ਦਰਅਸਲ, ਨੋਇਡਾ ਦੀ ਖੋੜਾ ਕਾਲੋਨੀ ਦੀ ਰਹਿਣ ਵਾਲੀ ਰਿੰਕੀ ਦੇਵੀ ਦਾ ਇਕਲੌਤਾ ਪੁੱਤਰ ਕੋਰੋਨਾ ਦਾ ਸ਼ਿਕਾਰ ਹੋ ਗਿਆ ਸੀ। ਨੋਇਡਾ ਦੇ ਸੈਕਟਰ 51 ਸਥਿਤ ਇੱਕ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਸੀ । ਇੱਥੇ ਡਾਕਟਰਾਂ ਨੇ ਰਿੰਕੀ ਦੇਵੀ ਨੂੰ ਰੇਮਡੇਸਿਵਿਰ ਟੀਕਾ ਲਿਆ ਕੇ ਦੇਣ ਦੀ ਪਰਚੀ ਦੇ ਦਿੱਤੀ। ਮਾਂ ਨੂੰ ਪਤਾ ਲੱਗਿਆ ਕਿ ਇਹ ਟੀਕਾ ਸੈਕਟਰ 39 ਦੇ ਸੀਐਮਓ ਦਫਤਰ ਤੋਂ ਮਿਲੇਗਾ । ਬੇਟੇ ਦੀ ਜਾਨ ਬਚਾਉਣ ਦੀ ਕੋਸ਼ਿਸ਼ ਵਿੱਚ ਬੇਵੱਸ ਮਾਂ ਸੀਐਮਓ ਦਫਤਰ ਦੀ ਦਹਿਲੀਜ਼ ਤੱਕ ਪਹੁੰਚ ਗਈ । ਲੰਬੇ ਸਮੇਂ ਤੱਕ ਇੰਤਜ਼ਾਰ ਕਰਨ ਤੋਂ ਬਾਅਦ ਜਦੋਂ ਰਿੰਕੀ ਦੇਵੀ ਨੂੰ ਲੱਗਿਆ ਕਿ ਇਹ ਟੀਕਾ ਪਾਉਣਾ ਬਹੁਤ ਮੁਸ਼ਕਿਲ ਹੈ, ਤਾਂ ਉਸਦਾ ਸਾਹਮਣਾ ਸੀਐਮਓ ਡਾਕਟਰ ਦੀਪਕ ਓਹਰੀ ਨਾਲ ਹੋ ਗਿਆ।

ਸੀਐਮਓ ਨੂੰ ਵੇਖਦਿਆਂ ਹੀ ਰਿੰਕੀ ਦੇਵੀ ਉਸ ਦੇ ਪੈਰਾਂ ‘ਤੇ ਡਿੱਗ ਪਈ ਅਤੇ ਪੁੱਤਰ ਦੀ ਜਾਨ ਬਚਾਉਣ ਦੀ ਫਰਿਆਦ ਕਰਦਿਆਂ ਟੀਕਾ ਮੰਗਣ ਲੱਗੀ । ਮੁੱਖ ਮੈਡੀਕਲ ਅਫਸਰ ਨੇ ਉਨ੍ਹਾਂ ਤੋਂ ਪਰਚੀ ਲੈ ਲਈ, ਪਰ ਰੇਮਡੇਸਿਵਿਰ ਦੀ ਘਾਟ ਦੀ ਗੱਲ ਕਹਿ ਕੇ ਮਦਦ ਕਰਨ ਤੋਂ ਇਨਕਾਰ ਕਰ ਦਿੱਤਾ । ਬੇਸਹਾਰਾ, ਲਾਚਾਰ ਮਾਂ ਸ਼ਾਮ ਤੱਕ ਸੀ.ਐੱਮ.ਓ ਦਫਤਰ ਵਿਖੇ ਮਦਦ ਦੀ ਉਡੀਕ ਕਰਦੀ ਰਹੀ, ਪਰ ਉਸ ਨੂੰ ਟੀਕਾ ਨਹੀਂ ਮਿਲਿਆ । ਜਿਸ ਤੋਂ ਬਾਅਦ ਉਹ ਖਾਲੀ ਹੱਥ ਹਸਪਤਾਲ ਵਾਪਸ ਚਲੀ ਗਈ। ਜਿੱਥੇ ਉਸਦਾ ਬੇਟਾ ਦਮ ਤੋੜ ਚੁੱਕਿਆ ਸੀ।

ਇਹ ਵੀ ਦੇਖੋ: ‘ਜਿਨ੍ਹਾਂ ਤੋਂ ਉੱਮੀਦ ਸੀ, ਉਨ੍ਹਾਂ ਨਹੀਂ ਗੈਰਾਂ ਨੇ ਬਹੁਤ ਸਾਥ ਦਿੱਤਾ’’ ਰਿਹਾਅ ਹੋ ਕੇ ਆਏ Deep Sidhu ਦੀ Interview

The post Remdesivir ਟੀਕੇ ਲਈ ਗਿੜਗਿੜਾਈ , CMO ਦੇ ਫੜ੍ਹੇ ਪੈਰ, ਪਰ ਬੇਵੱਸ ਮਾਂ ਨਹੀਂ ਬਚਾ ਸਕੀ ਇਕਲੌਤੇ ਪੁੱਤ ਦੀ ਜਾਨ appeared first on Daily Post Punjabi.