ਉੱਤਰ-ਪੂਰਬੀ ਦਿੱਲੀ ਦੇ ਨੰਦ ਨਗਰੀ ਇਲਾਕੇ ਵਿੱਚ ਸਿਰਫ਼ ਪ੍ਰਸ਼ਾਦ ਚੁੱਕਣ ਅਤੇ ਖਾਣ ਲਈ ਇੱਕ ਨੌਜਵਾਨ ਨੂੰ ਖੰਭੇ ਨਾਲ ਬੰਨ੍ਹ ਕੇ ਡੰਡਿਆਂ ਨਾਲ ਬੁਰੀ ਤਰ੍ਹਾਂ ਕੁੱਟਿਆ ਗਿਆ। 10-12 ਮੁੰਡੇ ਨੌਜਵਾਨ ਨੂੰ ਜਾਨਵਰਾਂ ਵਾਂਗ ਕੁੱਟਦੇ ਰਹੇ। ਇਸ ਦੌਰਾਨ ਨੌਜਵਾਨ ਰਹਿਮ ਦੀ ਭੀਖ ਮੰਗਦਾ ਰਿਹਾ, ਪਰ ਕੋਈ ਨਹੀਂ ਹਟਿਆ। ਸਾਰੇ ਮੁਲਜ਼ਮ ਨੌਜਵਾਨ ਨੂੰ ਅੱਧਮੋਈ ਹਾਲਤ ਵਿੱਚ ਛੱਡ ਕੇ ਫਰਾਰ ਹੋ ਗਏ।
ਦੁਪਹਿਰ ਵੇਲੇ ਇੱਕ ਗੁਆਂਢੀ ਪੀੜਤ ਮੁਹੰਮਦ ਇਸਹਾਕ ਉਰਫ਼ ਈਸਰ (22) ਨੂੰ ਆਪਣੇ ਘਰ ਲੈ ਆਇਆ। ਈਸਰ ਨੇ ਰੋਂਦੇ ਹੋਏ ਆਪਣੇ ਪਰਿਵਾਰਕ ਵਾਲਿਆਂ ਨੂੰ ਸਾਰੀ ਗੱਲ ਦੱਸੀ। ਜ਼ਿਆਦਾ ਕੁੱਟਮਾਰ ਕਾਰਨ ਈਸਰ ਦੀ ਕੁਝ ਸਮੇਂ ਬਾਅਦ ਘਰ ‘ਚ ਹੀ ਮੌਤ ਹੋ ਗਈ। ਮਾਮਲੇ ਦੀ ਸੂਚਨਾ ਦੇਰ ਰਾਤ ਪੁਲਿਸ ਨੂੰ ਦਿੱਤੀ ਗਈ। ਜਦੋਂ ਜਾਂਚ ਕੀਤੀ ਗਈ ਤਾਂ ਘਟਨਾ ਦਾ ਪਤਾ ਲੱਗਾ।
ਘਟਨਾ ਦੀ ਇੱਕ ਵੀਡੀਓ ਵਾਇਰਲ ਹੋ ਗਈ ਹੈ। ਇਸ ਤੋਂ ਬਾਅਦ ਇਲਾਕੇ ‘ਚ ਤਣਾਅ ਪੈਦਾ ਹੋ ਗਿਆ। ਅਹਿਤਿਆਤ ਵਜੋਂ ਇਲਾਕੇ ਵਿੱਚ ਵਾਧੂ ਸੁਰੱਖਿਆ ਬਲ ਤਾਇਨਾਤ ਕੀਤੇ ਗਏ ਹਨ। ਸ਼ੁਰੂਆਤੀ ਜਾਂਚ ਤੋਂ ਬਾਅਦ ਪਤਾ ਲੱਗਾ ਕਿ ਈਸਰ ਨੇ ਘਰ ਤੋਂ ਕੁਝ ਦੂਰੀ ‘ਤੇ ਸਥਿਤ ਗਣੇਸ਼ ਪੰਡਾਲ ਤੋਂ ਪ੍ਰਸ਼ਾਦ ਖਾਧਾ ਸੀ। ਇਸੇ ਕਾਰਨ ਉਸ ਨੂੰ ਬੰਨ੍ਹ ਕੇ ਕੁੱਟਿਆ ਗਿਆ।
ਮਾਮਲੇ ਦੀ ਜਾਂਚ ਜਾਰੀ ਹੈ। ਦੋਸ਼ੀਆਂ ਦੀ ਪਛਾਣ ਕਰ ਲਈ ਗਈ ਹੈ ਅਤੇ ਜਲਦੀ ਹੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ। ਪੁਲਿਸ ਮੁਤਾਬਕ ਈਸਰ ਮੂਲ ਰੂਪ ‘ਚ ਧਾਮਪੁਰ, ਬਿਜਨੌਰ, ਯੂ.