ਹੈਦਰ ਨੇ ਅੱਗੇ ਕਿਹਾ, “ਮੈਂ ਉਮਰ ਅਕਮਲ ਨੂੰ ਕਿਹਾ ਕਿ ਉਸ ਨੂੰ ਆਪਣਾ ਕੰਮ ਕਰਨਾ ਚਾਹੀਦਾ ਹੈ।” ਪਰ ਇਸਦੇ ਬਾਅਦ, ਉਮਰ ਅਤੇ ਕੁੱਝ ਹੋਰ ਖਿਡਾਰੀਆਂ ਨੇ ਮੈਨੂੰ ਪ੍ਰੇਸ਼ਾਨ ਕਰਨਾ ਸ਼ੁਰੂ ਕਰ ਦਿੱਤਾ। ਮੇਰੇ ਉੱਤੇ ਬਹੁਤ ਦਬਾਅ ਸੀ। ਮੈਂ ਕਿਸੇ ਨੂੰ ਦੱਸੇ ਬਿਨਾਂ ਲੰਡਨ ਜਾਣ ਦਾ ਫ਼ੈਸਲਾ ਕੀਤਾ।” ਇਸ ਕਦਮ ਦੇ ਕਾਰਨ, ਹੈਦਰ ਦਾ ਕੈਰੀਅਰ ਨਵੰਬਰ 2010 ਵਿੱਚ ਹੀ ਖ਼ਤਮ ਹੋ ਗਿਆ ਸੀ। ਹੈਦਰ ਨੇ ਕਿਹਾ ਕਿ ਉਮਰ ਅਕਮਲ ਉੱਤੇ ਲਗਾਈ ਤਿੰਨ ਸਾਲਾਂ ਦੀ ਪਾਬੰਦੀ ਬਹੁਤ ਘੱਟ ਹੈ। ਹੈਦਰ ਦਾ ਮੰਨਣਾ ਹੈ ਕਿ ਉਮਰ ਅਕਮਲ ਵਰਗੇ ਖਿਡਾਰੀ ‘ਤੇ ਉਮਰ ਕੈਦ ਦੀ ਪਾਬੰਦੀ ਲਗਾਈ ਜਾਣੀ ਚਾਹੀਦੀ ਹੈ।

2010 ਵਿੱਚ ਹੈਦਰ ਨੇ ਕਾਮਰਾਨ ਅਕਮਲ ਦੀ ਜਗ੍ਹਾ ਇਕਲੌਤਾ ਟੈਸਟ ਖੇਡਿਆ ਸੀ। ਇਸ ਟੈਸਟ ਮੈਚ ਵਿੱਚ ਹੈਦਰ ਨੇ 88 ਦੌੜਾਂ ਦੀ ਪਾਰੀ ਖੇਡੀ ਸੀ। ਹੈਦਰ ਸਾਲ 2011 ਵਿੱਚ ਪਾਕਿਸਤਾਨ ਪਰਤ ਆਇਆ ਸੀ, ਪਰ ਉਸਦਾ ਕ੍ਰਿਕਟ ਕਰੀਅਰ ਦੁਬਾਰਾ ਸ਼ੁਰੂ ਨਹੀਂ ਹੋ ਸਕਿਆ। ਪਾਕਿਸਤਾਨ ਦੀ ਟੀਮ ਦੇ ਉਸ ਵੇਲੇ ਦੇ ਮੈਨੇਜਰ ਆਲਮ ਨੇ ਹੈਦਰ ਨੂੰ ਮਾਨਸਿਕ ਤੌਰ ‘ਤੇ ਪ੍ਰੇਸ਼ਾਨ ਦੱਸਿਆ ਸੀ। ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਪੀਸੀਬੀ ਨੇ ਭ੍ਰਿਸ਼ਟਾਚਾਰ ਦੇ ਇੱਕ ਕੇਸ ਬਾਰੇ ਜਾਣਕਾਰੀ ਨਾ ਦੇਣ ਕਾਰਨ ਉਮਰ ਅਕਮਲ ਦੇ ਕ੍ਰਿਕਟ ਦੇ ਸਾਰੇ ਫਾਰਮੈਟਾਂ ‘ਚ ਤਿੰਨ ਸਾਲਾਂ ਲਈ ਪਾਬੰਦੀ ਲਗਾਈ ਹੈ।

The post ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਨੇ ਉਮਰ ਅਕਮਲ ‘ਤੇ ਲਾਏ ਗੰਭੀਰ ਇਲਜ਼ਾਮ, ਉਮਰ ਭਰ ਪਾਬੰਦੀ ਦੀ ਕੀਤੀ ਮੰਗ appeared first on Daily Post Punjabi.