ਕਈ ਲੋਕ ਕਹਿੰਦੇ ਹਨ ਕਿ ਕੁੜੀਆਂ ਪੈਸਾ ਵੇਖ ਕੇ ਵਿਆਹ ਕਰਵਾਉਂਦੀਆਂ ਹਨ ਪਰ ਅਦਾਕਾਰਾ ਪਰਿਣੀਤੀ ਚੋਪੜਾ ਨੇ ਇਸ ਗੱਲ ਨੂੰ ਝੂਠਾ ਸਾਬਤ ਕਰ ਦਿੱਤਾ। ਅੱਜ ਆਮ ਆਦਮੀ ਪਾਰਟੀ (ਆਪ) ਦੇ ਨੇਤਾ ਅਤੇ ਰਾਜ ਸਭਾ ਮੈਂਬਰ ਰਾਘਵ ਚੱਢਾ ਅਤੇ ਅਦਾਕਾਰਾ ਪਰਿਣੀਤੀ ਚੋਪੜਾ ਦੀ ਮੰਗਣੀ ਹੋ ਗਈ, ਜਿਸ ਵਿੱਚ ਪਰਿਵਾਰ ਤੇ ਰਿਸ਼ਤੇਦਾਰਾਂ ਸਣੇ ਕਈ ਵੀ.ਆਈ.ਪੀ. ਲੋਕ ਪਹੁੰਚੇ। ਰਾਘਵ ਅਤੇ ਪਰਿਣੀਤੀ ਆਪਣੀ ਪ੍ਰੋਫੈਸ਼ਨਲ ਲਾਈਫ ‘ਚ ਕਾਫੀ ਸਫਲ ਹਨ ਅਤੇ ਦੋਵੇਂ ਨਾਮ ਦੇ ਨਾਲ-ਨਾਲ ਪੈਸਾ ਵੀ ਕਮਾ ਰਹੇ ਹਨ। ਅਜਿਹੇ ‘ਚ ਆਓ ਜਾਣਦੇ ਹਾਂ ਦੋਵਾਂ ਦੀ ਕਿੰਨੀ ਜਾਇਦਾਦ ਹੈ?
ਰਾਘਵ ਚੱਢਾ ਰਾਜ ਸਭਾ ਦੇ ਸਭ ਤੋਂ ਨੌਜਵਾਨ ਮੈਂਬਰ ਹੈ। ਰਾਘਵ ਚੱਢਾ ਨੂੰ ਪਿਛਲੇ ਸਾਲ ਹੀ ਰਾਜ ਸਭਾ ਮੈਂਬਰ ਚੁਣਿਆ ਗਿਆ ਹੈ। ਸਾਲ 2012 ਵਿੱਚ, ਉਸਨੇ ਆਮ ਆਦਮੀ ਪਾਰਟੀ (ਆਪ) ਵਿੱਚ ਸ਼ਾਮਲ ਹੋ ਕੇ ਆਪਣੇ ਸਿਆਸੀ ਜੀਵਨ ਦੀ ਸ਼ੁਰੂਆਤ ਕੀਤੀ। 11 ਨਵੰਬਰ 1988 ਨੂੰ ਪੈਦਾ ਹੋਏ ਰਾਘਵ ਚੱਢਾ ਨੂੰ ਆਪਣੇ ਜ਼ਬਰਦਸਤ ਭਾਸ਼ਣਾਂ ਲਈ ਜਾਣਿਆ ਜਾਂਦਾ ਹੈ।
ਰਾਜਨੀਤੀ ਵਿੱਚ ਆਉਣ ਤੋਂ ਪਹਿਲਾਂ, ਰਾਘਵ ਚੱਢਾ ਇੱਕ ਪ੍ਰੈਕਟਿਸ-ਚਾਰਟਰਡ ਅਕਾਊਂਟੈਂਟ ਸੀ। ਰਾਘਵ ਚੱਢਾ ਸ਼ਿਆਮ ਮਾਲਪਾਨੀ, ਡੇਲੋਇਟ ਅਤੇ ਗ੍ਰਾਂਟ ਥਾਰਨਟਨ ਵਰਗੀਆਂ ਕੰਪਨੀਆਂ ਵਿੱਚ ਕੰਮ ਕਰ ਚੁੱਕਾ ਹੈ। ਜੇ ਰਾਘਵ ਚੱਢਾ ਦੀ ਕੁੱਲ ਜਾਇਦਾਦ ਦੀ ਗੱਲ ਕਰੀਏ ਤਾਂ ਇਹ ਲਗਭਗ 50 ਲੱਖ ਰੁਪਏ ਦੱਸੀ ਜਾਂਦੀ ਹੈ।
ਰਾਘਵ ਚੱਢਾ ਵੱਲੋਂ ਚੋਣ ਮੈਨੀਫੈਸਟੋ ਵਿੱਚ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਉਸ ਕੋਲ ਇੱਕ ਮਾਰੂਤੀ ਸਵਿਫਟ ਡਿਜ਼ਾਇਰ ਕਾਰ ਹੈ। ਇਸ ਤੋਂ ਇਲਾਵਾ ਉਸ ਕੋਲ 37 ਲੱਖ ਰੁਪਏ ਦਾ ਮਕਾਨ ਵੀ ਹੈ। 90 ਗ੍ਰਾਮ ਸੋਨੇ ਦੇ ਗਹਿਣੇ ਵੀ ਹਨ, ਜਿਨ੍ਹਾਂ ਦੀ ਕੀਮਤ ਇਸ ਵੇਲੇ 5,00,000 ਰੁਪਏ ਤੋਂ ਵੱਧ ਹੈ।