ਪੀ ਦਾ ਰਹਿਣ ਵਾਲਾ ਹੈ ਅਤੇ ਆਪਣੇ ਪਰਿਵਾਰ ਨਾਲ ਈ-57/ਬੀ352, ਸੁੰਦਰ ਨਗਰੀ ‘ਚ ਰਹਿੰਦਾ ਸੀ। ਉਸਦੇ ਪਰਿਵਾਰ ਵਿੱਚ ਬਜ਼ੁਰਗ ਪਿਤਾ ਅਬਦੁਲ ਵਾਜਿਦ, ਚਾਰ ਭੈਣਾਂ ਇਮਰਾਨਾ, ਨਿਆਬ, ਸਮਰੀਨ ਅਤੇ ਉਜ਼ਮਾ ਸ਼ਾਮਲ ਹਨ। ਈਸਰ ਦੇ ਪਿਤਾ ਇਲਾਕੇ ਵਿੱਚ ਫਲ ਵੇਚਣ ਦਾ ਕੰਮ ਕਰਦੇ ਹਨ। ਮਾਂ ਸਾਬਰੀ ਦੀ ਕਈ ਸਾਲ ਪਹਿਲਾਂ ਮੌਤ ਹੋ ਗਈ ਸੀ।
ਉਹ ਖੁਦ ਮਜ਼ਦੂਰ ਵਜੋਂ ਕੰਮ ਕਰਦਾ ਸੀ। ਈਸਰ ਦੀ ਭੈਣ ਨੇ ਦੱਸਿਆ ਕਿ ਉਹ ਮੰਗਲਵਾਰ ਸਵੇਰੇ ਘਰੋਂ ਨਿਕਲਿਆ ਸੀ। ਇਸ ਦੌਰਾਨ ਸਵੇਰੇ ਪੰਜ ਵਜੇ ਦੇ ਕਰੀਬ ਉਹ ਘਰ ਤੋਂ ਕੁਝ ਕਦਮਾਂ ਦੀ ਦੂਰੀ ‘ਤੇ ਸਥਿਤ ਜੀ-4 ਬਲਾਕ ‘ਚ ਪਹੁੰਚ ਗਿਆ। ਇੱਥੇ ਗਣੇਸ਼ ਪੰਡਾਲ ਲਗਾਇਆ ਗਿਆ। ਈਸਰ ਨੇ ਗਣੇਸ਼ ਪੰਡਾਲ ਵਿੱਚੋਂ ਇੱਕ ਕੇਲਾ ਚੁੱਕ ਕੇ ਖਾ ਲਿਆ। ਉਥੇ ਮੌਜੂਦ ਮੁੰਡਿਆਂ ਨੇ ਜਦੋਂ ਈਸਰ ਨੂੰ ਪ੍ਰਸ਼ਾਦ ਚੁੱਕ ਕੇ ਖਾਂਦੇ ਦੇਖਿਆ ਤਾਂ ਉਨ੍ਹਾਂ ਨੂੰ ਗੁੱਸਾ ਆ ਗਿਆ।
ਇਨ੍ਹਾਂ ਲੋਕਾਂ ਨੇ ਉਸ ਨੂੰ ਫੜ ਲਿਆ ਅਤੇ ਉੱਥੇ ਇੱਕ ਖੰਭੇ ਨਾਲ ਬੰਨ੍ਹ ਦਿੱਤਾ। ਇਸ ਤੋਂ ਬਾਅਦ ਉਸ ਨੂੰ ਡੰਡਿਆਂ ਨਾਲ ਕੁੱਟਿਆ ਗਿਆ। ਉੱਥੇ ਮੌਜੂਦ ਕੁਝ ਮੁੰਡੇ ਕੁੱਟਮਾਰ ਦੀ ਵੀਡੀਓ ਵੀ ਬਣਾਉਂਦੇ ਰਹੇ, ਜਿਨ੍ਹਾਂ ਵਿੱਚੋਂ ਇੱਕ ਵਾਇਰਲ ਹੋ ਗਿਆ। ਇੱਥੇ ਈਸਰ ਨੂੰ ਅੱਧਮੋਈ ਹਾਲਤ ‘ਚ ਸੜਕ ‘ਤੇ ਸੁੱਟ ਦਿੱਤਾ ਗਿਆ। ਦੁਪਹਿਰ ਵੇਲੇ ਜਦੋਂ ਗੁਆਂਢੀ ਲੜਕਾ ਆਮਿਰ ਉਥੋਂ ਲੰਘਿਆ ਤਾਂ ਈਸਰ ਨੇ ਉਸ ਨੂੰ ਬੁਲਾ ਕੇ ਰੋਕ ਲਿਆ। ਬਾਅਦ ‘ਚ ਆਮਿਰ ਉਸ ਨੂੰ ਈ-ਰਿਕਸ਼ਾ ‘ਚ ਘਰ ਲੈ ਆਇਆ। ਮੋ. ਇਸਹਾਕ ਉਰਫ ਈਸਰ ਚਾਰ ਭੈਣਾਂ ਦਾ ਇਕਲੌਤਾ ਭਰਾ ਸੀ। ਉਸ ਦੀ ਮੌਤ ਤੋਂ ਬਾਅਦ ਪਰਿਵਾਰਕ ਮੈਂਬਰਾਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਪਰਿਵਾਰ ਦੇ ਇੱਕ ਮੈਂਬਰ ਨੇ ਦੱਸਿਆ ਕਿ ਈਸਰ ਬਹੁਤ ਹੀ ਸਾਦਾ ਅਤੇ ਮਾਸੂਮ ਸੀ।
