ਨਿੱਜੀ ਸੈਕਟਰ ਦੇ ਚੌਥੇ ਸਭ ਤੋਂ ਵੱਡੇ ਬੈਂਕ ਕੋਟਕ ਮਹਿੰਦਰਾ ਨੂੰ ਨਵਾਂ ਮੁਖੀ ਮਿਲ ਗਿਆ ਹੈ। ਰਿਜ਼ਰਵ ਬੈਂਕ (RBI) ਨੇ ਦੀਪਕ ਗੁਪਤਾ ਨੂੰ ਬੈਂਕ ਦਾ ਨਵਾਂ ਪ੍ਰਬੰਧ ਨਿਰਦੇਸ਼ਕ (MD) ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ (CEO) ਨਿਯੁਕਤ ਕੀਤਾ ਹੈ। ਹਾਲਾਂਕਿ ਇਹ ਉਨ੍ਹਾਂ ਦੀ ਅੰਤਰਿਮ ਨਿਯੁਕਤੀ ਹੈ ਅਤੇ ਦੀਪਕ ਨੂੰ ਸਿਰਫ਼ 2 ਮਹੀਨਿਆਂ ਲਈ ਹੀ ਇਹ ਚਾਰਜ ਦਿੱਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਮਹੀਨੇ ਦੀ ਸ਼ੁਰੂਆਤ ‘ਚ ਉਦੈ ਕੋਟਕ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਸੀ।
ਕੋਟਕ ਮਹਿੰਦਰਾ ਬੈਂਕ ਨੇ ਸ਼ੁੱਕਰਵਾਰ ਨੂੰ ਆਪਣੀ ਰੈਗੂਲੇਟਰੀ ਫਾਈਲਿੰਗ ‘ਚ ਕਿਹਾ ਕਿ ਆਰਬੀਆਈ ਨੇ ਦੀਪਕ ਗੁਪਤਾ ਨੂੰ 2 ਮਹੀਨੇ ਦੀ ਮਿਆਦ ਲਈ ਨਿਯੁਕਤ ਕੀਤਾ ਹੈ, ਜੋ ਕਿ 2 ਸਤੰਬਰ ਤੋਂ ਲਾਗੂ ਹੋ ਗਿਆ ਹੈ। ਇਸ ਤੋਂ ਪਹਿਲਾਂ 1 ਸਤੰਬਰ ਨੂੰ ਉਦੈ ਕੋਟਕ ਨੇ ਆਪਣੇ ਕਾਰਜਕਾਲ ਦੀ ਸਮਾਪਤੀ ਤੋਂ ਚਾਰ ਮਹੀਨੇ ਪਹਿਲਾਂ MD-CEO ਦੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਸੀ। ਉਨ੍ਹਾਂ ਦਾ ਕਾਰਜਕਾਲ 31 ਦਸੰਬਰ 2023 ਨੂੰ ਖਤਮ ਹੋਣਾ ਸੀ।
ਦੀਪਕ ਗੁਪਤਾ ਨੂੰ ਬੈਂਕਿੰਗ ਖੇਤਰ ਵਿੱਚ ਲੰਮਾ ਤਜਰਬਾ ਹੈ ਅਤੇ ਉਹ 1999 ਤੋਂ ਕੋਟਕ ਬੈਂਕ ਨਾਲ ਇੱਕ ਐਸੋਸੀਏਟ ਦੇ ਰੂਪ ਵਿੱਚ ਜੁੜੇ ਹੋਏ ਹਨ। ਫਿਰ ਉਹ ਕੋਟਕ ਮਹਿੰਦਰਾ ਫਾਈਨਾਂਸ ਲਿਮਟਿਡ ਵਿੱਚ ਕਾਰਜਕਾਰੀ ਨਿਰਦੇਸ਼ਕ ਵਜੋਂ ਸ਼ਾਮਲ ਹੋਏ। ਉਨ੍ਹਾਂ ਨੇ ਕੋਟਕ ਦੇ ਪ੍ਰਚੂਨ ਕਾਰੋਬਾਰ ਨੂੰ ਵਧਾਉਣ ਅਤੇ 2003 ਵਿੱਚ ਕੋਟਕ ਲਈ ਬੈਂਕਿੰਗ ਲਾਇਸੈਂਸ ਪ੍ਰਾਪਤ ਕਰਨ ਵਿੱਚ ਵੀ ਵੱਡੀ ਭੂਮਿਕਾ ਨਿਭਾਈ। ਕੋਟਕ ਗਰੁੱਪ ਵਿੱਚ ਸ਼ਾਮਲ ਹੋਣ ਤੋਂ ਪਹਿਲਾਂ ਦੀਪਕ ਗੁਪਤਾ ਨੇ AF Ferguson ਵਿੱਚ ਕੰਸਲਟੈਂਸੀ ਡਿਵੀਜ਼ਨ ਵਜੋਂ ਕੰਮ ਕੀਤਾ।
ਇੰਨਾ ਹੀ ਨਹੀਂ ਬੈਂਕ ਦੇ ਆਈਟੀ ਸੈਕਟਰ ਦੀ ਜ਼ਿੰਮੇਵਾਰੀ ਦੇ ਨਾਲ-ਨਾਲ ਗੁਪਤਾ ਸਾਈਬਰ ਸੁਰੱਖਿਆ, ਗਾਹਕ ਤਜ਼ਰਬਾ ਅਤੇ ਕਾਰੋਬਾਰੀ ਖੁਫੀਆ ਜਾਣਕਾਰੀ ਵਰਗੇ ਕੰਮ ਲਈ ਵੀ ਜ਼ਿੰਮੇਵਾਰ ਹਨ। ਦੀਪਕ ਗੁਪਤਾ ਨੇ 1983 ਵਿੱਚ ਬਨਾਰਸ ਹਿੰਦੂ ਯੂਨੀਵਰਸਿਟੀ ਤੋਂ ਇਲੈਕਟ੍ਰਾਨਿਕਸ ਵਿੱਚ ਇੰਜੀਨੀਅਰਿੰਗ ਕੀਤੀ। ਇਸ ਤੋਂ ਬਾਅਦ 1985 ਵਿੱਚ ਉਸਨੇ IIM ਅਹਿਮਦਾਬਾਦ ਤੋਂ ਮੈਨੇਜਮੈਂਟ ਵਿੱਚ ਪੀ.ਜੀ. ਕੀਤਾ ਸੀ।
ਇਹ ਵੀ ਪੜ੍ਹੋ : ਸੁਨਾਮ ‘ਚ ਕਾਂਗਰਸ ਨੂੰ ਵੱਡਾ ਝਟਕਾ, 30 ਸਾਲਾਂ ਤੋਂ ਪਾਰਟੀ ਨਾਲ ਜੁੜੇ ਸੰਜੇ ਗੋਇਲ BJP ‘ਚ ਸ਼ਾਮਲ
ਕੋਟਕ ਮਹਿੰਦਰਾ ਬੈਂਕ ਦੇ ਦੋ ਡਾਇਰੈਕਟਰ ਇਸ ਸਮੇਂ ਸਥਾਈ ਆਧਾਰ ‘ਤੇ ਐਮਡੀ-ਸੀਈਓ ਬਣਨ ਦੀ ਦੌੜ ਵਿੱਚ ਹਨ। ਐਮਡੀ-ਸੀਈਓ ਦੇ ਅਹੁਦੇ ਲਈ ਕੇਵੀਐਸ ਮਨੀਅਨ ਅਤੇ ਸ਼ਾਂਤੀ ਏਕੰਬਰਮ ਦੇ ਨਾਂ ਅੱਗੇ ਆ ਰਹੇ ਹਨ। ਬੈਂਕ ਨੂੰ 1 ਜਨਵਰੀ, 2024 ਤੋਂ ਸਥਾਈ ਆਧਾਰ ‘ਤੇ MD-CEO ਨਿਯੁਕਤ ਕਰਨਾ ਹੋਵੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
ਜਗਰਾਤੇ ਵਾਲੀ ਵੀਡੀਓ ਦੇ ਵਿਵਾਦ ਤੋਂ ਬਾਅਦ ਮਾਸਟਰ ਸਲੀਮ ਦਾ ਪਹਿਲਾ Interview, ਘੱਨਈਆ ਮਿੱਤਲ ਦੇ ਕੱਲੇ-ਕੱਲੇ ਸਵਾਲਾਂ ਦੇ ਦਿੱਤੇ ਠੋਕਵੇਂ ਜਵਾਬ…
