ਕੰਪਨੀ ਨੇ 5 ਵੱਖ-ਵੱਖ ਕਲਰ ਆਪਸ਼ਨ ਦਿੱਤੇ ਹਨ ਜਿਨ੍ਹਾਂ ‘ਚ ਹਰਾ, ਨੀਲਾ, ਚਿੱਟਾ, ਗੁਲਾਬੀ ਅਤੇ ਵਾਇਲੇਟ ਸ਼ਾਮਲ ਹਨ। ਤੁਸੀਂ ਇਹਨਾਂ ਵਿੱਚੋਂ ਕਿਸੇ ਇੱਕ ਰੰਗ ਨੂੰ ਐਪ ਦੇ ਮੁੱਖ ਰੰਗ ਵਜੋਂ ਚੁਣ ਸਕਦੇ ਹੋ। ਇਸ ਨਾਲ ਤੁਹਾਡਾ ਵਟਸਐਪ ਨਵੇਂ ਰੂਪ ‘ਚ ਦਿਖਾਈ ਦੇਵੇਗਾ। ਇਸ ਅਪਡੇਟ ਦੀ ਜਾਣਕਾਰੀ WhatsApp ਦੇ ਵਿਕਾਸ ‘ਤੇ ਨਜ਼ਰ ਰੱਖਣ ਵਾਲੀ ਵੈੱਬਸਾਈਟ Wabetainfo ਦੁਆਰਾ ਸ਼ੇਅਰ ਕੀਤੀ ਗਈ ਹੈ। ਫਿਲਹਾਲ ਇਸ ਅਪਡੇਟ ਨੂੰ iOS 24.1.10.70 ਬੀਟਾ ਵਰਜ਼ਨ ‘ਚ ਦੇਖਿਆ ਗਿਆ ਹੈ। ਵੈੱਬਸਾਈਟ ਮੁਤਾਬਕ ਨਵਾਂ ਫੀਚਰ ਯੂਜ਼ਰਸ ਨੂੰ ਆਪਣੀ ਪਰਸਨੈਲਿਟੀ ਦੇ ਮੁਤਾਬਕ ਐਪ ਦਾ ਕਲਰ ਸੈੱਟ ਕਰਨ ਦਾ ਵਿਕਲਪ ਦਿੰਦਾ ਹੈ ਜੋ ਯੂਜ਼ਰ ਐਕਸਪੀਰੀਅੰਸ ਨੂੰ ਵੀ ਬਦਲ ਦੇਵੇਗਾ।

WhatsApp ਨੇ ਬੀਟਾ ਯੂਜ਼ਰਸ ਲਈ ਗੂਗਲ ਡਰਾਈਵ ਅਕਾਊਂਟ ਸਟੋਰੇਜ ‘ਤੇ ਚੈਟ ਬੈਕਅੱਪ ਦੀ ਗਿਣਤੀ ਸ਼ੁਰੂ ਕਰ ਦਿੱਤੀ ਹੈ। ਇਸ ਦਾ ਮਤਲਬ ਹੈ ਕਿ ਹੁਣ ਤੁਹਾਡੇ ਡਰਾਈਵ ਖਾਤੇ ਦੀ ਸਟੋਰੇਜ ਚੈਟ ਬੈਕਅੱਪ ਲਈ ਵਰਤੀ ਜਾਵੇਗੀ। ਜੇਕਰ ਤੁਹਾਡੇ ਖਾਤੇ ਵਿੱਚ ਲੋੜੀਂਦੀ ਥਾਂ ਨਹੀਂ ਹੈ, ਤਾਂ ਤੁਹਾਨੂੰ ਜਾਂ ਤਾਂ ਕੁਝ ਡਾਟਾ ਮਿਟਾਉਣਾ ਪਵੇਗਾ ਜਾਂ Google ਤੋਂ ਕੁਝ ਵਾਧੂ ਥਾਂ ਖਰੀਦਣੀ ਪਵੇਗੀ। ਵਰਤਮਾਨ ਵਿੱਚ, ਇਹ ਅਪਡੇਟ ਕੁਝ ਬੀਟਾ ਟੈਸਟਰਾਂ ਲਈ ਲਾਗੂ ਕੀਤਾ ਗਿਆ ਹੈ ਅਤੇ ਇਸ ਸਾਲ ਦੇ ਪਹਿਲੇ ਅੱਧ ਤੱਕ ਹਰੇਕ ‘ਤੇ ਲਾਗੂ ਕੀਤਾ ਜਾਵੇਗਾ। ਇਸ ਦਾ ਮਤਲਬ ਹੈ ਕਿ ਕੋਈ ਵੀ ਮੁਫਤ ਚੈਟ ਬੈਕਅੱਪ ਨਹੀਂ ਹੋਵੇਗਾ।