PM ਮੋਦੀ ਦਾ ਲਿਖਿਆ ‘ਗਰਬਾ ਗੀਤ’ ਹੋਇਆ ਰਿਲੀਜ਼, ਕੰਗਨਾ ਰਣੌਤ ਨੇ ਦਿੱਤੀ ਆਪਣੀ ਪ੍ਰਤੀਕਿਰਿਆ

PM Modi Garba Song: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਗਰਬਾ ਗੀਤ ਰਿਲੀਜ਼ ਹੋ ਗਿਆ ਹੈ। ਪੀਐਮ ਮੋਦੀ ਦੇ ਲਿਖੇ ਇਸ ਖਾਸ ਗੀਤ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ। ਬਾਲੀਵੁੱਡ ਦੇ ਸਿਤਾਰੇ ਵੀ ਉਨ੍ਹਾਂ ਦੀ ਤਾਰੀਫ ਕਰ ਰਹੇ ਹਨ। ਬਾਲੀਵੁੱਡ ਦੀ ਕੁਈਨ ਅਭਿਨੇਤਰੀ ਕੰਗਨਾ ਰਣੌਤ ਨੇ ਵੀ ਪੀਐਮ ਮੋਦੀ ਦੇ ਲਿਖੇ ਗੀਤ ‘ਤੇ ਆਪਣਾ ਪਿਆਰ ਜਤਾਇਆ ਹੈ ਅਤੇ ਖੂਬਸੂਰਤ ਗੀਤ ਲਿਖਣ ਲਈ ਉਨ੍ਹਾਂ ਦੀ ਤਾਰੀਫ ਕੀਤੀ ਹੈ।

ਕੰਗਨਾ ਨੇ ਆਪਣੇ ਐਕਸ ਪਲੇਟਫਾਰਮ ‘ਤੇ ਲਿਖਿਆ, ‘ਕਿੰਨਾ ਖੂਬਸੂਰਤ ਹੈ। ਭਾਵੇਂ ਇਹ ਅਟਲ ਜੀ ਦੀਆਂ ਕਵਿਤਾਵਾਂ ਹੋਣ ਜਾਂ ਨਰਿੰਦਰ ਮੋਦੀ ਜੀ ਦੇ ਗੀਤ/ਕਵਿਤਾਵਾਂ ਅਤੇ ਕਹਾਣੀਆਂ, ਸਾਡੇ ਨਾਇਕਾਂ ਨੂੰ ਸੁੰਦਰਤਾ ਅਤੇ ਕਲਾ ਵਿੱਚ ਡੁੱਬੇ ਦੇਖਣਾ ਹਮੇਸ਼ਾ ਦਿਲ ਨੂੰ ਛੂਹ ਜਾਂਦਾ ਹੈ। #Navratri2023 ਗਰਬਾ ਸਾਰੇ ਕਲਾਕਾਰਾਂ ਲਈ ਬਹੁਤ ਪ੍ਰੇਰਨਾਦਾਇਕ ਹੁੰਦਾ ਹੈ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਗਾਇਕਾ ਧਵਾਨੀ ਭਾਨੁਸ਼ਾਲੀ ਪੀਐਮ ਮੋਦੀ ਦੇ ਲਿਖੇ ਗਰਬਾ ਗੀਤ ਦਾ ਮਿਊਜ਼ਿਕ ਵੀਡੀਓ ਆਪਣੇ ਐਕਸ ਅਕਾਊਂਟ ‘ਤੇ ਸ਼ੇਅਰ ਕਰ ਚੁੱਕੀ ਹੈ। ਇਸ ਦੇ ਨਾਲ ਉਸਨੇ ਲਿਖਿਆ – ‘ਪਿਆਰੇ ਨਰਿੰਦਰ ਮੋਦੀ ਜੀ, ਤਨਿਸ਼ਕ ਬਾਗਚੀ ਅਤੇ ਮੈਨੂੰ ਤੁਹਾਡੇ ਦੁਆਰਾ ਲਿਖਿਆ ਗਿਆ ਗਰਬਾ ਬਹੁਤ ਪਸੰਦ ਆਇਆ ਅਤੇ ਅਸੀਂ ਇੱਕ ਨਵੀਂ ਤਾਲ, ਰਚਨਾ ਅਤੇ ਸੁਆਦ ਨਾਲ ਇੱਕ ਗੀਤ ਬਣਾਉਣਾ ਚਾਹੁੰਦੇ ਸੀ। ਜਸਟ ਮਿਊਜ਼ਿਕ ਨੇ ਇਸ ਗੀਤ ਅਤੇ ਵੀਡੀਓ ਨੂੰ ਜ਼ਿੰਦਾ ਕਰਨ ਵਿੱਚ ਸਾਡੀ ਮਦਦ ਕੀਤੀ।

