ਕਾਂਤਾ ਪ੍ਰਸਾਦ ਨੇ ਐਤਵਾਰ ਨੂੰ ਯੂ-ਟਿਊਬਰ ਗੌਰਵ ਵਸਾਨ ਦੇ ਖ਼ਿਲਾਫ਼ ਮਾਲਵੀਆ ਨਗਰ ਥਾਣੇ ਵਿੱਚ ਇੱਕ ਰਿਪੋਰਟ ਲਿਖਵਾਈ ਹੈ, ਜਿਸ ‘ਤੇ ਦਾਨ ਦੇ ਪੈਸੇ ਦੀ ਦੁਰਵਰਤੋਂ ਅਤੇ ਹੇਰਾਫੇਰੀ ਦਾ ਦੋਸ਼ ਲਗਾਇਆ ਗਿਆ ਹੈ । ਆਪਣੀ ਸ਼ਿਕਾਇਤ ਵਿੱਚ ਕਾਂਤਾ ਪ੍ਰਸਾਦ ਨੇ ਕਿਹਾ ਕਿ, ‘ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਹੁਣ ਤੱਕ ਮੈਨੂੰ ਸਿਰਫ 2 ਲੱਖ ਰੁਪਏ ਦਾ ਚੈੱਕ ਮਿਲਿਆ ਹੈ । ਹੁਣ ਢਾਬੇ ‘ਤੇ ਜ਼ਿਆਦਾ ਗਾਹਕ ਵੀ ਨਹੀਂ ਆ ਰਹੇ ਹਨ। ਜ਼ਿਆਦਾਤਰ ਲੋਕ ਇੱਥੇ ਸੈਲਫੀ ਖਿੱਚਣ ਲਈ ਇੱਥੇ ਆਉਂਦੇ ਹਨ। ਪਹਿਲਾ ਇੱਕ ਦਿਨ ਵਿੱਚ 10 ਹਜ਼ਾਰ ਦੀ ਕਮਾਈ ਹੋ ਜਾਂਦੀ ਸੀ।  ਹੁਣ ਸਿਰਫ 3 ਹਜ਼ਾਰ ਤੋਂ 5 ਹਜ਼ਾਰ ਹੀ ਬਾਹਰ ਨਿਕਲ ਰਹੇ ਹਨ। ਵਿਕਰੀ ਫਿਰ ਘੱਟ ਹੋ ਗਈ ਹੈ। ਕਾਂਤਾ ਪ੍ਰਸਾਦ ਨੇ ਆਪਣੀ ਸ਼ਿਕਾਇਤ ਵਿੱਚ ਦਾਅਵਾ ਕੀਤਾ, ‘ਗੌਰਵ ਵਸਾਨ ਉਨ੍ਹਾਂ ਦੇ ਬੈਂਕ ਵੇਰਵੇ ਸਾਂਝੇ ਕਰਕੇ ਦਾਨ ਲੈ ਰਿਹਾ ਹੈ ਅਤੇ ਉਨ੍ਹਾਂ ਨਾਲ ਹੇਰਾਫੇਰੀ ਕਰ ਰਿਹਾ ਹੈ। ਉੱਥੇ ਹੀ ਯੂ-ਟਿਊਬਰ ਗੌਰਵ ਵਸਾਨ ਨੇ ਇਨ੍ਹਾਂ ਸਾਰੇ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ। ਗੌਰਵ ਦਾ ਕਹਿਣਾ ਹੈ ਕਿ ਉਸ ਨੇ ਦਾਨ ਦੀ ਸਾਰੀ ਰਕਮ ਕਾਂਤਾ ਪ੍ਰਸਾਦ ਦੇ ਖਾਤੇ ਵਿੱਚ ਟਰਾਂਸਫਰ ਕਰ ਦਿੱਤੀ ਹੈ।

ਇਸ ਸਾਰੇ ਮਾਮਲੇ ਵਿੱਚ ਗੌਰਵ ਵਾਸਨ ਨੇ ਆਪਣਾ ਪੱਖ ਪੇਸ਼ ਕਰਦਿਆਂ ਆਪਣੇ ਖਾਤਿਆਂ ਦਾ ਵੇਰਵਾ ਵੀ ਸਾਂਝਾ ਕੀਤਾ ਹੈ। ਉਸ ਨੇ ਇਹ ਵੀ ਦੱਸਿਆ ਕਿ ਉਸ ਨੇ ਪਹਿਲੇ ਦਿਨ ਆਪਣੇ ਅਕਾਉਂਟ ਦੇ ਵੇਰਵੇ ਲੋਕਾਂ ਨਾਲ ਸਾਂਝੇ ਕੀਤੇ, ਜਿਸ ਵਿੱਚ ਲੋਕਾਂ ਨੇ ਬਾਬੇ ਦੀ ਮਦਦ ਲਈ ਪੈਸੇ ਭੇਜੇ। ਗੌਰਵ ਇਹ ਵੀ ਕਹਿੰਦਾ ਹੈ ਕਿ ਉਸ ਕੋਲ ਪੇਟੀਐਮ ਨਹੀਂ ਹੈ, ਇਸ ਲਈ ਉਸ ਨੇ ਆਪਣੀ ਪਤਨੀ ਦਾ ਪੇਟੀਐਮ ਵੇਰਵਾ ਸਾਂਝਾ ਕੀਤਾ ਅਤੇ ਲੋਕਾਂ ਨੇ ਪੇਟੀਐਮ ਵਿੱਚ ਪੈਸੇ ਭੇਜ ਦਿੱਤੇ, ਅਤੇ ਸਾਰੇ ਪੈਸੇ ਬਾਬੇ ਨੂੰ ਦੇ ਦਿੱਤੇ ਗਏ ਹਨ। ਸਾਰੇ ਮਾਮਲੇ ਨੂੰ ਲੈ ਕੇ ਵਿਵਾਦ ਉਸ ਸਮੇਂ ਸ਼ੁਰੂ ਹੋਇਆ ਜਦੋਂ 25 ਅਕਤੂਬਰ ਨੂੰ ਲਕਸ਼ਿਆ ਚੌਧਰੀ ਨਾਮ ਦੀ ਇਕ ਯੂ-ਟਿਊਬਰ ਨੇ ਇੱਕ ਵੀਡੀਓ ਬਣਾਇਆ ਜਿਸ ਵਿੱਚ ਗੌਰਵ ‘ਤੇ ਬਾਬੇ ਨਾਲ ਪੈਸੇ ਸਬੰਦੀ ਧੋਖਾ ਕਰਨ ਦਾ ਦੋਸ਼ ਲਗਾਇਆ ਗਿਆ ਸੀ। ਇਸ ਵੀਡੀਓ ‘ਚ ਬਾਬਾ ਕਾਂਤਾ ਪ੍ਰਸਾਦ ਅਤੇ ਉਨ੍ਹਾਂ ਦੇ ਮੈਨੇਜਰ ਤੁਸ਼ਾਂਤ ਨੇ ਵੀ ਆਪਣੀ ਗੱਲ ਰੱਖੀ ਸੀ ਕਿ ਗੌਰਵ ਨੇ ਉਨ੍ਹਾਂ ਨੂੰ ਪੈਸੇ ਨਹੀਂ ਦਿੱਤੇ। ਪਹਿਲੀ ਵੀਡੀਓ ਦੇ ਵਾਇਰਲ ਹੋਣ ਤੋਂ ਅਗਲੇ ਹੀ ਦਿਨ ਤੋਂ ਤੁਸ਼ਾਂਤ ਬਾਬੇ ਦੇ ਨਾਲ ਹੈ ਅਤੇ ਹੁਣ ਬਾਬੇ ਦਾ ਸਾਰਾ ਕਾਰੋਬਾਰ ਉਸ ਦੁਆਰਾ ਚਲਾਇਆ ਜਾਂਦਾ ਹੈ। ਲਕਸ਼ਿਆ ਚੌਧਰੀ ਦੇ ਵੀਡੀਓ ਜਾਰੀ ਕਰਨ ਦੇ ਅਗਲੇ ਹੀ ਦਿਨ ਗੌਰਵ ਬਾਬੇ ਕੋਲ ਪਹੁੰਚਿਆ ਅਤੇ ਉਨ੍ਹਾਂ ਨੂੰ 2 ਲੱਖ 33 ਹਜ਼ਾਰ 677 ਰੁਪਏ ਦਾ ਚੈੱਕ ਦਿੱਤਾ। ਗੌਰਵ ਨੇ ਚੈੱਕ ਦੇ ਵੇਰਵਿਆਂ ਦੇ ਨਾਲ ਨਾਲ ਬਾਬੇ ਨੂੰ ਦਿੱਤੇ ਬਾਕੀ ਪੈਸਿਆਂ ਦਾ ਵੇਰਵਾ ਵੀ ਸਾਂਝਾ ਕੀਤਾ ਹੈ।

The post Baba Ka Dhaba : ਘਪਲੇ ਦੇ ਦੋਸ਼ਾਂ ਤੋਂ ਨਾਖੁਸ਼ ਯੂਟਿਊਬਰ ਗੌਰਵ ਨੇ ਬੈਂਕ ਸਟੇਟਮੈਂਟ ਜਾਰੀ ਕਰ ਕਿਹਾ- ‘ਮੈਂ ਸਾਰੇ ਪੈਸੇ ਦਿੱਤੇ’ appeared first on Daily Post Punjabi.