ਐਟਲੀ ਦੀ ਫਿਲਮ ‘ਵੀਡੀ 18’ ਦੀ ਸ਼ੂਟਿੰਗ ਦੌਰਾਨ ਜ਼ਖਮੀ ਹੋਏ ਵਰੁਣ ਧਵਨ

‘ਬਵਾਲ’ ਵਿਚ ਧਮਾਲ ਕਰਨ ਦੇ ਬਾਅਦ ਵਰੁਣ ਧਵਨ ਹੁਣ ਆਪਣੇ ਅਪਕਮਿੰਗ ਪ੍ਰਾਜੈਕਟ ‘ਵੀਡੀ-18’ ਵਿਚ ਖੂਬ ਮਿਹਨਤ ਰਹੇ ਹਨ। ਬੀਤੇ ਦਿਨੀਂ ਉਨ੍ਹਾਂ ਨੂੰ ਐਟਲੀ ਨਾਲ ਮੁੰਬਈ ਵਿਚ ਦੇਖਿਆ ਗਿਆ। ਇਹ ਪਹਿਲੀ ਵਾਰ ਹੈ ਜਦੋਂ ਐਟਲੀ ਤੇ ਵਰੁਣ ਕਿਸੇ ਪ੍ਰਾਜੈਕਟ ਲਈ ਸਹਿਯੋਗ ਕਰ ਰਹੇ ਹਨ। ਵੀਡੀ-18 ਨੂੰ ਐਟਲੀ ਕੁਮਾਰ ਦੇ ਪ੍ਰੋਡਕਸ਼ਨ ਬੈਨਰ ਹੇਠ ਬਣਾਇਆ ਜਾ ਰਿਹਾ ਹੈ। ਇਸ ਦਾ ਡਾਇਰੈਕਸ਼ਨ ਕਲੀਸ ਕਰ ਰਹੇ ਹਨ। ਬੀਤੇ ਦਿਨੀਂ ‘ਵੀਡੀ-18’ ਦੀ ਸ਼ੂਟਿੰਗ ਸ਼ੁਰੂ ਹੋਣ ਦੀ ਜਾਣਕਾਰੀ ਸਾਹਮਣੇ ਆਈ ਸੀ ਤੇ ਨਾਲ ਹੀ ਸੈੱਟ ‘ਤੇ ਵਰੁਣ ਧਵਨ ਦੇ ਜ਼ਖਮੀ ਹੋਣ ਦੀ ਵੀ ਖਬਰ ਹੈ। ਜਿਸ ਨਾਲ ਫੈਨਸ ਦੀ ਚਿੰਤਾ ਵਧ ਗਈ ਹੈ।

ਵਰੁਣ ਧਵਨ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਤੇ ਇਕ ਫੋਟੋ ਸਾਂਝੀ ਕਰਕੇ ਖੁਦ ਦੇ ਜ਼ਖਮੀ ਹੋਣ ਦੀ ਜਾਣਕਾਰੀ ਦਿੱਤੀ। ਫੋਟੋ ਵਿਚ ਐਕਟਰ ਦੇ ਸਰੀਰ ਦਾ ਉਪਰੀ ਅੱਧਾ ਹਿੱਸਾ ਨਜ਼ਰ ਆ ਰਿਹਾ ਹੈ ਤੇ ਉਸ ਨੇ ਆਪਣੀ ਖੱਬੀ ਕੂਹਣੀ ‘ਤੇ ਲਾਲ ਜ਼ਖਮ ਦਿਖਾਉਣ ਲਈ ਆਪਣਾ ਹੱਥ ਮੋੜਿਆ ਹੋਇਆ ਹੈ। ਫੋਟੋ ਸ਼ੇਅਰ ਕਰਦੇ ਹੋਏ ਵਰੁਣ ਧਵਨ ਨੇ ਕੈਪਸ਼ਨ ਵਿਚ ਲਿਖਿਆ ‘ਕੋਈ ਦਰਦ ਨਹੀਂ, ਕੋਈ ਫਾਇਦਾ ਨਹੀਂ। ਵੀਡੀ-18’। ਫੋਟੋ ਦੇਖ ਕੇ ਇੰਝ ਲੱਗ ਰਿਹਾ ਹੈ ਕਿ ਫਿਲਮ ਦੀ ਸ਼ੂਟਿੰਗ ਦੌਰਾਨ ਵਰੁਣ ਜ਼ਖਮੀ ਹੋ ਗਏ ਹੋਣਗੇ।

ਇਹ ਵੀ ਪੜ੍ਹੋ : Apple ਬੰਦ ਕਰਨ ਜਾ ਰਿਹਾ ਹੈ ਇਹ ਸਰਵਿਸ, iPhone, iPad ਯੂਜ਼ਰਸ ਨੂੰ ਹੁਣ ਨਹੀਂ ਮਿਲੇਗਾ ਫੀਚਰ

ਤਮਿਲ ਫਿਲਮ ਨਿਰਮਾਤਾ ਕਲੀਸ ਐਕਸ਼ਨ ਨਾਲ ਭਰਪੂਰ ਮਨੋਰੰਜਕ ਫਿਲਮ ‘ਵੀਡੀ 18’ ਦਾ ਡਾਇਰੈਕਸ਼ਨ ਕਰ ਰਹੇ ਹਨ ਜੋ ਡਾਇਰੈਕਟਰ ਐਟਲੀ ਤੇ ਨਿਰਮਾਤਾ ਮੁਰਾਦ ਖੇਤਾਨੀ ਵੱਲੋਂ ਬਣਾਈ ਜਾ ਰਹੀ ਹੈ। ਇਸ ਫਿਲਮ ਨਾਲ ਕੀਰਤੀ ਸੁਰੇਸ਼ ਦੀ ਬਾਲੀਵੁੱਡ ਵਿਚ ਐਂਟਰੀ ਹੋਵੇਗੀ। ‘ਵੀਡੀ 18’ ਦੀ ਰਿਲੀਜ਼ ਡੇਟ 31 ਮਈ 2024 ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “