ਆਰਥਿਕ ਸੰਕਟ ਨਾਲ ਜੂਝ ਰਹੇ ਪਾਕਿਸਤਾਨ ਦੀ ਹਾਲਤ ਦਿਨੋਂ-ਦਿਨ ਖਰਾਬ ਹੁੰਦੀ ਜਾ ਰਹੀ ਹੈ। ਕੰਗਾਲੀ ਵਿੱਚ ਪਾਕਿਸਤਾਨੀਆਂ ਦੀ ਹਾਲਤ ਵਿਗੜ ਗਈ ਹੈ। ਪਾਕਿਸਤਾਨ ਦੇ ਲੋਕ 2 ਜੂਨ ਦੀ ਰੋਟੀ ਦਾ ਜੁਗਾੜ ਕਰਨ ਦੀ ਬਜਾਏ ਆਪਣੀ ਮਰਦਾਨਾ ਤਾਕਤ ਨੂੰ ਵਧਾਉਣ ਲੇਈ ਨੀਮ-ਹਕੀਮ ਦੇ ਚੱਕਰ ਵਿੱਚ ਫਸ ਰਹੇ ਹਨ। ਪਾਕਿਸਤਾਨ ਦੇ ਲਗਭਗ ਹਰ ਵੱਡੇ ਸ਼ਹਿਰ ਦੀ ਇਹ ਹਾਲਤ ਹੈ। ਨੀਮ-ਹਕੀਮ ਨੇ ਕਿਰਲੀਆਂ ਅਤੇ ਬਿੱਛੂਆਂ ਨੂੰ ਸਬਜ਼ੀਆਂ ਵਾਂਗ ਸੜਕ ਦੇ ਵਿਚਕਾਰ ਮੈਟ ਵਿਛਾ ਕੇ ਸਜਾਏ ਹੋਏ ਹਨ। ਰਿਪੋਰਟ ਮੁਤਾਬਕ ਰਾਵਲਪਿੰਡੀ ਦੇ ਬਜ਼ਾਰ ਵਿੱਚ ਵੀ ਕਿਰਲੀ ਅਤੇ ਬਿੱਛੂ ਪੀਸ ਕੇ ਦੇਸੀ ਵਿਆਗਰਾ ਦੀ ਦਵਾਈ ਬਣਾਉਣ ਦੇ ਦਾਅਵੇ ਕਰ ਰਹੇ ਹਨ ਅਤੇ ਲੋਕ ਇਸ ਨੂੰ ਧੜੱਲੇ ਨਾਲ ਖਰੀਦ ਰਹੇ ਹਨ।
ਇਨ੍ਹਾਂ ਗਰੀਬ ਕਿਰਲੀਆਂ ਦਾ ਵੱਡੇ ਪੱਧਰ ‘ਤੇ ਸ਼ਿਕਾਰ ਕੀਤਾ ਜਾ ਰਿਹਾ ਹੈ। ਬਾਲਗ ਹੋਣ ‘ਤੇ ਇਹ ਕਿਰਲੀ 24 ਇੰਚ ਤੱਕ ਲੰਬੀ ਹੁੰਦੀ ਹੈ। ਇਹ ਕਿਰਲੀਆਂ ਖਾਸ ਕਰਕੇ ਪਾਕਿਸਤਾਨ ਦੇ ਪੰਜਾਬ ਅਤੇ ਸਿੰਧ ਪ੍ਰਾਂਤਾਂ ਵਿੱਚ ਪਾਈਆਂ ਜਾਂਦੀਆਂ ਹਨ। ਉਹਨਾਂ ਨੂੰ ਅਕਸਰ ਆਪਣੇ ਬਿੱਲਾਂ ਵਿੱਚੋਂ ਬਾਹਰ ਨਿਕਲਦੇ ਅਤੇ ਧੁੱਪ ਵਿੱਚ ਛਾਲਾਂ ਮਾਰਦੇ ਦੇਖਿਆ ਜਾ ਸਕਦਾ ਹੈ। ਪਰ ਰਾਤ ਢਲਦਿਆਂ ਹੀ ਇਹ ਵਿਚਾਰੀਆਂ ਸ਼ਿਕਾਰੀਆਂ ਦੇ ਜਾਲ ਵਿੱਚ ਫਸ ਜਾਂਦੀਆਂ ਹਨ। ਕੁਝ ਹੀ ਘੰਟਿਆਂ ਵਿੱਚ ਦਰਜਨਾਂ ਕਿਰਲੀਆਂ ਦਾ ਸ਼ਿਕਾਰ ਹੋ ਜਾਂਦਾ ਹੈ।
ਅਡਿਆਲਾ ਇਸਲਾਮਾਬਾਦ ਦੇ ਨੇੜੇ ਇੱਕ ਪਿੰਡ ਹੈ, ਜਿੱਥੇ ਪੀੜ੍ਹੀਆਂ ਤੋਂ ਇਨ੍ਹਾਂ ਦਾ ਸ਼ਿਕਾਰ ਕੀਤਾ ਜਾਂਦਾ ਰਿਹਾ ਹੈ। ਅਜਿਹੇ ਹੀ ਇੱਕ ਸ਼ਿਕਾਰੀ ਨੇ ਇੱਰ ਨਿਊਜ਼ ਏਜੰਸੀ ਨੂੰ ਦੱਸਿਆ ਕਿ ਉਨ੍ਹਾਂ ਨੂੰ ਫੜਨ ਤੋਂ ਬਾਅਦ ਪਹਿਲਾਂ ਉਨ੍ਹਾਂ ਦੀ ਪਿੱਠ ਤੋੜ ਦਿੱਤੀ ਜਾਂਦੀ ਹੈ ਤਾਂ ਜੋ ਉਹ ਭੱਜ ਨਾ ਸਕਣ। ਇਹ ਕਿਰਲੀਆਂ ਗੋਲੀ ਦੀ ਰਫ਼ਤਾਰ ਨਾਲ ਦੌੜਦੀਆਂ ਹਨ। ਉਹ ਮੰਨ ਗਿਆ ਕਿ ਬੇਰਹਿਮ ਤਰੀਕੇ ਨਾਲ ਸ਼ਿਕਾਰ ਕਰਨਾ ਬਹੁਤ ਮਾੜਾ ਹੈ ਪਰ ਰੋਜ਼ੀ-ਰੋਟੀ ਦਾ ਵੀ ਸਵਾਲ ਹੈ। ਸ਼ਿਕਾਰ ਇੰਨਾ ਜ਼ਿਆਦਾ ਹੈ ਕਿ ਇਹ ਕਿਰਲੀਆਂ ਖਤਮ ਹੋਣ ਦੀ ਕਗਾਰ ‘ਤੇ ਹਨ।
ਇਹ ਵੀ ਪੜ੍ਹੋ : ਰੂਸ ਨੇ ਇੱਕ ਦਿਨ ‘ਚ ਯੂਕਰੇਨ ‘ਤੇ ਦਾਗੀਆਂ 23 ਮਿਸਾਈਲਾਂ, ਬੱਚਿਆਂ ਸਣੇ 16 ਮੌਤਾਂ, 2 ਮਹੀਨਿਆਂ ‘ਚ ਸਭ ਤੋਂ ਵੱਡਾ ਹਮਲਾ
ਜਦੋਂ ਬਾਜ਼ਾਰ ਵਿੱਚ ਇਸ ਦਵਾਈ ਨੂੰ ਵੇਚਣ ਵਾਲੇ ਇਸ ਨੂੰ ਬਣਾਉਣ ਦਾ ਕਰੂਰ ਤਰੀਕਾ ਦੱਸਦੇ ਹਨ ਤਾਂ ਰੂਹ ਕੰਬ ਜਾਂਦੀ ਹੈ। ਪਹਿਲਾਂ ਕਿਰਲੀ ਦਾ ਸ਼ਿਕਾਰ ਕੀਤਾ ਜਾਂਦਾ ਹੈ, ਫਿਰ ਤੁਰੰਤ ਉਸਦੀ ਕਮਰ ਤੋੜ ਦਿੱਤੀ ਜਾਂਦੀ ਹੈ। ਫਿਰ ਉਸਦੀ ਗਰਦਨ ਕੱਟ ਦਿੱਤੀ ਜਾਂਦੀ ਹੈ। ਬਾਅਦ ਵਿਚ ਉਸ ਦੇ ਪੇਟ ਦੀ ਚਰਬੀ ਨੂੰ ਪਿਘਲਾ ਕੇ ਉਸ ਵਿਚ ਕੇਸਰ ਆਦਿ ਮਿਲਾ ਦਿੱਤਾ ਜਾਂਦਾ ਹੈ। ਬਾਅਦ ਵਿਚ ਇਸ ਨੂੰ ਬਿੱਛੂ ਦੇ ਤੇਲ ਅਤੇ ਕੁਝ ਤੇਜ਼ ਮਸਾਲਿਆਂ ਨਾਲ ਮਿਲਾਇਆ ਜਾਂਦਾ ਹੈ। ਇਹ ਬਾਜ਼ਾਰ ਵਿੱਚ 600 ਤੋਂ 1200 ਰੁਪਏ ਵਿੱਚ ਵਿਕਦਾ ਹੈ।
ਵਾਈਲਡ ਲਾਈਫ ਪ੍ਰੋਟੈਕਸ਼ਨ ਇਨ੍ਹਾਂ ਲੋਕਾਂ ਨੂੰ ਗ੍ਰਿਫਤਾਰ ਕਰ ਲੈਂਦੀ ਹੈ, ਪਰ ਜੁਰਮਾਨਾ ਇੰਨਾ ਘੱਟ ਹੈ ਕਿ ਇਨ੍ਹਾਂ ਨੂੰ ਜਲਦੀ ਛੱਡ ਦਿੱਤਾ ਜਾਂਦਾ ਹੈ। ਅਜਿਹੇ ਹੀ ਇੱਕ ਵਿਅਕਤੀ ਨੇ ਦੱਸਿਆ ਕਿ 10 ਹਜ਼ਾਰ ਤੋਂ ਵੱਧ ਦਾ ਕੋਈ ਜੁਰਮਾਨਾ ਨਹੀਂ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ‘ਦਵਾਈ’ ਸਾਊਦੀ ਅਰਬ, ਮਲੇਸ਼ੀਆ, ਦੁਬਈ, ਸ਼ਾਰਜਾਹ ਅਤੇ ਕਈ ਅਫਰੀਕੀ ਦੇਸ਼ਾਂ ਨੂੰ ਵੀ ਭੇਜੀ ਜਾਂਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
