ਪੁਲਸ ਕਮਿਸ਼ਨਰ ਰਾਕੇਸ਼ ਅਗਰਵਾਲ ਮੁਤਾਬਕ ਥਾਣੇ ’ਚ ਹੈਲਪ ਡੈਸਕ ’ਤੇ ਪੁੱਜਦੇ ਹੀ ਔਰਤ ਦੀ ਸ਼ਿਕਾਇਤ ਰਜਿਸਟਰਡ ਕਰ ਕੇ ਪਹਿਲਾਂ ਯੂ.ਆਈ. ਡੀ. ਨੰਬਰ ਲਾਇਆ ਜਾਵੇਗਾ। ਇਸ ਲਈ ਵੱਖ-ਵੱਖ ਪੋਰਟਲ ਸ਼ੁਰੂ ਕੀਤੇ ਜਾ ਰਹੇ ਹਨ। ਚੰਡੀਗੜ੍ਹ ਤੱਕ ਦਫ਼ਤਰ ’ਚ ਬੈਠੇ ਅਧਿਕਾਰੀ ਆਨਲਾਈਨ ਰੋਜ਼ਾਨਾ ਦੀਆਂ ਸ਼ਿਕਾਇਤਾਂ, ਪੁਰਾਣੀਆਂ ਸ਼ਿਕਾਇਤਾਂ ਦੀ ਜਾਂਚ ਦੇ ਸਮੇਂ ਤੋਂ ਇਲਾਵਾ ਕੁਝ ਵੀ ਚੈੱਕ ਕਰ ਸਕਦੇ ਹਨ। ਜੇਕਰ ਕਿਸੇ ਸ਼ਿਕਾਇਤ ਦੀ ਜਾਂਚ ਪੂਰੀ ਹੋਣ ’ਚ ਜ਼ਿਆਦਾ ਸਮਾਂ ਲੱਗ ਰਿਹਾ ਹੈ ਤਾਂ ਜਾਂਚ ਕਰ ਰਹੇ ਮੁਲਾਜ਼ਮ ’ਤੇ ਵੀ ਕਾਰਵਾਈ ਕੀਤੀ ਜਾਵੇਗੀ ਕਿਉਂਕਿ ਪੋਰਟਲ ’ਚ ਜਿਨ੍ਹਾਂ ਸ਼ਿਕਾਇਤਾਂ ਦਾ ਨਿਪਟਾਰਾ ਨਹੀਂ ਹੋਇਆ, ਉਨ੍ਹਾਂ ਦਾ ਵੱਖ ਤੋਂ ਪਤਾ ਲੱਗਦਾ ਰਹੇਗਾ। ਇਸ ਲਈ ਹਰ ਸ਼ਿਕਾਇਤ ਨੂੰ ਜਲਦ ਤੋਂ ਜਲਦ ਹੱਲ ਕਰਨਾ ਜ਼ਰੂਰੀ ਹੋਵੇਗਾ।ਪੁਲਸ ਕਮਿਸ਼ਨਰ ਅਗਰਵਾਲ ਨੇ ਦੱਸਿਆ ਕਿ ਹੈਲਪ ਡੈਸਕ ’ਤੇ ਬੈਠਣ ਵਾਲੀ ਮੁਲਾਜ਼ਮ ਔਰਤ ਨੂੰ ‘ਮਹਿਲਾ ਮਿੱਤਰ’ ਦਾ ਨਾਮ ਦਿੱਤਾ ਗਿਆ ਹੈ। ਮਹਿਲਾ ਮਿੱਤਰ ਸਵੇਰ 9 ਤੋਂ ਸ਼ਾਮ 6 ਵਜੇ ਤੱਕ ਥਾਣੇ ’ਚ ਮੌਜੂਦ ਰਹੇਗੀ। ਰਾਤ ਸਮੇਂ ਅਮਰਜੈਂਸੀ ’ਚ ਉਨ੍ਹਾਂ ਨੂੰ ਬੁਲਾਇਆ ਜਾ ਸਕੇਗਾ। ਹਰ ਥਾਣੇ ’ਚ 2 ਮਹਿਲਾ ਮਿੱਤਰ ਤਾਇਨਾਤ ਕੀਤੀਆਂ ਗਈਆਂ ਹਨ।

ਇਹ ਵੀ ਦੇਖੋ–

The post ਨਵੇਂ ਸਾਲ ਦੀ ਸ਼ੁਰੂਆਤ ‘ਚ ਔਰਤਾਂ ਨੂੰ ਮਿਲਿਆ ਖਾਸ ਤੋਹਫਾ, ਜਾਣੋ appeared first on Daily Post Punjabi.