ਨੂੰ ਖਾ ਕੇ ਆਪਣਾ ਭਾਰ ਘੱਟ ਕਰ ਸਕਦੇ ਹੋ।

The post ਵਜ਼ਨ ਘਟਾਉਣ ਲਈ ਬ੍ਰੇਕਫਾਸਟ, ਲੰਚ ਅਤੇ ਡਿਨਰ ‘ਚ ਖਾਓ ਇਹ ਚੀਜ਼ਾਂ appeared first on Daily Post Punjabi.