ਨਸ਼ੇ ਨੇ ਡੋਬ ‘ਤੀ ਜਵਾਨੀ, ਅੰਮ੍ਰਿਤਸਰ ‘ਚ ਗਲੀ ‘ਚ ਖੜ੍ਹੋ ਕੇ ਨਸ਼ਾ ਖਰੀਦਿਆਂ ਦੀ ਵੀਡੀਓ ਵਾਇਰਲ

ਪੰਜਾਬ ਵਿੱਚ ਤਮਾਮ ਕੋਸ਼ਿਸ਼ਾਂ ਦੇ ਬਾਵਜੂਦ ਵੀ ਨਸ਼ਾ ਖਤਮ ਨਹੀਂ ਹੋ ਰਿਹਾ। ਅੰਮ੍ਰਿਤਸਰ ਵਿੱਚ ਸਖ਼ਤੀ ਦੇ ਬਾਵਜੂਦ ਨਸ਼ ਆਸਾਨੀ ਨਾਲ ਮਿਲ ਜਾਂਦਾ ਹੈ। ਆਏ ਦਿਨ ਨੌਜਵਾਨਾਂ ਦੇ ਸੜਕਾਂ ‘ਤੇ ਨਸ਼ੇ ਵਿੱਚ ਝੂਮਦੇ ਹੋਇਆਂ ਦੀਆਂ ਵੀਡੀਓਜ਼ ਸਾਹਮਣੇ ਆ ਰਹੀਆਂ ਹਨ। ਅਤੇ ਹੁਣ ਪੰਜਾਬ ਦੀ ਅਸਲੀਅਤ ਨੂੰ ਦਰਸਾਉਂਦੀ ਇੱਕ ਹੈਰਾਨ ਕਰਨ ਵਾਲੀ ਵੀਡੀਓ ਵਾਇਰਲ ਹੋਈ ਹੈ, ਜਿਸ ਵਿੱਚ ਗਲੀ ਵਿੱਚ ਖੜ੍ਹੇ ਹੋ ਕੇ ਨੌਜਵਾਨ ਖੁੱਲ੍ਹੇਆਮ ਨਸ਼ਾ ਖਰੀਦ ਰਹੇ ਹਨ।

ਪੰਜਾਬ ਦੇ ਲੋਕਾਂ ਦੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਵੀਡੀਓ ਅੰਮ੍ਰਿਤਸਰ ਦੇ ਕੋਟ ਖਾਲਸਾ ਇਲਾਕੇ ਦੀ ਹੈ। ਇਲਾਕੇ ਦੇ ਰਹਿਣ ਵਾਲੇ ਇੱਕ ਵਿਅਕਤੀ ਨੇ ਆਪਣੇ ਘਰ ਸਾਹਮਣੇ ਵਿਕ ਰਹੇ ਨਸ਼ੇ ਦੀ ਵੀਡੀਓ ਬਣਾ ਕੇ ਵਾਇਰਲ ਕਰ ਦਿੱਤੀ। ਉਕਤ ਵਿਅਕਤੀ ਦਾ ਕਹਿਣਾ ਹੈ ਕਿ ਇਥੇ ਨਸ਼ਾ ਸ਼ਰੇਆਮ ਵਿਕਦਾ ਹੈ ਅਤੇ ਇਹ ਸਭ ਨੂੰ ਦਿਖਾਈ ਦੇ ਰਿਹਾ ਹੈ। ਪਰ ਪੁਲਿਸ ਕੋਈ ਕਾਰਵਾਈ ਨਹੀਂ ਕਰਦੀ।

ਵੀਡੀਓ ‘ਚ ਨੌਜਵਾਨ ਨਸ਼ਾ ਖਰੀਦਦਾ ਸਾਫ ਨਜ਼ਰ ਆ ਰਿਹਾ ਹੈ। ਪਹਿਲਾਂ ਦੋ ਨੌਜਵਾਨ ਆਉਂਦੇ ਹਨ ਅਤੇ ਉੱਪਰੋਂ ਪੈਸੇ ਪਾ ਕੇ ਨਸ਼ਾ ਖਰੀਦ ਲੈਂਦੇ ਹਨ। ਇਸ ਤੋਂ ਬਾਅਦ ਕੁਝ ਹੋਰ ਨੌਜਵਾਨ ਆਉਂਦੇ ਹਨ ਅਤੇ ਅੰਦਰੋਂ ਕੁਝ ਨੌਜਵਾਨ ਬਾਹਰ ਆ ਕੇ ਪੈਸੇ ਲੈ ਕੇ ਖੁੱਲ੍ਹੇਆਮ ਨਸ਼ਾ ਵੇਚਦੇ ਹਨ।

ਇਹ ਵੀ ਪੜ੍ਹੋ : ਝੱਪਟਾ ਮਾਰ ਕੇ 1 ਸਾਲ ਦੇ ਬੱਚੇ ਨੂੰ ਪਾਣੀ ‘ਚ ਘਸੀਟ ਲੈ ਗਿਆ ਮਗਰਮੱਛ, ਬਚਾਅ ‘ਚ ਪਿਤਾ ਵੀ ਹੋਇਆ ਜ਼ਖਮੀ

ਇਸ ਦੌਰਾਨ ਘਰ ਦੇ ਅੰਦਰ ਰਹਿ ਰਹੀ ਔਰਤ ਦਾ ਧਿਆਨ ਵੀਡੀਓ ਬਣਾਉਣ ਵਾਲੇ ਬੰਦੇ ‘ਤੇ ਪੈ ਜਾਂਦਾ ਹੈ। ਇਹ ਦੇਖ ਕੇ ਉਹ ਆਪਣੇ ਪੁੱਤਰ ਨੂੰ ਅੰਦਰ ਆਉਣ ਲਈ ਕਹਿੰਦੀ ਹੈ ਅਤੇ ਵੀਡੀਓ ਬਣਾਉਣ ਦੀ ਗੱਲ ਵੀ ਦੱਸਦੀ ਹੈ। ਸਾਫ਼ ਹੈ ਕਿ ਇਸ ਕੰਮ ਵਿੱਚ ਸਿਰਫ਼ ਘਰ ਦਾ ਪੁੱਤਰ ਹੀ ਨਹੀਂ, ਪੂਰਾ ਪਰਿਵਾਰ ਜੁੜਿਆ ਹੋਇਆ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “