ਇਸ ਸਬੰਧੀ ਪੀਐਮ ਮੋਦੀ ਨੇ ਆਪਣੇ ਟਵੀਟ ਵਿੱਚ ਲਿਖਿਆ, “ਵਿਸ਼ਵ ਸਿਹਤ ਦਿਵਸ ਉਨ੍ਹਾਂ ਸਾਰਿਆਂ ਦੀ ਪ੍ਰਸ਼ੰਸਾ ਕਰਨ ਦਾ ਦਿਨ ਹੈ ਜੋ ਸਾਡੇ ਗ੍ਰਹਿ ਨੂੰ ਤੰਦਰੁਸਤ ਰੱਖਣ ਲਈ ਦਿਨ-ਰਾਤ ਮਿਹਨਤ ਕਰਦੇ ਹਨ । ਸਿਹਤ ਸੰਭਾਲ ਦਿਵਸ ਵਿੱਚ ਖੋਜ ਅਤੇ ਨਵੀਨਤਾ ਪ੍ਰਤੀ ਸਾਡੀ ਵਚਨਬੱਧਤਾ ਦੁਹਰਾਉਣ ਦਾ ਵੀ ਦਿਨ ਹੈ। ਵਿਸ਼ਵ ਸਿਹਤ ਦਿਵਸ ‘ਤੇ ਸਾਨੂੰ ਕੋਰੋਨਾ ਨਾਲ ਲੜਨ ‘ਤੇ ਧਿਆਨ ਦੇਣਾ ਚਾਹੀਦਾ ਹੈ, ਜਿਸ ਵਿੱਚ ਮਾਸਕ ਪਾਉਣਾ, ਨਿਯਮਿਤ ਤੌਰ ‘ਤੇ ਹੱਥ ਧੋਣੇ ਅਤੇ ਹੋਰ ਪ੍ਰੋਟੋਕਾਲਾਂ ਦੀ ਪਾਲਣਾ ਕਰਨਾ ਸ਼ਾਮਿਲ ਹੈ। ਤੰਦਰੁਸਤ ਰਹਿਣ ਲਈ ਹਰ ਸੰਭਵ ਕਦਮ ਚੁੱਕੋ।”

ਉਨ੍ਹਾਂ ਨੇ ਅੱਗੇ ਲਿਖਿਆ, “ਭਾਰਤ ਸਰਕਾਰ ਆਯੁਸ਼ਮਾਨ ਭਾਰਤ ਅਤੇ ਪ੍ਰਧਾਨ ਮੰਤਰੀ ਜਨ ਧਨ ਯੋਜਨਾ ਸਮੇਤ ਕਈ ਉਪਾਅ ਕਰ ਰਹੀ ਹੈ ਤਾਂ ਜੋ ਇਹ ਸੁਨਿਸ਼ਚਿਤ ਕੀਤਾ ਜਾ ਸਕੇ ਕਿ ਲੋਕਾਂ ਨੂੰ ਚੰਗੀਆਂ ਅਤੇ ਕਿਫਾਇਤੀ ਸਿਹਤ ਸੇਵਾਵਾਂ ਮਿਲ ਸਕਣ।  ਭਾਰਤ ਕੋਰੋਨਾ ਦੇ ਖਿਲਾਫ਼ ਲੜਾਈ ਨੂੰ ਮਜ਼ਬੂਤ ਕਰਨ ਦੇ ਲਈ ਦੁਨੀਆ ਦੀ ਸਭ ਤੋਂ ਵੱਡੀ ਟੀਕਾਕਰਨ ਮੁਹਿੰਮ ਵੀ ਚਲਾ ਰਿਹਾ ਹੈ।”

