ਆਂਵਲਾ ਪਾਊਡਰ: ਵਾਲਾਂ ਦੀ ਸਮੱਸਿਆ ਤੋਂ ਬਚਣ ਲਈ ਤੁਸੀਂ ਆਂਵਲਾ ਪਾਊਡਰ ਦੀ ਵਰਤੋਂ ਕਰ ਸਕਦੇ ਹੋ। ਇਹ ਇੱਕ ਆਯੁਰਵੈਦਿਕ ਨੁਸਖਾ ਹੈ। ਇਸ ਦੇ ਲਈ ਇਕ ਪੈਨ ‘ਚ 1 ਕੱਪ ਆਂਵਲਾ ਪਾਊਡਰ ਭੁੰਨੋ। ਹੁਣ ਇਸ ‘ਚ ਲਗਭਗ 500 ਮਿਲੀਲੀਟਰ ਨਾਰੀਅਲ ਤੇਲ ਮਿਲਾਕੇ 20 ਮਿੰਟਾਂ ਤੱਕ ਘੱਟ ਸੇਕ ‘ਤੇ ਪਕਾਓ। ਬਾਅਦ ‘ਚ ਇਸ ਨੂੰ ਠੰਡਾ ਹੋਣ ਲਈ ਇਕ ਪਾਸੇ ਰੱਖ ਦਿਓ। 24 ਘੰਟੇ ਬਾਅਦ ਇਸ ਨੂੰ ਛਾਣਕੇ ਬੋਤਲ ‘ਚ ਭਰ ਲਓ। ਤਿਆਰ ਤੇਲ ਨੂੰ ਸਕੈਲਪ ‘ਤੇ ਲਗਾ ਕੇ ਮਸਾਜ ਕਰੋ। ਇਸ ਨੂੰ 1 ਘੰਟੇ ਲਈ ਛੱਡ ਦਿਓ। ਬਾਅਦ ‘ਚ Mild ਸ਼ੈਂਪੂ ਨਾਲ ਧੋ ਲਓ। ਔਸ਼ਧੀ ਗੁਣਾਂ ਨਾਲ ਭਰਪੂਰ ਆਂਵਲਾ ਵਾਲਾਂ ਨੂੰ ਜੜ੍ਹਾਂ ਤੋਂ ਕਾਲੇ ਅਤੇ ਮਜ਼ਬੂਤ ਬਣਾਉਣ ‘ਚ ਮਦਦ ਕਰੇਗਾ। ਇਸ ਨਾਲ ਤੁਹਾਡੇ ਵਾਲ ਲੰਬੇ, ਸੰਘਣੇ, ਕਾਲੇ, ਨਰਮ ਅਤੇ ਚਮਕਦਾਰ ਹੋਣਗੇ। ਚੰਗਾ ਰਿਜ਼ਲਟ ਪਾਉਣ ਲਈ ਇਸ ਨੂੰ ਹਫ਼ਤੇ ‘ਚ 2 ਵਾਰ ਲਗਾਓ।