ਇਸ ਦੇ ਨਾਲ ਹੀ ਰਾਘਵ ਚੱਢਾ ਕੋਲ 52,839 ਰੁਪਏ ਦੀ ਜੀਵਨ ਬੀਮਾ ਪਾਲਿਸੀ ਵੀ ਹੈ। ਰਾਘਵ ਚੱਢਾ ਨੇ ਚੋਣ ਹਲਫ਼ਨਾਮੇ ਵਿੱਚ ਦੱਸਿਆ ਸੀ ਕਿ ਉਸ ਕੋਲ ਬੈਂਕ ਵਿੱਚ ਕੁੱਲ 14,57,806 ਰੁਪਏ ਜਮ੍ਹਾਂ ਹਨ ਅਤੇ ਉਸ ਸਮੇਂ ਉਸ ਕੋਲ 30,000 ਰੁਪਏ ਨਕਦ ਸਨ, ਇਸ ਤੋਂ ਇਲਾਵਾ ਉਸ ਨੇ ਬਾਂਡ, ਡਿਬੈਂਚਰ ਅਤੇ ਸ਼ੇਅਰਾਂ ਵਿੱਚ 6,35,000 ਰੁਪਏ ਦਾ ਨਿਵੇਸ਼ ਕੀਤਾ ਹੈ।
ਇਹ ਵੀ ਪੜ੍ਹੋ : ਰਾਘਵ ਚੱਢਾ- ਪਰਿਣੀਤੀ ਚੋਪੜਾ ਦੀ ਹੋਈ ਮੰਗਣੀ, ਸ਼ੇਅਰ ਕੀਤੇ ਖੂਬਸੂਰਤ ਪਲ, ਵੇਖੋ ਤਸਵੀਰਾਂ
ਹਾਲਾਂਕਿ ਪਰਿਣੀਤੀ ਚੋਪੜਾ ਜਾਇਦਾਦ ਦੇ ਮਾਮਲੇ ‘ਚ ਰਾਘਵ ਚੱਢਾ ਤੋਂ ਕਾਫੀ ਅੱਗੇ ਹੈ। ਦੱਸ ਦੇਈਏ ਕਿ ਰਾਘਵ ਚੱਢਾ ਅਤੇ ਪਰਿਣੀਤੀ ਚੋਪੜਾ ਨੇ ਲੰਡਨ ਸਕੂਲ ਆਫ ਇਕਨਾਮਿਕਸ ਤੋਂ ਪੜ੍ਹਾਈ ਕੀਤੀ ਹੈ। ਕੁਝ ਸਮੇਂ ਤੱਕ ਦੋਹਾਂ ਨੂੰ ਲੰਚ ਅਤੇ ਡਿਨਰ ਡੇਟ ‘ਤੇ ਇਕੱਠੇ ਦੇਖਿਆ ਗਿਆ। ਦੱਸ ਦੇਈਏ ਕਿ ਪਰਿਣੀਤੀ ਅਤੇ ਰਾਘਵ ਦੋਵਾਂ ਦੀ ਮੰਗਣੀ ਦਿੱਲੀ ਦੇ ਕਪੂਰਥਲਾ ਹਾਊਸ ਵਿੱਚ ਹੋਵੇਗੀ।
ਰਿਪੋਰਟ ਮੁਤਾਬਕ ਪਰਿਣੀਤੀ ਚੋਪੜਾ ਦੀ ਕੁੱਲ ਜਾਇਦਾਦ 60 ਕਰੋੜ ਰੁਪਏ ਦੱਸੀ ਗਈ ਹੈ। ਉਸ ਦੀ ਕਮਾਈ ਦਾ ਮੁੱਖ ਸਰੋਤ ਫਿਲਮਾਂ ਤੋਂ ਫੀਸਾਂ ਅਤੇ ਬ੍ਰਾਂਡ ਐਂਡੋਰਸਮੈਂਟ ਹਨ। ਪਰਿਣੀਤੀ ਚੋਪੜਾ ਦਾ ਮੁੰਬਈ ਵਿੱਚ ਇੱਕ ਲਗਜ਼ਰੀ ਸੀ-ਫੇਸਿੰਗ ਅਪਾਰਟਮੈਂਟ ਹੈ। ਜੇ ਅਸੀਂ ਕਾਰਾਂ ਦੀ ਗੱਲ ਕਰੀਏ ਤਾਂ ਉਸ ਕੋਲ Audi A6, Jaguar XJL ਅਤੇ Audi Q5 ਵਰਗੀਆਂ ਕਾਰਾਂ ਹਨ।
ਪਰਿਣੀਤੀ ਚੋਪੜਾ ਇੱਕ ਏ-ਲਿਸਟ ਸੇਲੇਬ ਹੈ। ਉਸ ਦੀ ਇੰਡਸਟਰੀ ਵਿਚ ਧਾਕ ਹੈ। ਹਿੱਟ ਫਿਲਮਾਂ ਤੋਂ ਇਲਾਵਾ ਪਰਿਣੀਤੀ ਰਿਐਲਿਟੀ ਸ਼ੋਅਜ਼ ‘ਚ ਵੀ ਕਾਫੀ ਐਕਟਿਵ ਰਹੀ ਹੈ। ਪਰਿਣੀਤੀ ਚੋਪੜਾ ਦਾ ਜਨਮ 22 ਅਕਤੂਬਰ 1988 ਨੂੰ ਹਰਿਆਣਾ ਦੇ ਅੰਬਾਲਾ ਵਿੱਚ ਹੋਇਆ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “
