ਟਵਿੱਟਰ ਯੂਜ਼ਰਸ ਲਈ ਖੁਸ਼ਖਬਰੀ! ਸਮਾਰਟ ਟੀਵੀ ਲਈ ਜਲਦੀ ਹੀ ਲਾਂਚ ਹੋਵੇਗਾ ਵੀਡੀਓ ਐਪ

ਮਾਈਕ੍ਰੋ-ਬਲੌਗਿੰਗ ਪਲੇਟਫਾਰਮ ਟਵਿੱਟਰ ਜਲਦ ਹੀ ਆਪਣੀ ਨਵੀਂ ਵੀਡੀਓ ਐਪ ਲਾਂਚ ਕਰਨ ਵਾਲਾ ਹੈ। ਯੂਜ਼ਰਸ ਇਸ ਵੀਡੀਓ ਐਪ ਨੂੰ ਯੂਟਿਊਬ ਵਾਂਗ ਸਮਾਰਟ ਟੀਵੀ ‘ਤੇ ਚਲਾ ਸਕੰਗ। ਟਵਿੱਟਰ ਦੇ ਮਾਲਕ ਐਲੋਨ ਮਸਕ ਨੇ ਪੁਸ਼ਟੀ ਕੀਤੀ ਹੈ ਕਿ ਕੰਪਨੀ ਜਲਦੀ ਹੀ ਇਸ ਐਪ ਨੂੰ ਪੇਸ਼ ਕਰਨ ਜਾ ਰਹੀ ਹੈ। ਮਸਕ ਨੇ ਐਪ ਬਾਰੇ ਇਸ ਤੋਂ ਇਲਾਵਾ ਹੋਰ ਕੋਈ ਜਾਣਕਾਰੀ ਅਜੇ ਨਹੀਂ ਦਿੱਤੀ।

ਐਲੋਨ ਮਸਕ ਨੇ ਪੁਸ਼ਟੀ ਕੀਤੀ ਹੈ ਕਿ ਕੰਪਨੀ ਸਮਾਰਟ ਟੀਵੀ ਲਈ ਵੀਡੀਓ ਐਪ ‘ਤੇ ਕੰਮ ਕਰ ਰਹੀ ਹੈ। ਇਹ ਐਪ ਯੂਜ਼ਰਸ ਨੂੰ ਆਪਣੇ ਟੀਵੀ ‘ਤੇ ਟਵਿੱਟਰ ਵਿਡੀਓਜ਼ ਦੇਖਣ ਦੀ ਆਗਿਆ ਦੇਵੇਗੀ, ਅਤੇ ਲੋਕਾਂ ਲਈ ਨਵੇਂ ਵੀਡੀਓਜ਼ ਨੂੰ ਖੋਜਣਾ ਵੀ ਆਸਾਨ ਬਣਾਵੇਗੀ। ਮਸਕ ਨੇ 18 ਜੂਨ 2023 ਨੂੰ ਇੱਕ ਟਵੀਟ ਵਿੱਚ ਇਹ ਜਾਣਕਾਰੀ ਦਿੱਤੀ ਸੀ। ਮਸਕ ਨੇ ਟਵਿੱਟਰ ਯੂਜ਼ਰਸ ਨੂੰ ਜਵਾਬ ਦਿੰਦੇ ਹੋਏ ਕਿਹਾ ਕਿ ਐਪ ਆ ਰਿਹਾ ਹੈ। ਇਹ ਐਪ ਟੀਵੀ ਸਮੂਹ ਲਈ ਉਪਲਬਧ ਹੋਵੇਗੀ।

ਇਹ ਵੀ ਪੜ੍ਹੋ : ਬਠਿੰਡਾ ਦੇ ਸੁਵਿਧਾ ਕੇਂਦਰ ‘ਚੋਂ ਲੱਖਾਂ ਰੁ: ਦੀ ਚੋਰੀ ਕਰਨ ਵਾਲਾ ਦੋਸ਼ੀ ਗ੍ਰਿਫਤਾਰ, ਨਕਦੀ ਤੇ DVR ਵੀ ਬਰਾਮਦ

ਦਰਅਸਲ, ਮਸਕ ਨੂੰ ਟੈਗ ਕਰਦੇ ਹੋਏ S-M ਰੌਬਿਨਸਨ ਨਾਮ ਦੇ ਇੱਕ ਟਵਿੱਟਰ ਯੂਜ਼ਰ ਨੇ ਲਿਖਿਆ ਸੀ ਕਿ ਸਾਨੂੰ ਸਮਾਰਟ ਟੀਵੀ ਲਈ ਇੱਕ ਟਵਿੱਟਰ ਵੀਡੀਓ ਐਪ ਦੀ ਲੋੜ ਹੈ। ਟਵਿੱਟਰ ‘ਤੇ ਇਕ ਘੰਟੇ ਦੀ ਵੀਡੀਓ ਨਹੀਂ ਦੇਖਿਆ ਜਾ ਸਕਦਾ। ਇਸ ਦਾ ਜਵਾਬ ਦਿੰਦੇ ਹੋਏ ਐਲੋਨ ਮਸਕ ਨੇ ਕਿਹਾ ਕਿ ਐਪ ਜਲਦ ਹੀ ਆ ਰਹੀ ਹੈ।

ਟਵਿੱਟਰ ਹਾਲ ਹੀ ਦੇ ਸਾਲਾਂ ਵਿੱਚ ਵੀਡੀਓ ‘ਤੇ ਜ਼ੋਰ ਦੇ ਰਿਹਾ ਹੈ, ਅਤੇ ਕੰਪਨੀ ਨੇ ਉਪਭੋਗਤਾਵਾਂ ਲਈ ਵੀਡੀਓ ਦੇਖਣ ਅਤੇ ਸ਼ੇਅਰ ਕਰਨਾ ਆਸਾਨ ਬਣਾਉਣ ਲਈ ਕਈ ਵਿਸ਼ੇਸ਼ਤਾਵਾਂ ਲਾਂਚ ਕੀਤੀਆਂ ਹਨ। ਸਮਾਰਟ ਟੀਵੀ ਲਈ ਵੀਡੀਓਜ਼ ਐਪ ਇਸ ਕੋਸ਼ਿਸ਼ ਦਾ ਇੱਕ ਵਿਸਥਾਰ ਹੈ, ਅਤੇ ਲੋਕਾਂ ਲਈ ਆਪਣੇ ਟੀਵੀ ‘ਤੇ ਟਵਿੱਟਰ ਵੀਡੀਓਜ਼ ਦੇਖਣਾ ਆਸਾਨ ਬਣਾਵੇਗਾ।

ਵੀਡੀਓ ਲਈ ਕਲਿੱਕ ਕਰੋ -:

“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”