How beautiful, whether it’s Atal ji’s poems or @narendramodi ji’s songs/poems and story telling, always heart warming to see our tough heroes indulging in the beauty and tenderness of art #Navratri2023 #garba
Very inspiring for all artists 🥰🙏 https://t.co/AaFPo0SwIX

— Kangana Ranaut (@KanganaTeam) October 14, 2023

ਧਵਾਨੀ ਭਾਨੁਸ਼ਾਲੀ ਦੀ ਪੋਸਟ ਦਾ ਜਵਾਬ ਦਿੰਦੇ ਹੋਏ ਪੀਐਮ ਮੋਦੀ ਨੇ ਲਿਖਿਆ ਸੀ – ‘ਧਵਾਨੀ ਭਾਨੁਸ਼ਾਲੀ, ਤਨਿਸ਼ਕ ਬਾਗਚੀ ਅਤੇ ਜਸਟ ਮਿਊਜ਼ਿਕ ਦੀ ਟੀਮ ਦਾ ਧੰਨਵਾਦ। ਗਰਬਾ ਦੀ ਇਸ ਪਿਆਰੀ ਪੇਸ਼ਕਾਰੀ ਲਈ ਜੋ ਮੈਂ ਕਈ ਸਾਲ ਪਹਿਲਾਂ ਲਿਖਿਆ ਸੀ! ਇਹ ਬਹੁਤ ਸਾਰੀਆਂ ਯਾਦਾਂ ਵਾਪਸ ਲਿਆਉਂਦਾ ਹੈ। ਮੈਂ ਕਈ ਸਾਲਾਂ ਤੋਂ ਨਹੀਂ ਲਿਖਿਆ, ਪਰ ਪਿਛਲੇ ਕੁਝ ਦਿਨਾਂ ਵਿੱਚ ਮੈਂ ਇੱਕ ਨਵਾਂ ਗਰਬਾ ਲਿਖਣ ਵਿੱਚ ਕਾਮਯਾਬ ਹੋਇਆ, ਜੋ ਮੈਂ ਨਵਰਾਤਰੀ ਦੌਰਾਨ ਸਾਂਝਾ ਕਰਾਂਗਾ। ਕੰਗਨਾ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਹ ਜਲਦ ਹੀ ਫਿਲਮ ‘ਤੇਜਸ’ ‘ਚ ਨਜ਼ਰ ਆਵੇਗੀ। ਉਨ੍ਹਾਂ ਦੀ ਇਹ ਫਿਲਮ ਇਸ ਸਾਲ 27 ਅਕਤੂਬਰ ਨੂੰ ਰਿਲੀਜ਼ ਹੋਣ ਲਈ ਤਿਆਰ ਹੈ। ਇਸ ਤੋਂ ਬਾਅਦ ਉਹ ਇਸ ਸਾਲ 24 ਨਵੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਣ ਵਾਲੀ ਫਿਲਮ ‘ਐਮਰਜੈਂਸੀ’ ‘ਚ ਨਜ਼ਰ ਆਵੇਗੀ।