2014 ਗਲਾਸਗੋ ਅਤੇ 2018 ਗੋਲਡ ਕੋਸਟ ਰਾਸ਼ਟਰਮੰਡਲ ਖੇਡਾਂ ਵਿੱਚ ਸੋਨ ਤਗਮਾ ਜਿੱਤਣ ਵਾਲੀ ਸੰਜੀਤਾ ਨੇ 30 ਸਤੰਬਰ 2022 ਨੂੰ ਅਹਿਮਦਾਬਾਦ ਵਿੱਚ ਹੋਈਆਂ ਰਾਸ਼ਟਰੀ ਖੇਡਾਂ ਵਿੱਚ 49 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਭਾਗ ਲਿਆ ਸੀ । ਇਸ ਵਿੱਚ ਮੀਰਾਬਾਈ ਚਾਨੂ ਨੇ 191 ਕਿਲੋਗ੍ਰਾਮ ਨਾਲ ਸੋਨਾ ਅਤੇ ਸੰਜੀਤਾ ਨੇ 187 ਕਿਲੋਗ੍ਰਾਮ ਨਾਲ ਚਾਂਦੀ ਦਾ ਤਗਮਾ ਜਿੱਤਿਆ ਸੀ । ਇਸ ਦੌਰਾਨ ਨਾਡਾ ਨੇ ਉਸ ਦਾ ਸੈਂਪਲ ਲਿਆ ਸੀ, ਜਿਸ ਵਿੱਚ ਸਟੀਰੌਇਡ ਪਾਏ ਗਏ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਸੰਜੀਤਾ ਦਾ ਬੀ ਸੈਂਪਲ ਵੀ ਲਿਆ ਗਿਆ ਹੈ ਅਤੇ ਉਸਦਾ ਨਤੀਜਾ ਏ ਸੈਂਪਲ ਦੀ ਤਰ੍ਹਾਂ ਹੀ ਆਇਆ ਹੈ।

ਇਹ ਵੀ ਪੜ੍ਹੋ: ਕੈਨੇਡਾ ‘ਚ ਸਿੱਖ ਮਹਿਲਾ ਨੇ ਆਪਣੇ ਬੱਚਿਆਂ ਲਈ ਖੁਦ ਡਿਜ਼ਾਇਨ ਕੀਤੇ ਖ਼ਾਸ ਸਿੱਖ ਹੈਲਮੇਟ

ਦੱਸ ਦੇਈਏ ਕਿ ਸੰਜੀਤਾ ਚਾਨੂ ‘ਤੇ ਇਸ ਤੋਂ ਪਹਿਲਾਂ ਮਈ 2018 ਵਿੱਚ ਡੋਪਿੰਗ ਦਾ ਦੋਸ਼ ਲੱਗਿਆ ਸੀ। ਹਾਲਾਂਕਿ, ਫਿਰ ਅੰਤਰਰਾਸ਼ਟਰੀ ਵੇਟਲਿਫਟਿੰਗ ਫੈਡਰੇਸ਼ਨ (IWF) ਨੇ ਉਸਦੀ ਗਲਤੀ ਮੰਨਦੇ ਹੋਏ 2020 ਵਿੱਚ ਉਸਨੂੰ ਦੋਸ਼ਾਂ ਤੋਂ ਬਰੀ ਕਰ ਦਿੱਤਾ ਸੀ । ਇਸ ਨਾਲ ਸੰਜੀਤਾ ਦੇ ਕਰੀਅਰ ਨੂੰ 2 ਸਾਲ ਦਾ ਨੁਕਸਾਨ ਹੋਇਆ । ਦਰਅਸਲ, IWF ਨੇ 2017 ਵਿੱਚ ਅਮਰੀਕਾ ਵਿੱਚ ਵਿਸ਼ਵ ਚੈਂਪੀਅਨਸ਼ਿਪ ਦੌਰਾਨ ਉਸਦਾ ਸੈਂਪਲ ਲਿਆ ਸੀ। ਇਸ ਦੀ ਜਾਂਚ ਤੋਂ ਬਾਅਦ ਕਿਹਾ ਗਿਆ ਕਿ ਉਸ ਦਾ ਟੈਸਟੋਸਟੀਰੋਨ ਪੱਧਰ ਉੱਚਾ ਹੈ। ਹਾਲਾਂਕਿ, ਬਾਅਦ ਵਿੱਚ IWF ਨੇ ਮੰਨਿਆ ਕਿ ਉਸ ਨੇ ਸੈਂਪਲ ਨੰਬਰ ਵਿੱਚ ਗਲਤੀ ਹੋ ਗਈ ਅਤੇ ਇਹ ਸੰਜੀਤਾ ਨਾਲ ਸਬੰਧਤ ਨਹੀਂ ਹੈ। ਇਸ ਦੇ ਨਾਲ ਹੀ ਸੰਜੀਤਾ ਤੋਂ ਇਲਾਵਾ ਗੁਜਰਾਤ ਨੈਸ਼ਨਲ ਖੇਡਾਂ ਵਿੱਚ 55 ਕਿਲੋ ਭਾਰ ਵਰਗ ਵਿੱਚ ਚਾਂਦੀ ਦਾ ਤਗਮਾ ਜਿੱਤਣ ਵਾਲੀ ਵੀਰਜੀਤ ਕੌਰ ਦਾ ਵੀ ਡੋਪ ਪਾਜ਼ੀਟਿਵ ਪਾਇਆ ਗਿਆ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “

The post Commonwealth Games ‘ਚ 2 ਵਾਰ ਦੀ ਗੋਲਡ ਮੈਡਲਿਸਟ ਵੇਟਲਿਫਟਰ ਸੰਜੀਤਾ ਚਾਨੂ ਮੁੜ ਡੋਪ ਟੈਸਟ ‘ਚ ਫੇਲ੍ਹ appeared first on Daily Post Punjabi.