Woman celebrates 100th birthday: ਅਮਰੀਕਾ ਵਿੱਚ ਕੋਰੋਨਾ ਕਾਰਨ ਹੋ ਰਹੀਆਂ ਲਗਾਤਾਰ ਮੌਤਾਂ ਦੇ ਵਿਚਕਾਰ ਇੱਕ ਖ਼ਬਰ ਸਾਹਮਣੇ ਆਈ ਹੈ ਕਿ ਜਿਸ ਨੂੰ ਜਾਣ ਕੇ ਤੁਸੀ ਵੀ ਕਹੋਗੇ ਕਿ ਜੇ ਕੋਈ ਜਿਉਣ ਦਾ ਪੱਕਾ ਇਰਾਦਾ ਰੱਖਦਾ ਹੈ, ਤਾਂ ਕੋਈ ਬਿਮਾਰੀ ਉਸਨੂੰ ਹਰਾ ਨਹੀਂ ਸਕਦੀ । ਅਜਿਹਾ ਹੀ ਕੁਝ ਇੱਕ ਐਂਡਰਿਊ ਨਾਂ ਦੀ ਮਹਿਲਾ ਨਾਲ ਹੋਇਆ, ਜਿਸ ਨੇ ਵਿਸ਼ਵ ਯੁੱਧ ਅਤੇ ਜਹਾਜ਼ ਦੇ ਹਾਦਸੇ ਵਿੱਚ ਮੌਤ ਨੂੰ ਚਕਮਾ ਦੇਣ ਤੋਂ ਬਾਅਦ ਕੋਰੋਨਾ ਨੂੰ ਵੀ ਹਾਰਨ ਲਈ ਮਜਬੂਰ ਕਰ ਦਿੱਤਾ । ਮਹਿਲਾ ਨੇ ਕੋਰੋਨਾ ਨੂੰ ਮਾਤ ਦੇ ਕੇ ਆਪਣਾ 100ਵਾਂ ਜਨਮਦਿਨ ਮਨਾਇਆ ।
ਦਰਅਸਲ, ਜੌਨ ਐਂਡਰਿਊ ਬੀਤੇ ਮਹੀਨੇ ਮਈ ਵਿੱਚ ਕੋਰੋਨਾ ਦੀ ਚਪੇਟ ਵਿੱਚ ਆ ਗਈ ਸੀ। ਉਨ੍ਹਾਂ ਦੀ ਸਥਿਤੀ ਨੂੰ ਵੇਖਦੇ ਹੋਏ ਉਨ੍ਹਾਂ ਦਾ ਇਲਾਜ ਕਰ ਰਹੇ ਕੇਅਰ ਹੋਮ ਸਟਾਫ ਉਮੀਦ ਨਹੀਂ ਸੀ ਕਿ ਉਹ ਜੀਵਿਤ ਰਹਿ ਸਕੇਗੀ, ਪਰ ਐਂਡਰਿਊ ਨੇ ਇੱਕ ਵਾਰ ਫਿਰ ਜ਼ਿੰਦਗੀ ਦੀ ਲੜਾਈ ਜਿੱਤੀ। ਕੋਰੋਨਾ ਤੋਂ ਠੀਕ ਹੋਣ ਤੋਂ ਬਾਅਦ ਇੱਕ ਵਾਰ ਫਿਰ ਉਨ੍ਹਾਂ ਨੇ ਇਹ ਸਾਬਿਤ ਕਰ ਦਿੱਤਾ ਕਿ ਜੇ ਕਿਸੇ ਵਿਅਕਤੀ ਵਿੱਚ ਆਤਮ-ਵਿਸ਼ਵਾਸ ਹੈ ਤਾਂ ਉਹ ਕੁਝ ਵੀ ਕਰ ਸਕਦਾ ਹੈ।
ਕੋਰੋਨਾ ਨੂੰ ਹਰਾਉਣ ਤੋਂ ਬਾਅਦ ਐਂਡਰਿਊ ਨੇ ਆਪਣਾ 100ਵਾਂ ਜਨਮਦਿਨ ਪਰਿਵਾਰ ਨਾਲ ਮਨਾਇਆ। ਉਨ੍ਹਾਂ ਦਾ ਜਨਮ 1920 ਵਿੱਚ ਉੱਤਰੀ ਲੰਡਨ ਵਿੱਚ ਹੋਇਆ ਸੀ। ਆਪਣੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਉਹ ਦੂਸਰੇ ਵਿਸ਼ਵ ਯੁੱਧ ਦੌਰਾਨ ਹਵਾਈ ਫੌਜ ਵਿੱਚ ਭਰਤੀ ਹੋ ਗਈ ਸੀ ਅਤੇ ਉਨ੍ਹਾਂ ਦੀ ਡਿਊਟੀ ਬਾਂਬਰ ਕਮਾਂਡ ਦੇ ਆਪ੍ਰੇਸ਼ਨ ਰੂਮ ਵਿੱਚ ਲੱਗੀ ਸੀ। ਉਨ੍ਹਾਂ ਨੇ ਯੁੱਧ ਦੌਰਾਨ ਜਰਮਨੀ ‘ਤੇ ਬੰਬਮਾਰੀ ਦੇ ਦੌਰਾਨ ਰਣਨੀਤਕ ਨਿਰਣਾਇਕ ਭੂਮਿਕਾ ਨਿਭਾਈ।
ਦੱਸ ਦੇਈਏ ਕਿ ਦੂਜੇ ਵਿਸ਼ਵ ਯੁੱਧ ਦੌਰਾਨ ਲੀਬੀਆ ਵਿੱਚ ਇੱਕ ਜਹਾਜ਼ ਦੇ ਹਾਦਸੇ ਤੋਂ ਬਾਅਦ ਐਂਡਰਿਊ ਛਾਤੀ ਦੇ ਕੈਂਸਰ ਦੀ ਸ਼ਿਕਾਰ ਹੋ ਗਈ, ਪਰ ਉਹ ਕੈਂਸਰ ਨੂੰ ਹਰਾ ਕੇ ਵਾਪਸ ਆਈ । ਯੁੱਧ ਖ਼ਤਮ ਹੋਣ ਤੋਂ ਬਾਅਦ ਉਨ੍ਹਾਂ ਨੇ ਜਰਮਨੀ ਦੇ ਇੱਕ ਯਹੂਦੀ ਨਾਲ ਵਿਆਹ ਕਰਵਾ ਲਿਆ ਅਤੇ ਕਈ ਸਾਲਾਂ ਤੋਂ ਦਿਮਾਗੀ ਕਮਜ਼ੋਰੀ ਨਾਲ ਪੀੜਤ ਸੀ। ਐਂਡਰਿਊ ਦੇ ਜਨਮਦਿਨ ‘ਤੇ ਉਨ੍ਹਾਂ ਦੀ ਧੀ ਮਿਸ਼ੇਲ ਐਂਡਯੂ ਨੇ ਲਿਖਿਆ ਕਿ ਉਸਨੂੰ ਆਪਣੀ ਮਾਂ ‘ਤੇ ਬਹੁਤ ਮਾਣ ਹੈ। ਉਨ੍ਹਾਂ ਨੇ ਇੱਕ ਬਹੁਤ ਹੀ ਸ਼ਾਨਦਾਰ ਅਤੇ ਹੈਰਾਨੀਜਨਕ ਜ਼ਿੰਦਗੀ ਬਤੀਤ ਕੀਤੀ।
ਇਹ ਵੀ ਦੇਖੋ: ਹਰਿਆਣਾ ਦਾ ਬਾਰਡਰ ਟੱਪਣ ਲਈ ਕਿਸਾਨਾਂ ਨੇ ਖਿੱਚੀ ਤਿਆਰੀ ਦੇਖੋ ਲਾਈਵ ਤਸਵੀਰਾਂ
