‘Indian 2’ ਦੀ ਪਹਿਲੀ ਝਲਕ ਆਈ ਸਾਹਮਣੇ, ਇਸ ਦਿਨ ਰਿਲੀਜ਼ ਹੋਵੇਗਾ ਟੀਜ਼ਰ

Indian2 Teaser out date: 1996 ਦੀ ਫਿਲਮ ‘ਇੰਡੀਅਨ’ ਕਮਲ ਹਾਸਨ ਦੇ ਕਰੀਅਰ ਦੀ ਸਭ ਤੋਂ ਵਧੀਆ ਫਿਲਮਾਂ ਵਿੱਚੋਂ ਇੱਕ ਹੈ। ਫਿਲਮ ਵਿੱਚ ਮਨੀਸ਼ਾ ਕੋਇਰਾਲਾ ਅਤੇ ਉਰਮਿਲਾ ਮਾਤੋਂਡਕਰ ਨੇ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ। ਇਹ ਫਿਲਮ ਬਾਕਸ ਆਫਿਸ ‘ਤੇ ਵੀ ਹਿੱਟ ਰਹੀ ਸੀ। ‘ਇੰਡੀਅਨ’ ਦੇ 27 ਸਾਲ ਬਾਅਦ ਕਮਲ ਹਾਸਨ ‘ਇੰਡੀਅਨ 2’ ‘ਚ ਹਲਚਲ ਮਚਾਉਣ ਜਾ ਰਹੇ ਹਨ ।

ਕਮਲ ਹਾਸਨ ਸਟਾਰਰ ਫਿਲਮ ‘ਇੰਡੀਅਨ 2’ ਦੀ ਘੋਸ਼ਣਾ ਦੇ ਬਾਅਦ ਤੋਂ ਹੀ ਇਸ ਫਿਲਮ ਨੂੰ ਲੈ ਕੇ ਪ੍ਰਸ਼ੰਸਕਾਂ ‘ਚ ਕਾਫੀ ਕ੍ਰੇਜ਼ ਹੈ। ਪੋਸਟਰ ਨੂੰ ਲੈ ਕੇ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਦਿਨੋ-ਦਿਨ ਵਧਦਾ ਗਿਆ। ਹੁਣ ਫਿਲਮ ਦਾ ਇੱਕ ਨਵਾਂ ਪੋਸਟਰ ਜਾਰੀ ਕਰਕੇ ਇੱਕ ਵੱਡਾ ਅਪਡੇਟ ਸ਼ੇਅਰ ਕੀਤਾ ਗਿਆ ਹੈ, ਜੋ ਯਕੀਨਨ ਪ੍ਰਸ਼ੰਸਕਾਂ ਦੇ ਚਿਹਰਿਆਂ ‘ਤੇ ਮੁਸਕਰਾਹਟ ਲਿਆਵੇਗਾ। ਐੱਸ. ਸ਼ੰਕਰ ਦੁਆਰਾ ਨਿਰਦੇਸ਼ਿਤ ‘ਇੰਡੀਅਨ 2’ ਦੀ ਪਹਿਲੀ ਝਲਕ ਦੇਖਣ ਲਈ ਪ੍ਰਸ਼ੰਸਕ ਬੇਤਾਬ ਹਨ। 29 ਅਕਤੂਬਰ 2023 ਨੂੰ ਨਿਰਦੇਸ਼ਕ ਨੇ ਇੱਕ ਪੋਸਟਰ ਰਿਲੀਜ਼ ਕਰਕੇ ਇੱਕ ਖੁਸ਼ਖਬਰੀ ਦਿੱਤੀ ਹੈ। ‘ ਇੰਡੀਅਨ 2 ‘ ਦੀ ਪਹਿਲੀ ਝਲਕ 3 ਨਵੰਬਰ 2023 ਨੂੰ ਦਿਖਾਈ ਜਾਵੇਗੀ। ਹੁਣ ਇਹ ਟੀਜ਼ਰ ਹੋਵੇਗਾ ਜਾਂ ਟ੍ਰੇਲਰ, ਇਹ ਤਾਂ 3 ਨਵੰਬਰ ਨੂੰ ਹੀ ਪਤਾ ਲੱਗੇਗਾ।

Indian 2 An INTRO @ikamalhaasan @anirudhofficial #siddharth @MsKajalAggarwal @Rakulpreet @iam_SJSuryah #vivek @actorsimha #nedumudivenu @thondankani @priya_Bshankar #manobala @GulshanGroverGG #piyushmisra #bramhamanandam pic.twitter.com/g49V8HvqSM

— Shankar Shanmugham (@shankarshanmugh) October 29, 2023

ਪੋਸਟਰ ਦੀ ਗੱਲ ਕਰੀਏ ਤਾਂ ‘ ਇੰਡੀਅਨ 2 ‘ ਦਾ ਇਹ ਪੋਸਟਰ ਉਸ ਦੀ ਆਉਣ ਵਾਲੀ ਫਿਲਮ ਬਾਰੇ ਬਹੁਤ ਕੁਝ ਦੱਸ ਰਿਹਾ ਹੈ। ਇੰਨਾ ਹੀ ਨਹੀਂ ਟਵੀਟ ਦੇ ਨਾਲ ਫਿਲਮ ਦੇ ਪੂਰੇ ਨਾਂ ਦਾ ਐਲਾਨ ਵੀ ਕੀਤਾ ਗਿਆ ਹੈ। ਫਿਲਮ ਦਾ ਨਾਂ ‘ਇੰਡੀਅਨ 2 ਐਨ ਇੰਟਰੋ’ ਹੋਵੇਗਾ।  ਕਮਲ ਹਾਸਨ ਦੀ ‘ਇੰਡੀਅਨ 2’ ਦਾ ਨਿਰਮਾਣ ਉਧਯਨਿਧੀ ਸਟਾਲਿਨ ਅਤੇ ਏ ਸੁਬਾਸਕਰਨ ਦੁਆਰਾ ਕੀਤਾ ਗਿਆ ਹੈ, ਜਦਕਿ ਨਿਰਦੇਸ਼ਕ ਐੱਸ. ਸ਼ੰਕਰ ਨੇ ਕੀਤਾ ਹੈ। ਫਿਲਮ ‘ਚ ਰਕੁਲ ਪ੍ਰੀਤ ਸਿੰਘ , ਕਾਜਲ ਅਗਰਵਾਲ , ਸਿਧਾਰਥ , ਪ੍ਰਿਆ ਭਵਾਨੀ ਸ਼ੰਕਰ ਸਮੇਤ ਕਈ ਸਿਤਾਰੇਫਿਲਮ ਦੀ ਰਿਲੀਜ਼ ਡੇਟ ਦਾ ਅਜੇ ਐਲਾਨ ਨਹੀਂ ਕੀਤਾ ਗਿਆ ਹੈ। ਫਿਲਮ ਦੇ ਗੀਤਾਂ ਦੀ ਜ਼ਿੰਮੇਵਾਰੀ ਆਸਕਰ ਐਵਾਰਡ ਜੇਤੂ ਸੰਗੀਤਕਾਰ ਅਨਿਰੁਧ ਰਵੀਚੰਦਰ ਦੇ ਮੋਢਿਆਂ ‘ਤੇ ਹੈ।