ਦੱਸ ਦੇਈਏ ਕਿ ਮੌਜੂਦਾ ਸਮੇਂ ਵਿੱਚ ਵਿਸ਼ਵ ਭਰ ਦੇ ਲੱਖਾਂ ਲੋਕ ਬਹੁਤ ਸਾਰੀਆਂ ਵੱਡੀਆਂ ਬਿਮਾਰੀਆਂ ਨਾਲ ਜੂਝ ਰਹੇ ਹਨ। ਜਿਸ ਵਿੱਚ ਮਲੇਰੀਆ, ਹੈਜ਼ਾ, ਟੀਬੀ, ਪੋਲੀਓ, ਕੋੜ੍ਹ, ਕੈਂਸਰ ਅਤੇ ਏਡਜ਼ ਵਰਗੀਆਂ ਜਾਨਲੇਵਾ ਬਿਮਾਰੀਆਂ ਸ਼ਾਮਿਲ ਹਨ । ਦੁਨੀਆ ਭਰ ਦੇ ਲੋਕ ਸਰੀਰਿਕ, ਮਾਨਸਿਕ ਤੇ ਸਮਾਜਿਕ ਰੂਪ ਨਾਲ ਤੰਦਰੁਸਤ ਬਣਾਉਣ ਲਈ ਜਾਗਰੂਕ ਕਰਨਾ ਇਸ ਦਿਨ ਦਾ ਮੁਖ ਉਦੇਸ਼ ਹੈ। ਵਿਸ਼ਵ ਸਿਹਤ ਦਿਵਸ ਰਾਹੀਂ ਲੋਕਾਂ ਨੂੰ ਆਪਣੀ ਸਿਹਤ ਦੀ ਦੇਖਭਾਲ ਅਤੇ ਇਸ ਪ੍ਰਤੀ ਜਾਗਰੂਕ ਹੋਣਾ ਸਿਖਾਇਆ ਜਾਂਦਾ ਹੈ। ਵਿਸ਼ਵ ਸਿਹਤ ਸੰਗਠਨ ਵੱਲੋਂ ਸਿਹਤ ਦੇ ਖੇਤਰ ਵਿੱਚ ਕੰਮ ਕਰਦੇ ਪੇਸ਼ੇਵਰਾਂ ਅਤੇ ਸਿਹਤ ਸੈਕਟਰ ਵਿੱਚ ਕੰਮ ਕਰ ਰਹੀਆਂ ਹੋਰ ਸੰਸਥਾਵਾਂ ਦਾ ਇਸ ਦਿਨ ਸਮਰਥਨ ਕੀਤਾ ਜਾਂਦਾ ਹੈ। 

ਇਹ ਵੀ ਦੇਖੋ: ਅੰਮ੍ਰਿਤਸਰ ਦਰਬਾਰ ਸਾਹਿਬ ਸਿਰ ਝੁਕਾ ਕੇ ‘Sonu Sood’ ਨੇ ਦਿੱਤਾ ਕਿਸਾਨਾਂ ‘ਤੇ ਵੱਡਾ ਬਿਆਨ, ਦੇਖੋ LIVE ਤਸਵੀਰਾਂ !

The post World Health Day ਮੌਕੇ PM ਮੋਦੀ ਨੇ ਦੇਸ਼ ਵਾਸੀਆਂ ਨੂੰ ਕੀਤੀ ਅਪੀਲ, ਕਿਹਾ- ਕੋਵਿਡ-19 ਦੇ ਪ੍ਰੋਟੋਕੋਲ ਦੀ ਕਰੋ ਪਾਲਣਾ appeared first on Daily Post Punjabi.

