ਪੰਜਾਬ ਦੀ ਜਵਾਨੀ ਨਸ਼ਿਆਂ ਵਿੱਚ ਕਿਸ ਕਦਰ ਡੁੱਬਦੀ ਜਾ ਰਹੀ ਹੈ ਇਸ ਦੀ ਇੱਕ ਹੋਰ ਮਿਸਾਲ ਅੰਮ੍ਰਿਤਸਰ ਤੋਂ ਸਾਹਮਣੇ ਆਈ। ਇਥੇ ਨਸ਼ੇ ਵਿੱਚ ਟੱਲੀ ਨੌਜਵਾਨ ਨੇ ਸ਼ਰੇ-ਬਾਜ਼ਾਰ ਖੂਬ ਹੰਗਾਮਾ ਕੀਤਾ। ਸ਼ਰਾਬ ਦੇ ਨਸ਼ੇ ਵਿੱਚ ਗੱਡੀ ਚਲਾ ਰਹੇ ਨੌਜਵਾਨ ਨੇ ਪਹਿਲਾਂ ਪੁਲਿਸ ਵਾਲੇ ਨਾਲ ਐਕਸੀਡੈਂਟ ਕੀਤਾ, ਉਸ ਮਗਰੋਂ ਪੁਲਿਸ ਵਾਲੇ ਨੂੰ ਹੀ ਗਾਲ੍ਹਾਂ ਕੱਢਣੀਆਂ ਸ਼ੁਰੂ ਕਰ ਦਿੱਤੀਆਂ। ਆਲੇ-ਦੁਆਲੇ ਦੇ ਲੋਕਾਂ ਨੇ ਨੌਜਵਾਨ ਦੀ ਵੀਡੀਓ ਬਣਾ ਲਈ। ਦੂਜੇ ਪਾਸੇ ਪੁਲਿਸ ਨੂੰ ੌਕੇ ‘ਤੇ ਬੁਲਾ ਕੇ ਨੌਜਵਾਨ ਨੂੰ ਵੀ ਹਿਰਾਸਤ ਵਿੱਚ ਲੈ ਲਿਆ ਗਿਆ।
ਘਟਨਾ ਕੋਰਟ ਰੋਡ ‘ਤੇ ਭਾਟੀਆ ਗਨ ਹਾਊਸ ਦੇ ਬਾਹਰ ਦੀ ਹੈ। ਇੱਕ ਲਵ ਨਾਂ ਦਾ ਨੌਜਵਾਨ ਨਸ਼ੇ ਵਿੱਚ ਟੱਲੀ ਆਪਣਏ ਦੋਸਤ ਨਾਲ ਦੋ ਪਹੀਆ ਵਾਹਨ ‘ਤੇ ਜਾ ਰਿਹਾ ਸੀ। ਇਸੇ ਦੌਰਾਨ ਉਸ ਦੀ ਪੁਲਿਸ ਵਾਲੇ ਦੀ ਗੱਡੀ ਨਾਲ ਟੱਕਰ ਹੋ ਗਈ। ਪੁਲਿਸ ਵਾਲੇ ਨੇ ਪਿਆਰ ਨਾਲ ਉਸ ਨੂੰ ਧਿਆਨ ਨਾਲ ਗੱਡੀ ਚਲਾਉਣ ਦੀ ਸਲਾਹ ਦਿੱਤੀ ਪਰ ਨਸ਼ੇ ਵਿੱਚ ਟੱਲੀ ਨੌਜਵਾਨ ਉਸੇ ਪੁਲਿਸ ਵਾਲੇ ਨਾਲ ਉਲਝ ਗਿਆ।
ਨੌਜਵਾਨ ਨਸ਼ੇ ਵਿੱਚ ਇਸ ਹੱਦ ਤੱਕ ਟੱਲੀ ਸੀ ਕਿ ਉਸ ਨੂੰ ਇਹ ਵੀ ਸਮਝ ਨਹੀਂ ਆਇਆ ਕਿ ਉਹ ਪੁਲਿਸ ਵਾਲੇ ਨੂੰ ਕੀ ਬੋਲ ਰਿਹਾ ਹੈ। ਉਸ ਦਾ ਦੋਸਤ ਉਸ ਨੂੰ ਵਾਰ-ਵਾਰ ਖਿੱਚ ਕੇ ਉਥੋਂ ਜਾਣ ਦੀ ਸਲਾਹ ਦੇ ਰਿਹਾ ਸੀ ਪਰ ਨਸ਼ੇ ਵਿੱਚ ਟੱਲੀ ਨੌਜਵਾਨ ਉਥੋਂ ਨਹੀਂ ਹਿਲਿਆ ਤੇ ਵਾਰ-ਵਾਰ ਪੁਲਿਸ ਵਾਲੇ ਨੂੰ ਚੈਲੰਜ ਕਰਦਾ ਰਿਹਾ ।
ਇਹ ਵੀ ਪੜ੍ਹੋ : ਕੈਂਬ੍ਰਿਜ ਯੂਨੀਵਰਸਿਟੀ ‘ਚ ਰਾਹੁਲ ਨੇ ਮੋਦੀ ਸਰਕਾਰ ਦੀ ਕੀਤੀ ਤਾਰੀਫ਼, ਇਨ੍ਹਾਂ ਦੋ ਯੋਜਨਾਵਾਂ ਨੂੰ ਦੱਸਿਆ ਵਧੀਆ
ਵਾਰ-ਵਾਰ ਸਮਝਾਉਣ ‘ਤੇ ਵੀ ਜਦੋਂ ਨੌਜਵਾਨ ਉਥੋਂ ਨਹੀਂ ਗਿਆ ਤਾਂ ਪੁਲਿਸ ਨੂੰ ਮੌਕੇ ‘ਤੇ ਬੁਲਾਉਣਾ ਪਿਆ। ਅਖੀਰ ਪੁਲਿਸ ਉਸ ਨੂੰ ਖਿੱਚ ਕੇ ਆਪਣੇ ਨਾਲ ਲੈ ਗਈ। ਪੁਲਿਸ ਦਾ ਕਹਿਣਾ ਹੈ ਕਿ ਦੋਸ਼ੀ ਖਿਲਾਫ਼ ਜੋ ਵੀ ਬਣਦੀ ਕਾਰਵਾਈ ਹੋਵੇਗੀ ਕੀਤੀ ਜਾਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
