ਹਰਿਆਣਾ ਦੇ ਰੋਹਤਕ ‘ਚ ਐਂਟੀ ਨਾਰਕੋਟਿਕਸ ਟੀਮ ਨੇ ਨਸ਼ਾ ਤਸਕਰ ਨੂੰ 15 ਲੱਖ ਰੁਪਏ ਤੋਂ ਵੱਧ ਦੀ ਅਫੀਮ ਸਮੇਤ ਗ੍ਰਿਫਤਾਰ ਕੀਤਾ ਹੈ। ਮੁਲਜ਼ਮ ਇਹ ਅਫੀਮ ਝਾਰਖੰਡ ਤੋਂ ਲਿਆਇਆ ਸੀ ਅਤੇ ਫਤਿਹਾਬਾਦ ਦੇ ਵਿਅਕਤੀ ਨੂੰ ਸਪਲਾਈ ਕਰਨੀ ਸੀ। ਪਰ ਇਸ ਤੋਂ ਪਹਿਲਾ ਹੀ ਹਿਸਾਰ ਐਂਟੀ ਨਾਰਕੋਟਿਕਸ ਟੀਮ ਨੇ ਰੋਹਤਕ ਦੇ ਬੱਸ ਸਟੈਂਡ ‘ਤੇ ਸਪਲਾਈ ਦੇਣ ਆਏ ਦੋਸ਼ੀ ਅਤੇ ਡਲਿਵਰੀ ਲੈਣ ਆਏ ਦੋਸ਼ੀ ਨੂੰ ਫੜ ਲਿਆ। ਜਿਸ ਕੋਲੋਂ 5 ਕਿਲੋ 800 ਗ੍ਰਾਮ ਅਫੀਮ ਬਰਾਮਦ ਹੋਈ।
ਸਟੇਟ ਨਾਰਕੋਟਿਕਸ ਕੰਟਰੋਲ ਬਿਊਰੋ ਦੇ ASI ਜਸਬੀਰ ਸਿੰਘ ਨੇ ਦੱਸਿਆ ਕਿ ਇਹ ਟੀਮ ਨਸ਼ਿਆਂ ਦੀ ਰੋਕਥਾਮ ਲਈ ਤਾਇਨਾਤ ਕੀਤੀ ਗਈ ਸੀ। ਇਸ ਦੌਰਾਨ ਸੂਚਨਾ ਮਿਲੀ ਕਿ ਝਾਰਖੰਡ ਦੇ ਗੜ੍ਹਵਾ ਜ਼ਿਲ੍ਹੇ ਦੇ ਪਿੰਡ ਨਵਾਦਾ ਦਾ ਰਹਿਣ ਵਾਲਾ ਰਵੀ ਰੰਜਨ ਅਫੀਮ ਲਿਆ ਰਿਹਾ ਹੈ। ਇਹ ਅਫੀਮ ਹਰਪਾਲ ਵਾਸੀ ਨਢੌਰੀ, ਫਤਿਹਾਬਾਦ ਨੂੰ ਸਪਲਾਈ ਕਰਨੀ ਸੀ। ਸੂਚਨਾ ਮੁਤਾਬਕ ਇਹ ਅਫੀਮ ਰੋਹਤਕ ਦੇ ਬੱਸ ਸਟੈਂਡ ‘ਤੇ ਸਪਲਾਈ ਹੋਣੀ ਸੀ।
ਇਹ ਵੀ ਪੜ੍ਹੋ : ਪਹਿਲੇ ਦਿਨ 7,900 ਸ਼ਰਧਾਲੂਆਂ ਨੇ ਬਾਬਾ ਬਰਫਾਨੀ ਦੇ ਕੀਤੇ ਦਰਸ਼ਨ, ਬਮ-ਬਮ ਭੋਲੇ ਦੇ ਲਗਾਏ ਜੈਕਾਰੇ
ਟੀਮ ਰੋਹਤਕ ਦੇ ਬੱਸ ਸਟੈਂਡ ‘ਤੇ ਪਹੁੰਚੀ। ਜਿੱਥੇ ਗੱਡੀ ਵਿੱਚ ਬੈਠੇ ਦੋ ਵਿਅਕਤੀ ਨੂੰ ਟੀਮ ਨੇ ਕਾਬੂ ਕਰ ਲਿਆ। ਕੰਡਕਟਰ ਸੀਟ ‘ਤੇ ਬੈਠੇ ਵਿਅਕਤੀ ਦੀ ਪਛਾਣ ਝਾਰਖੰਡ ਦੇ ਗੜ੍ਹਵਾ ਜ਼ਿਲ੍ਹੇ ਦੇ ਨਵਾਦਾ ਪਿੰਡ ਦੇ ਰਹਿਣ ਵਾਲੇ ਰਵੀ ਰੰਜਨ ਵਜੋਂ ਹੋਈ ਹੈ। ਡਰਾਈਵਰ ਤੋਂ ਪੁੱਛਗਿੱਛ ਦੌਰਾਨ ਉਸ ਨੇ ਆਪਣਾ ਨਾਮ ਹਰਪਾਲ ਸਿੰਘ ਵਾਸੀ ਪਿੰਡ ਨਢੌਰੀ ਫਤਿਹਾਬਾਦ ਦੱਸਿਆ। ਉਸ ਕੋਲ ਇੱਕ ਬੈਗ ਵੀ ਮਿਲਿਆ। ਟੀਮ ਨੇ ਉਪ ਪੁਲਿਸ ਕਪਤਾਨ ਗਜ਼ਟਿਡ ਅਫ਼ਸਰ ਮਹਿਮ ਦੇ ਸਾਹਮਣੇ ਗੱਡੀ ਅਤੇ ਬੈਗ ਦੀ ਤਲਾਸ਼ੀ ਲਈ ਗਈ।
ਰੰਜਨ, ਹਰਪਾਲ ਸਿੰਘ ਅਤੇ ਕਾਰ ਦੀ ਤਲਾਸ਼ੀ ਲਈ ਗਈ, ਪਰ ਕੋਈ ਨਸ਼ੀਲਾ ਪਦਾਰਥ ਬਰਾਮਦ ਨਹੀਂ ਹੋਇਆ। ਜਦੋਂ ਪਿੱਟੂ ਬੈਗ ਦੀ ਤਲਾਸ਼ੀ ਲਈ ਗਈ ਤਾਂ ਉਸ ਵਿੱਚੋਂ ਇੱਕ ਪਾਰਦਰਸ਼ੀ ਮੋਮੀ ਪੋਲੀਥੀਨ ਮਿਲਿਆ। ਜਦੋਂ ਜਾਂਚ ਕੀਤੀ ਗਈ ਤਾਂ ਉਸ ਵਿੱਚ 5 ਕਿਲੋ 800 ਗ੍ਰਾਮ ਅਫੀਮ ਸੀ। ਜਿਸ ਦੀ ਕੀਮਤ 15 ਲੱਖ ਤੋਂ ਵੱਧ ਹੈ। ਪੁੱਛਗਿੱਛ ਦੌਰਾਨ ਹਰਪਾਲ ਨੇ ਦੱਸਿਆ ਕਿ ਰਵੀ ਰੰਜਨ ਲਿਆਇਆ ਸੀ। ਇਸ ਤੋਂ ਬਾਅਦ ਦੋਵਾਂ ਨੂੰ ਫੜ ਲਿਆ ਗਿਆ ਅਤੇ ਰੋਹਤਕ ਦੇ ਅਰਬਨ ਅਸਟੇਟ ਥਾਣੇ ‘ਚ ਦੋਵਾਂ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