ਇਹ ਵੀ ਪੜ੍ਹੋ : ਮੇਜਰ ਤੇ ਪਤਨੀ ਨੇ ਨਾਬਾਲਗਾ ਨਾਲ ਕੀਤਾ ਕਸਾਈਆਂ ਵਰਗਾ ਸਲੂਕ! ਘਰਦਿਆਂ ਤੋਂ ਪਛਾਣਨੀ ਵੀ ਹੋਈ ਔਖੀ
ਇਸ ਦੌਰਾਨ ਜਦੋਂ ਇਸਰ ਦੇ ਪਿਤਾ ਵਾਜਿਦ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਹ ਘਰ ਪਹੁੰਚ ਗਏ। ਸ਼ਾਮ ਕਰੀਬ 6.30 ਵਜੇ ਈਸਰ ਨੇ ਰੋਂਦੇ ਹੋਏ ਆਪਣੇ ਪਿਤਾ ਨੂੰ ਕੁਝ ਮੁਡਿਆਂ ਦੇ ਨਾਂ ਦੱਸੇ। ਸ਼ਾਮ 7 ਵਜੇ ਉਸ ਦੀ ਮੌਤ ਹੋ ਗਈ। ਘਟਨਾ ਬਾਰੇ ਜਦੋਂ ਸਥਾਨਕ ਲੋਕਾਂ ਨੂੰ ਪਤਾ ਲੱਗਾ ਤਾਂ ਉਨ੍ਹਾਂ ਪੁਲਿਸ ਨੂੰ ਸੂਚਿਤ ਕਰਨ ਦੀ ਗੱਲ ਆਖੀ। ਰਾਤ ਕਰੀਬ 11.45 ਵਜੇ ਮਾਮਲੇ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਗਈ। ਮੌਕੇ ‘ਤੇ ਪਹੁੰਚੀ ਪੁਲਿਸ ਨੇ ਈਸਰ ਦੀ ਲਾਸ਼ ਨੂੰ ਕਬਜ਼ੇ ‘ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ। ਕ੍ਰਾਈਮ ਟੀਮ ਅਤੇ ਐਫਐਸਐਲ ਨੇ ਜੀ-4 ਵਿੱਚ ਜਾ ਕੇ ਘਟਨਾ ਵਾਲੀ ਥਾਂ ਤੋਂ ਸਬੂਤ ਇਕੱਠੇ ਕੀਤੇ। ਈਸਰ ਦੀ ਲਾਸ਼ ਬੁੱਧਵਾਰ ਨੂੰ ਪੋਸਟਮਾਰਟਮ ਤੋਂ ਬਾਅਦ ਪਰਿਵਾਰ ਨੂੰ ਸੌਂਪ ਦਿੱਤੀ ਗਈ। ਪੁਲਿਸ ਮੁਲਜ਼ਮ ਦੀ ਭਾਲ ਕਰ ਰਹੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
ਜੇ ਤੁਸੀਂ ਇਥੇ ਇਕ ਵਾਰੀ ਚਲੇ ਗਏ ਤਾਂ ਉਂਗਲਾਂ ਤੱਕ ਚੱਟ ਜਾਉਗੇ, ਇਕੋ ਜਗ੍ਹਾ ‘ਤੇ ਮੌਜੂਦ ਹੈ ਹਰ ਤਰ੍ਹਾਂ ਦੀ Dish