ਇਸ ਤਰ੍ਹਾਂ ਕਰੋ ਲਾਫਟਰ ਥੈਰੇਪੀ…

• ਸਭ ਤੋਂ ਪਹਿਲਾਂ ਖੁੱਲੀ ਜਗ੍ਹਾ ‘ਤੇ ਬੈਠੋ ਜਾਂ ਖੜੇ ਹੋ ਜਾਓ।
• ਫਿਰ ਆਪਣੇ ਹੱਥਾਂ ਨੂੰ ਦਿਲ ਕੋਲ ਲਿਆ ਕੇ ਤਾੜੀਆਂ ਮਾਰੋ।
• ਤਾੜੀਆਂ ਮਾਰਨ ਦੇ ਨਾਲ ਇੱਕ ਤਾਲ ‘ਚ ਹੋ ਹੋ ਅਤੇ ਹਾ ਹਾ ਕਹੋ।
• ਫਿਰ ਹੱਥਾਂ ਨੂੰ ਹਵਾ ‘ਚ ਲਿਜਾ ਕੇ ਨੱਕ ਰਾਹੀਂ ਗਹਿਰਾ ਸਾਹ ਲਓ।
• ਬਾਅਦ ‘ਚ ਮੂੰਹ ਰਾਹੀਂ ਸਾਹ ਲੈਂਦੇ ਹੋਏ ਹੱਥਾਂ ਨੂੰ ਹੇਠਾਂ ਲਿਆਓ।
• ਹੁਣ ਇਕ ਡੂੰਘੀ ਸਾਹ ਭਰਕੇ ਕੁਝ ਸਕਿੰਟਾਂ ਤੱਕ ਸਾਹ ਰੋਕਕੇ ਉੱਚੀ-ਉੱਚੀ ਹੱਸਦੇ ਹੋਏ ਛੱਡੋ।
• ਫਿਰ ਤਾੜੀ ਮਾਰਦੇ ਹੋਏ 2 ਵਾਰੀ ਵੈਰੀ ਗੁੱਡ ਬੋਲੋ ਅਤੇ ਉਪਰ ਅਕਾਸ਼ ‘ਚ ਹੱਥਾਂ ਨੂੰ ਫੈਲਾਕੇ ਉੱਚੀ ਹੱਸੋ ਜਾਂ ਚਿਲਾਓ।
• ਜੇ ਤੁਸੀਂ ਕਿਸੇ ਨਾਲ ਇਹ ਥੈਰੇਪੀ ਕਰ ਰਹੇ ਹੋ ਤਾਂ ਨਾਲ ਵਾਲੇ ਵਿਅਕਤੀ ਦਾ ਹੱਥ ਫੜਕੇ ਉਸ ਦੀਆਂ ਅੱਖਾਂ ‘ਚ ਦੇਖਦੇ ਹੋਏ ਹੱਸੋ।
• ਤੁਹਾਨੂੰ ਦੋਨੋਂ ਨੂੰ ਹੱਸਣਾ ਪਏਗਾ ਜਦੋਂ ਤੱਕ ਤੁਸੀਂ ਅੰਦਰੋਂ ਖੁਸ਼ ਨਹੀਂ ਮਹਿਸੂਸ ਕਰਦੇ।
• ਅੰਤ ‘ਚ ਨੱਚਦੇ-ਗਾਉਂਦੇ ਅਤੇ ਖੁੱਲ੍ਹ ਕੇ ਹੱਸ ਕੇ ਆਮ ਸਥਿਤੀ ‘ਚ ਵਾਪਸ ਆ ਸਕਦੇ ਹੋ।
• ਰੋਜ਼ਾਨਾ 1 ਘੰਟਾ ਇਸ ਤਰ੍ਹਾਂ ਕਰੋ।

ਲਾਫਟਰ ਥੈਰੇਪੀ ਦੇ ਫ਼ਾਇਦੇ

ਬਲੱਡ ਪ੍ਰੈਸ਼ਰ ਕੰਟਰੋਲ ਰਹੇਗਾ: ਇਸ ਤਰਾਂ ਉੱਚੀ ਹੱਸਣ ਨਾਲ ਦਿਲ ਅਤੇ ਦਿਮਾਗ ਵਧੀਆ ਕੰਮ ਕਰਨਗੇ। ਅਜਿਹੇ ‘ਚ ਬਲੱਡ ਪ੍ਰੈਸ਼ਰ ਕੰਟਰੋਲ ਰਹੇਗਾ। ਹਰ ਰੋਜ਼ ਹੱਸਣ ਨਾਲ ਸ਼ੂਗਰ ਕੰਟਰੋਲ ਰਹੇਗੀ। ਅਜਿਹੇ ‘ਚ ਸ਼ੂਗਰ ਦੇ ਮਰੀਜ਼ਾਂ ਨੂੰ ਲਾਫਟਰ ਥੈਰੇਪੀ ਜ਼ਰੂਰ ਲੈਣੀ ਚਾਹੀਦੀ ਹੈ। ਅਧਿਐਨ ਦੇ ਅਨੁਸਾਰ ਇਸ ਤਰ੍ਹਾਂ ਉੱਚੀ ਆਵਾਜ਼ ‘ਚ ਹੱਸਣ ਨਾਲ ਕੈਂਸਰ ਜਿਹੀ ਗੰਭੀਰ ਬਿਮਾਰੀ ਤੋਂ ਬਚਾਅ ਰਹਿੰਦਾ ਹੈ। ਇਸ ਨਾਲ ਦਿਮਾਗ ਵਧੀਆ ਤਰੀਕੇ ਨਾਲ ਕੰਮ ਕਰਦਾ ਹੈ। ਅਜਿਹੇ ‘ਚ ਮੈਮੋਰੀ ਤੇਜ਼ ਹੋਣ ‘ਚ ਸਹਾਇਤਾ ਮਿਲਦੀ ਹੈ। ਇਸ ਨਾਲ ਤੁਹਾਨੂੰ ਅੰਦਰੋਂ ਖੁਸ਼ੀ ਦਾ ਅਹਿਸਾਸ ਹੋਵੇਗਾ। ਨਾਲ ਹੀ ਸਰੀਰ ਹਲਕਾ ਮਹਿਸੂਸ ਕਰੇਗਾ। ਅਜਿਹੇ ‘ਚ ਸਿਰ ਦਰਦ ਅਤੇ ਤਣਾਅ ਘੱਟ ਹੋਣ ‘ਚ ਸਹਾਇਤਾ ਮਿਲੇਗੀ। ਪਤਲੇ ਲੋਕਾਂ ਨੂੰ ਭੁੱਖ ਘੱਟ ਲੱਗਣ ਦੀ ਸਮੱਸਿਆ ਹੁੰਦੀ ਹੈ। ਅਜਿਹੇ ‘ਚ ਇਹਨਾਂ ਲੋਕਾਂ ਨੂੰ ਭੁੱਖ ਵਧਾਉਣ ਲਈ ਰੋਜ਼ ਲਾਫਟਰ ਥੈਰੇਪੀ ਕਰਨਾ ਲਾਭਕਾਰੀ ਹੋਵੇਗਾ।

ਐਨਰਜ਼ੀ ਮਿਲੇਗੀ: ਅਜਿਹਾ ਕਰਨ ਨਾਲ ਸਰੀਰ ਅਤੇ ਮਨ ਨੂੰ ਸਹੀ ਮਾਤਰਾ ‘ਚ ਆਕਸੀਜਨ ਮਿਲੇਗੀ। ਇਸ ਤਰ੍ਹਾਂ ਸਰੀਰ ‘ਚ ਐਨਰਜ਼ੀ ਦਾ ਸੰਚਾਰ ਹੋਣ ਨਾਲ ਆਲਸ ਅਤੇ ਸੁਸਤੀ ਦੂਰ ਹੋਵੇਗੀ। ਨਾਲ ਹੀ ਤੁਸੀਂ ਦਿਨ ਭਰ ਐਂਰਜੈਟਿਕ ਮਹਿਸੂਸ ਕਰੋਗੇ। ਇੱਕ ਖੋਜ ਦੇ ਅਨੁਸਾਰ ਰੋਜ਼ਾਨਾ 1 ਘੰਟਾ ਹੱਸਣ ਨਾਲ ਸਰੀਰ ‘ਚੋਂ 400 ਕੈਲੋਰੀਜ ਬਰਨ ਹੁੰਦੀ ਹੈ। ਅਜਿਹੇ ‘ਚ ਭਾਰ ਘਟਾਉਣ ਲਈ ਇਸ ਯੋਗਾ ਨੂੰ ਕਰਨਾ ਬਹੁਤ ਲਾਭਕਾਰੀ ਹੋਵੇਗਾ। ਹੱਸਣ ਨਾਲ ਅੰਦਰੋਂ ਖੁਸ਼ੀ ਮਿਲਣ ਨਾਲ ਮਨੋਬਲ ਵਧਦਾ ਹੈ। ਅਜਿਹੇ ‘ਚ ਵਿਅਕਤੀ ਦੇ ਮਨ ‘ਚੋਂ ਨੈਗੇਟਿਵ ਵਿਚਾਰ ਖ਼ਤਮ ਹੋ ਕੇ ਪੌਜੇਟਿਵ ਵਿਚਾਰ ਆਉਂਦੇ ਹਨ। ਇਸ ਯੋਗਾ ਨੂੰ ਅਰੰਭ ਕਰਨ ਤੋਂ ਪਹਿਲਾਂ ਕਿਸੇ ਯੋਗ ਵਿਅਕਤੀ ਦੀ ਸਹਾਇਤਾ ਲਓ। ਨਾਲ ਹੀ ਗਰਭਵਤੀ ਔਰਤਾਂ ਅਤੇ ਕਿਸੇ ਗੰਭੀਰ ਬਿਮਾਰੀ ਨਾਲ ਪੀੜਤ ਲੋਕਾਂ ਨੂੰ ਲਾਫਟਰ ਥੈਰੇਪੀ ਡਾਕਟਰ ਦੀ ਸਲਾਹ ਲੈ ਕੇ ਕਰਨੀ ਚਾਹੀਦੀ ਹੈ।

The post World Health Day: ਰੋਜ਼ਾਨਾ 1 ਘੰਟਾ ਹੱਸਣ ਨਾਲ ਦੂਰ ਹੋਣਗੀਆਂ ਇਹ ਬੀਮਾਰੀਆਂ, ਜਾਣੋ Laughter Therapy ਦੇ ਫ਼ਾਇਦੇ appeared first on Daily Post Punjabi.