ਦਰਅਸਲ, ਮਹਾਂਰਾਸ਼ਟਰ ਦੇ ਸੀਐਮ ਊਧਵ ਠਾਕਰੇ ਨੇ ਸ਼ੁੱਕਰਵਾਰ ਨੂੰ ਕਿਹਾ ਸੀ ਕਿ ਉੱਤਰ ਪ੍ਰਦੇਸ਼ ਦੇ ਸੀਐਮ ਯੋਗੀ ਆਦਿੱਤਿਆਨਾਥ ਦਾ ਨਾਮ ਲਏ ਬਿਨ੍ਹਾਂ ਉਹ ਮੁੰਬਈ ਦੇ ਫਿਲਮ ਸਿਟੀ ਨੂੰ ਉੱਤਰ ਪ੍ਰਦੇਸ਼ ਲੈ ਜਾਣਗੇ । ਜੇ ਉਹ ਫਿਲਮ ਉਦਯੋਗ ਚਲਾਉਣ ਦੀ ਯੋਗਤਾ ਰੱਖਦੇ ਹਨ ਤਾਂ ਉਹ ਫਿਲਮ ਉਦਯੋਗ ਨੂੰ ਸੰਭਾਲ ਸਕਦੇ ਹਨ। ਊਧਵ ਠਾਕਰੇ ਨੇ ਕਿਹਾ ਕਿ ਜੇ ਉਨ੍ਹਾਂ ਕੋਲ ਸਮਰੱਥਾ ਹੈ ਤਾਂ ਫਿਲਮ ਇੰਡਸਟਰੀ ਨੂੰ ਮੁੰਬਈ ਤੋਂ ਲੈ ਜਾਉ।

ਜਿਸ ਤੋਂ ਬਾਅਦ ਐਤਵਾਰ ਨੂੰ ਯੂਪੀ ਦੇ ਡਿਪਟੀ ਸੀਐਮ ਕੇਸ਼ਵ ਪ੍ਰਸਾਦ ਮੌਰਿਆ ਨੇ ਫਿਲਮ ਵਿਕਾਸ ਪ੍ਰੀਸ਼ਦ ਦੇ ਪ੍ਰਧਾਨ ਦੇ ਦਫਤਰ ਦਾ ਉਦਘਾਟਨ ਕੀਤਾ ਤੇ ਕਿਹਾ ਕਿ ਰਾਜ ਸਰਕਾਰ ਪੂਰੀ ਤਨਦੇਹੀ ਨਾਲ ਪ੍ਰਸਤਾਵਿਤ ਫਿਲਮ ਸਿਟੀ ’ਤੇ ਕੰਮ ਕਰ ਰਹੀ ਹੈ। ਰਾਜ ਨੂੰ ਮੁੰਬਈ ਤੋਂ ਵੱਡੀ ਫਿਲਮ ਸਿਟੀ ਮਿਲਣ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਨੋਇਡਾ ਵਿੱਚ ਫਿਲਮ ਸਿਟੀ ਬਣਨ ਨਾਲ ਰਾਜ ਦੇ ਕਲਾਕਾਰਾਂ ਨੂੰ ਰੁਜ਼ਗਾਰ ਦੇ ਮੌਕੇ ਮਿਲਣਗੇ । ਰਾਜ ਸਰਕਾਰ ਨਵੇਂ ਪ੍ਰਸਤਾਵਿਤ ਫਿਲਮ ਸਿਟੀ ਲਈ ਕੰਮ ਕਰ ਰਹੀ ਹੈ।

ਇਸ ਤੋਂ ਇਲਾਵਾ ਉਪ ਮੁੱਖ ਮੰਤਰੀ ਕੇਸ਼ਵ ਪ੍ਰਸਾਦ ਮੌਰਿਆ ਨੇ ਕਿਹਾ ਕਿ ਫਿਲਮ ਵਿਕਾਸ ਪਰਿਸ਼ਦ ਦਾ ਦਫ਼ਤਰ ਬਣਨ ਨਾਲ ਕਲਾਕਾਰਾਂ ਨੂੰ ਹਰ ਕਿਸਮ ਦੀ ਜਾਣਕਾਰੀ ਮਿਲੇਗੀ ਅਤੇ ਫਿਲਮਾਂ ਵਿੱਚ ਰੁਚੀ ਰੱਖਣ ਵਾਲੇ ਕਲਾਕਾਰਾਂ ਨੂੰ ਆਪਣੀ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕਰਨ ਦਾ ਮੌਕਾ ਮਿਲੇਗਾ । ਉਨ੍ਹਾਂ ਕਿਹਾ ਕਿ ਨੋਇਡਾ ਵਿੱਚ ਮੁੰਬਈ ਤੋਂ ਵੱਡੀ ਫਿਲਮ ਸਿਟੀ ਬਣਨ ਨਾਲ ਫਿਲਮ ਨਿਰਮਾਤਾਵਾਂ ਨੂੰ ਬਿਹਤਰ ਸਹੂਲਤਾਂ, ਅਤਿ ਆਧੁਨਿਕ ਤਕਨਾਲੋਜੀ ਅਤੇ ਅਦਾਕਾਰਾਂ ਨੂੰ ਸੁਰੱਖਿਅਤ ਮਾਹੌਲ ਦਿੱਤਾ ਜਾਵੇਗਾ।

The post ਯੋਗੀ ਸਰਕਾਰ ਦਾ CM ਊਧਵ ਨੂੰ ਜਵਾਬ, ਕਿਹਾ- UP ‘ਚ ਬਣੇਗੀ ਮੁੰਬਈ ਤੋਂ ਵੱਡੀ ਫਿਲਮ ਸਿਟੀ appeared first on Daily Post Punjabi.