WHO urges countries to continue

WHO ਦੀ ਇਹ ਐਡਵਾਇਜ਼ਰੀ ਉਦੋਂ ਆਈ ਜਦੋਂ ਵੱਖ-ਵੱਖ ਦੇਸ਼ਾਂ ਵਿੱਚ ਕੋਰੋਨਾ ਦਾ ਨਵਾਂ ਸਬ-ਵੇਰੀਐਂਟ JN.1 ਤੇਜ਼ੀ ਨਾਲ ਫੈਲ ਰਿਹਾ ਹੈ, ਜਿਸਦੇ ਚੱਲਦਿਆਂ ਇੱਕ ਵਾਰ ਫਿਰ ਕੋਰੋਨਾ ਦੇ ਮਾਮਲਿਆਂ ਵਿੱਚ ਵਾਧਾ ਦਰਜ ਕੀਤਾ ਜਾ ਰਿਹਾ ਹੈ। ਇਹ BA.2.86 ਦਾ ਸਬ- ਵੇਰੀਐਂਟ ਹੈ। WHO ਨੇ ਡਾ. ਮਾਰਿਆ ਵਾਨ ਕੇਰਖੋਵ ਦੀ ਇੱਕ ਵੀਡੀਓ ਵੀ ਸਾਂਝੀ ਕੀਤੀ ਹੈ., ਜਿਨ੍ਹਾਂ ਨੇ ਮਾਮਲਿਆਂ ਦੇ ਵਧਣ ਦੇ ਪਿੱਛੇ ਦੇ ਕਾਰਨਾਂ ਨੂੰ ਸਮਝਾਇਆ ਤੇ ਵਰਤੀਆਂ ਜਾਣ ਵਾਲੀਆਂ ਸਾਵਧਾਨੀਆਂ ਦੇ ਬਾਰੇ ਵੀ ਗੱਲਬਾਤ ਕੀਤੀ।

ਇਹ ਵੀ ਪੜ੍ਹੋ: ਨਹੀਂ ਰਹੀ ‘ਆਉਟ ਸਟੈਂਡਿੰਗ ਡਿਪਲੋਮੈਟ ਐਵਾਰਡ’ ਜਿੱਤਣ ਵਾਲੀ ਇੰਦਰਪ੍ਰੀਤ ਕੌਰ, ਸ਼ੱਕੀ ਹਲਾਤ ‘ਚ ਹੋਈ ਮੌ.ਤ

WHO ਨੇ ਇਸ ਸਬੰਧੀ ਇੱਕ ਵੀਡੀਓ ਸਾਂਝੀ ਕਰਦਿਆਂ ਲਿਖਿਆ, ” ਡਾ. ਮਾਰਿਆ ਵਾਨ ਕੇਰਖੋਵ ਨੇ ਸਾਹ ਸਬੰਧੀ ਬਿਮਾਰੀਆਂ ਕੋਵਿਡ-19 ਤੇ ਜੇਐੱਨ.1 ਸਬ-ਵੇਰੀਐਂਟ ਵਿੱਚ ਮੌਜੂਦਾ ਉਛਾਲ ਬਾਰੇ ਗੱਲਬਾਤ ਕੀਤੀ। WHO ਵੱਲੋਂ ਸਥਿਤੀ ‘ਤੇ ਨਜ਼ਰ ਰੱਖੀ ਜਾ ਰਹੀ ਹੈ। ਉਨ੍ਹਾਂ ਛੁੱਟੀਆਂ ਦੇ ਮੌਸਮ ਦੌਰਾਨ ਆਪਣੇ ਪਰਿਵਾਰਾਂ ਤੇ ਦੋਸਤਾਂ ਨੂੰ ਸੁਰੱਖਿਅਤ ਰੱਖਣ ਲਈ WHO ਦੀ ਜਨਤਕ ਸਿਹਤ ਸਲਾਹ ਦਾ ਪਾਲਣ ਕਰੋ। ਵੀਡੀਓ ਮੈਸੇਜ ਵਿੱਚ ਕੇਰਖੋਵ ਨੇ ਕਿਹਾ ਕਿ ਸਾਹ ਸਬੰਧੀ ਬਿਮਾਰੀਆਂ ਹਾਲ ਹੀ ਵਿੱਚ ਕਈ ਥਾਵਾਂ ਤੋਂ ਵਧੀ ਹੈ, ਜਿਸ ਵਿੱਚ ਛੁੱਟੀਆਂ ਦੇ ਮੌਸਮ ਵਿੱਚ ਵਧਦੀ ਭੀੜ ਤੇ ਹੋਰ ਕਾਰਨ ਵੀ ਸ਼ਾਮਿਲ ਹਨ।

WHO urges countries to continue

ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਕੇਰਲ ਵਿੱਚ ਕੋਰੋਨਾ ਦੇ ਇਸ ਨਵੇਂ ਸਬ-ਵੇਰੀਐਂਟ ਦਾ ਪਹਿਜਲਾ ਮਾਮਲਾ ਸਾਹਮਣੇ ਆਇਆ। ਨਿਊਜ਼ ਏਜੰਸੀ ਦੇ ਸੂਤਰਾਂ ਨੇ ਸ਼ਨੀਵਾਰ ਨੇ ਕਿਹਾ ਕਿ 79 ਸਾਲਾ ਮਹਿਲਾ ਦੇ ਸੈਂਪਲ ਦੀ 18 ਨਵੰਬਰ ਨੂੰ ਆਰਟੀ-ਪੀਸੀਆਰ ਜਾਂਚ ਕੀਤੀ ਗਈ ਸੀ, ਜੋ ਕਿ ਪਾਜ਼ੀਟਿਵ ਆਇਆ ਸੀ। ਮਹਿਲਾ ਵਿੱਚ ਇੰਫਲੂਐਂਜ਼ਾ ਵਰਗੀਆਂ ਬਿਮਾਰੀਆਂ ਦੇ ਹਲਕੇ ਲੱਛਣ ਸੀ ਤੇ ਪਹਿਲਾਂ ਵੀ ਕੋਰੋਨਾ ਦੀ ਚਪੇਟ ਵਿੱਚ ਆ ਚੁੱਕੀ ਹੈ।

ਵੀਡੀਓ ਲਈ ਕਲਿੱਕ ਕਰੋ : –

The post ਦੁਨੀਆ ‘ਚ ਮੁੜ ਫੈਲਣ ਲੱਗਿਆ ਕੋਰੋਨਾ ! ਸਾਹਮਣੇ ਆਇਆ ਨਵਾਂ ਵੇਰੀਐਂਟ, WHO ਨੇ ਜਾਰੀ ਕੀਤੀ ਐਡਵਾਇਜ਼ਰੀ appeared first on Daily Post Punjabi.