ਚੀਨ ਵਿੱਚ ਇੱਕ ਹੋਰ ਵਾਇਰਸ ਨੇ ਕਹਿਰ ਮਚਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਇੱਥੇ H3N8 ਨਾਮ ਦੇ ਬਰਡ ਫਲੂ ਵਾਇਰਸ ਕਰਕੇ ਇੱਕ ਬੰਦੇ ਦੀ ਮੌਤ ਹੋ ਗਈ। ਚੀਨੀ ਮੀਡੀਆ ਦੀਆਂ ਰਿਪੋਰਟਾਂ ਦੇ ਮੁਤਾਬਕ ਦੱਖਣੀ ਚੀਨ ਦੇ ਝੋਂਗਸ਼ਾਨ ਸ਼ਹਿਰ ਵਿੱਚ ਇੱਕ 56 ਸਾਲਾ ਔਰਤ H3N8 ਬਰਡ ਫਲੂ ਦੀ ਲਪੇਟ ਵਿੱਚ ਆਈ ਸੀ ਅਤੇ ਸੋਮਵਾਰ ਨੂੰ ਉਸਦੀ ਮੌਤ ਹੋ ਗਈ।
ਵਿਸ਼ਵ ਸਿਹਤ ਸੰਗਠਨ ਦੇ ਮੁਤਾਬਕ H3N8 ਏਵੀਅਨ ਫਲੂ ਤੋਂ ਇਹ ਪਹਿਲੀ ਮਨੁੱਖੀ ਮੌਤ ਹੈ। ਪਿਛਲੇ ਸਾਲ ਮਨੁੱਖਾਂ ਵਿੱਚ ਇਸ ਸੰਕਰਮਣ ਦੇ ਦੋ ਹੋਰ ਮਾਮਲੇ ਸਾਹਮਣੇ ਆਏ ਸਨ।
ਵਿਸ਼ਵ ਸਿਹਤ ਸੰਗਠਨ ਨੇ ਕਿਹਾ ਕਿ ਔਰਤ ਨੂੰ ਗੰਭੀਰ ਨਿਮੋਨੀਆ ਕਾਰਨ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਸੀ ਅਤੇ ਬਾਅਦ ‘ਚ ਉਸ ਦੀ ਮੌਤ ਹੋ ਗਈ। ਉਸ ਨੂੰ ਮਾਈਲੋਮਾ (ਕੈਂਸਰ) ਸਮੇਤ ਕਈ ਸਿਹਤ ਸਮੱਸਿਆਵਾਂ ਸਨ।
WHO ਨੇ ਅਪਡੇਟ ਵਿੱਚ ਕਿਹਾ ਕਿ ‘ਮਾਮਲੇ ਦਾ ਪਤਾ ਗੰਭੀਰ ਤੀਬਰ ਸਾਹ ਦੀ ਲਾਗ (SARI) ਨਿਗਰਾਨੀ ਪ੍ਰਣਾਲੀ ਦੁਆਰਾ ਕੀਤਾ ਗਿਆ ਸੀ। ਉਥੇ ਹੀ ਮਰੀਜ਼ ਦੇ ਨਜ਼ਦੀਕੀ ਸੰਪਰਕਾਂ ਵਿੱਚੋਂ ਕਿਸੇ ਵਿੱਚ ਵੀ ਲਾਗ ਜਾਂ ਬਿਮਾਰੀ ਦੇ ਲੱਛਣ ਨਹੀਂ ਪਾਏ ਗਏ।
ਇਹ ਵੀ ਪੜ੍ਹੋ : ਮਾਨ ਸਰਕਾਰ ਦੇ ਰਾਜ ‘ਚ ਸੁਧਰੀ ਪਾਵਰਕਾਮ ਦੀ ਕਾਰਗੁਜ਼ਾਰੀ, ਨੈਸ਼ਨਲ ਰੈਂਕਿੰਗ ‘ਚ ਪਰਤਿਆ A ਗ੍ਰੇਡ ‘ਤੇ
WHO ਮੁਤਾਬਕ ਔਰਤ ਬੀਮਾਰ ਹੋਣ ਤੋਂ ਪਹਿਲਾਂ ਪਸ਼ੂ ਬਾਜ਼ਾਰ ਵਿੱਚ ਜਿਊਂਦੇ ਪੋਲਟਰੀ ਦੇ ਸੰਪਰਕ ਵਿੱਚ ਸੀ। ਉਸ ਬਾਜ਼ਾਰ ਤੋਂ ਇਕੱਠੇ ਕੀਤੇ ਗਏ ਨਮੂਨੇ ਵਿੱਚ ਐੱਚ3 ਏਵੀਅਨ ਇਨਫਲੁਏਂਜ਼ਾ ਵਾਇਰਸ ਪਾਏ ਗਏ ਸਨ, ਜਦਕਿ ਉਸ ਦੇ ਘਰ ਵਿੱਚ ਲਏ ਗਏ ਸੈਂਪਲ ਨੈਗੇਟਿਵ ਆਏ ਹਨ।
H3N8 ਫਲੂ ਵਾਇਰਸ ਆਮ ਤੌਰ ‘ਤੇ ਪੰਛੀਆਂ ਵਿੱਚ ਪਾਇਆ ਜਾਂਦਾ ਹੈ, ਪਰ ਇਹ ਘੋੜਿਆਂ ਵਿੱਚ ਵੀ ਪਾਇਆ ਗਿਆ ਹੈ ਅਤੇ ਦੋ ਵਾਇਰਸਾਂ ਵਿੱਚੋਂ ਇੱਕ ਹੈ ਜੋ ਕੁੱਤੇ ਦੇ ਫਲੂ ਦਾ ਕਾਰਨ ਬਣ ਸਕਦੇ ਹਨ। ਚੀਨ ਵਿੱਚ ਰਿਪੋਰਟ ਕੀਤਾ ਗਿਆ ਨਵਾਂ ਕੇਸ ਮਨੁੱਖਾਂ ਵਿੱਚ ਸੰਕਰਮਣ ਦਾ ਸਿਰਫ ਤੀਜਾ ਕੇਸ ਹੈ ਅਤੇ ਕਿਸੇ ਬਾਲਗ ਦੇ ਸੰਕਰਮਿਤ ਹੋਣ ਦਾ ਪਹਿਲਾ ਕੇਸ ਹੈ। ਪਹਿਲੀ ਵਾਰ ਇਸ ਵਾਇਰਸ ਕਾਰਨ ਕਿਸੇ ਵਿਅਕਤੀ ਦੀ ਮੌਤ ਹੋਈ ਹੈ।
ਸਾਲ 2022 ਵਿੱਚ ਪਹਿਲੀ ਵਾਰ ਮਨੁੱਖਾਂ ਵਿੱਚ H3N8 ਵਾਇਰਸ ਫੈਲਣ ਦੀ ਪੁਸ਼ਟੀ ਹੋਈ ਸੀ। ਪਹਿਲਾਂ ਖੋਜੀਆਂ ਦਾ ਮੰਨਣਾ ਸੀ ਕਿ ਵਾਇਰਸ ਦੇ ਇੱਕ ਪੁਰਾਣੇ ਸਟ੍ਰੇਨ ਕਾਰਨ 1889 ਦੀ ਮਹਾਂਮਾਰੀ ਹੋ ਸਕਦੀ ਹੈ, ਜਿਸ ਨੂੰ ‘ਏਸ਼ੀਆਟਿਕ ਫਲੂ’ ਜਾਂ ‘ਰੂਸੀ ਫਲੂ’ ਵੀ ਕਿਹਾ ਜਾਂਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
