ਵਿੰਡੀਜ਼ ਲਈ ਇਹ ਕੋਈ ਵੱਡਾ ਟੀਚਾ ਨਹੀਂ ਸੀ,  ਪਰ ਬਲਵਿੰਦਰ ਸਿੰਘ ਸੰਧੂ ਨੇ ਗੋਰਡਨ ਗ੍ਰੀਨਿਜ ਨੂੰ ਸਿਰਫ ਇੱਕ ਦੌੜ ‘ਤੇ ਬੋਲਡ ਕਰਕੇ ਭਾਰਤ ਨੂੰ ਜ਼ਬਰਦਸਤ ਸਫਲਤਾ ਦਿੱਤੀ। ਕੈਰੇਬੀਅਨ ਦੀ ਟੀਮ ਨੂੰ ਸਿਰਫ ਪੰਜ ਦੇ ਸਕੋਰ ‘ਤੇ ਇਹ ਝੱਟਕਾ ਲੱਗਿਆ ਸੀ। ਹਾਲਾਂਕਿ ਇਸ ਤੋਂ ਬਾਅਦ ਵਿਵੀਅਨ ਰਿਚਰਡਸ ਨੇ ਬੱਲੇਬਾਜ਼ੀ ਕਰਦਿਆਂ 33 ਦੌੜਾਂ ਬਣਾਈਆਂ। ਕ੍ਰੀਜ਼ ‘ਤੇ ਨਜ਼ਰਾਂ ਜਮਾਂ ਚੁੱਕੇ ਰਿਚਰਡਸ ਨੇ ਮਦਨ ਲਾਲ ਦੀ ਗੇਂਦ ਤੇ ਅਚਾਨਕ ਮਿਡ ਵਿਕਟ ਵੱਲ ਇੱਕ ਉੱਚਾ ਸ਼ਾਟ ਖੇਡਿਆ। ਕਪਿਲ ਨੇ ਪਿੱਛੇ ਨੂੰ ਦੌੜਦਿਆਂ ਇੱਕ ਸ਼ਾਨਦਾਰ ਕੈਚ ਫੜਿਆ। ਵਿੰਡੀਜ਼ ਨੇ 57 ਦੇ ਸਕੋਰ ‘ਤੇ ਤੀਸਰੀ ਵਿਕਟ ਗਵਾ ਦਿੱਤੀ ਸੀ। ਇਸ ਕੀਮਤੀ ਵਿਕਟ ਨਾਲ ਭਾਰਤੀ ਟੀਮ ਦਾ ਉਤਸ਼ਾਹ ਦੁੱਗਣਾ ਹੋ ਗਿਆ।

ਰਿਚਰਡਜ਼ ਦੇ ਆਊਟ ਹੋਣ ਦਾ ਅਰਥ ਇਹ ਹੋਇਆ ਕਿ ਵੈਸਟਇੰਡੀਜ਼ ਦੀ ਪਾਰੀ ਲੜਖੜਾ ਗਈ। ਇੱਕ ਸਮੇਂ 76 ਦੌੜਾਂ ‘ਤੇ 6 ਵਿਕਟਾਂ ਡਿੱਗ ਪਈਆਂ ਸੀ। ਆਖਰਕਾਰ ਸਾਰੀ ਟੀਮ 52 ਓਵਰਾਂ ਵਿੱਚ 140 ਦੌੜਾਂ ‘ਤੇ ਸਿਮਟ ਗਈ। ਆਖਰੀ ਵਿਕਟ ਦੇ ਰੂਪ ਵਿੱਚ, ਮਾਈਕਲ ਹੋਲਡਿੰਗ ਦੀ ਵਿਕਟ ਡਿੱਗੀ ਅਤੇ ਲਾਰਡਸ ਦਾ ਮੈਦਾਨ ਭਾਰਤ ਦੀ ਜਿੱਤ ਦੇ ਜਸ਼ਨ ਵਿੱਚ ਡੁੱਬ ਗਿਆ। ਮਦਨ ਲਾਲ ਨੇ 31 ਦੌੜਾਂ ‘ਤੇ ਤਿੰਨ, ਮਹਿੰਦਰ ਅਮਰਨਾਥ ਨੇ 12 ਦੌੜਾਂ ‘ਤੇ ਤਿੰਨ ਵਿਕਟਾਂ ਲਈਆਂ ਅਤੇ ਸੰਧੂ ਨੇ 32 ਦੌੜਾਂ ‘ਤੇ ਦੋ ਵਿਕਟਾਂ ਲਈਆਂ ਅਤੇ ਲੋਇਡ ਦੇ ਧੁਰੰਦਰਾ ਦੀ ਚੁਣੌਤੀ ਨੂੰ ਪਾਰ ਕਰ ਲਿਆ। ਮਹਿੰਦਰ ਅਮਰਨਾਥ ਆਪਣੇ ਸਰਵਪੱਖੀ ਪ੍ਰਦਰਸ਼ਨ (26 ਦੌੜਾਂ ਅਤੇ 3 ਵਿਕਟਾਂ) ਨਾਲ ਸੈਮੀਫਾਈਨਲ ਤੋਂ ਬਾਅਦ ਫਾਈਨਲ ਵਿੱਚ ਵੀ ‘ਮੈਨ ਆਫ ਦਿ ਮੈਚ’ ਰਹੇ। ਇਸ ਇਤਿਹਾਸਕ ਸਫਲਤਾ ਤੋਂ ਬਾਅਦ ਟੀਮ ਇੰਡੀਆ ਮਹਿੰਦਰ ਸਿੰਘ ਧੋਨੀ ਦੀ ਕਪਤਾਨੀ ਹੇਠ 28 ਸਾਲਾਂ ਬਾਅਦ 2011 ਵਿੱਚ ਫਿਰ ਵਨਡੇ ਵਰਲਡ ਕੱਪ ਜਿੱਤਣ ‘ਚ ਕਾਮਯਾਬ ਰਹੀ।

The post ਭਾਰਤੀ ਕ੍ਰਿਕਟ ਇਤਿਹਾਸ ਦਾ ਸਭ ਤੋਂ ਸੁਨਹਿਰੀ ਦਿਨ, ਅੱਜ ਹੀ ਬਣਿਆ ਸੀ ਪਹਿਲੀ ਵਾਰ ਵਿਸ਼ਵ ਚੈਂਪੀਅਨ appeared first on Daily Post Punjabi.