ਕੜ੍ਹੀ ਪੱਤਾ: ਵਾਲਾਂ ਨੂੰ ਕਾਲੇ, ਸੰਘਣੇ, ਮਜ਼ਬੂਤ ਬਣਾਉਣ ਲਈ ਕੜੀ ਪੱਤੇ ਨੂੰ ਵੀ ਕਾਰਗਰ ਮੰਨਿਆ ਗਿਆ ਹੈ। ਇਸ ਦੇ ਲਈ ਕੁਝ ਕਰੀ ਪੱਤੇ ਨੂੰ ਪੀਸ ਲਓ। ਹੁਣ ਇਸ ‘ਚ 2-2 ਚੱਮਚ ਆਂਵਲਾ ਅਤੇ ਬ੍ਰਾਹਮੀ ਪਾਊਡਰ ਮਿਲਾਓ। ਫਿਰ ਇਸ ‘ਚ ਲੋੜ ਅਨੁਸਾਰ ਪਾਣੀ ਪਾ ਕੇ ਪੇਸਟ ਬਣਾਓ। ਤਿਆਰ ਮਿਸ਼ਰਣ ਨੂੰ ਵਾਲਾਂ ‘ਤੇ 30 ਮਿੰਟ ਤੱਕ ਲੱਗਿਆ ਰਹਿਣ ਦਿਓ। ਬਾਅਦ ‘ਚ Mild ਸ਼ੈਂਪੂ ਨਾਲ ਧੋ ਲਓ। ਇਹ ਤੁਹਾਡੇ ਵਾਲਾਂ ਨੂੰ ਜੜ੍ਹਾਂ ਤੋਂ ਮਜ਼ਬੂਤ ਅਤੇ ਕਾਲੇ ਕਰਨ ‘ਚ ਮਦਦ ਕਰੇਗਾ। ਨਾਲ ਹੀ ਡੈਂਡਰਫ, ਵਾਲ ਝੜਨ, ਡ੍ਰਾਈ ਵਾਲਾਂ ਦੀ ਸਮੱਸਿਆ ਦੂਰ ਹੋ ਕੇ ਵਾਲ ਸੁੰਦਰ, ਸੰਘਣੇ, ਸ਼ਾਇਨੀ ਨਜ਼ਰ ਆਉਣਗੇ।

ਬਲੈਕ ਟੀ: ਸਫੇਦ ਵਾਲਾਂ ਨੂੰ ਨੈਚੂਰਲੀ ਬਲੈਕ ਕਰਨ ਲਈ ਤੁਸੀਂ ਬਲੈਕ ਟੀ ਦੀ ਵਰਤੋਂ ਕਰ ਸਕਦੇ ਹੋ। ਇਸ ਦੇ ਲਈ ਇਕ ਪੈਨ ‘ਚ 1 ਗਲਾਸ ਪਾਣੀ ਅਤੇ 2 ਚੱਮਚ ਬਲੈਕ ਟੀ ਪਾ ਕੇ ਉਬਾਲੋ। ਪਾਣੀ ਦਾ ਰੰਗ ਬਦਲਣ ‘ਤੇ ਇਸ ਨੂੰ ਠੰਡਾ ਹੋਣ ਲਈ ਰੱਖ ਦਿਓ। ਹੁਣ ਸ਼ੈਂਪੂ ਤੋਂ ਬਾਅਦ ਇਸ ਪਾਣੀ ਨੂੰ ਤੇਲ ਦੀ ਤਰ੍ਹਾਂ ਸਕੈਲਪ ‘ਤੇ ਲਗਾਕੇ ਮਸਾਜ ਕਰੋ। ਇਸ ਨੂੰ 10-15 ਮਿੰਟ ਲਈ ਲੱਗਾ ਰਹਿਣ ਦਿਓ। ਬਾਅਦ ‘ਚ ਤਾਜ਼ੇ ਪਾਣੀ ਨਾਲ ਧੋ ਲਓ। ਇਸ ਨਾਲ ਤੁਹਾਡੇ ਸਫੇਦ ਵਾਲਾਂ ਦੀ ਸਮੱਸਿਆ ਦੂਰ ਹੋਵੇਗੀ ਅਤੇ ਹੌਲੀ-ਹੌਲੀ ਵਾਲ ਕਾਲੇ ਹੋਣ ਲੱਗਣਗੇ। ਚੰਗੇ ਅਤੇ ਜਲਦੀ ਰਿਜ਼ਲਟ ਪਾਉਣ ਲਈ ਇਨ੍ਹਾਂ ‘ਚੋਂ ਕਿਸੇ ਵੀ ਆਯੁਰਵੈਦਿਕ ਨੁਸਖ਼ੇ ਨੂੰ ਹਫ਼ਤੇ ‘ਚ 2 ਵਾਰ ਜ਼ਰੂਰ ਅਪਣਾਓ।

The post ਘੱਟ ਉਮਰ ‘ਚ ਚਿੱਟੇ ਹੋ ਰਹੇ ਹਨ ਵਾਲ ਤਾਂ ਅਪਣਾਕੇ ਦੇਖੋ ਇਹ 3 ਚੀਜ਼ਾਂ appeared first on Daily Post Punjabi.