ਫਰੀਦਕੋਟ ‘ਚ ਪ੍ਰਾਇਮਰੀ ਜਮਾਤ ਦੇ ਬੱਚਿਆਂ ਨਾਲ ਹਾਦਸਾ ਵਾਪਰ ਗਿਆ। ਸਕੂਲ ਤੋਂ ਬਾਅਦ ਘਰ ਲੈ ਕੇ ਜਾ ਰਿਹਾ ਈ-ਰਿਕਸ਼ਾ ਅਚਾਨਕ ਸੰਤੁਲਨ ਵਿਗੜਨ ਕਾਰਨ ਪਲਟ ਗਿਆ। ਈ-ਰਿਕਸ਼ਾ ਦੀ ਸਾਈਡ ‘ਤੇ ਬੈਠੀ ਚਾਰ ਸਾਲ ਦੀ ਬੱਚੀ ਸੰਤੁਲਨ ਗੁਆਉਣ ਕਾਰਨ ਹੇਠਾਂ ਡਿੱਗ ਗਈ। ਈ-ਰਿਕਸ਼ਾ ਪਲਟ ਕੇ ਉਸ ਦੇ ਸਿਰ ‘ਤੇ ਡਿੱਗ ਗਿਆ।
ਬੱਚਿਆਂ ਨੂੰ ਰਾਹਗੀਰਾਂ ਵੱਲੋਂ ਈ-ਰਿਕਸ਼ਾ ਚੁੱਕ ਕੇ ਬਾਹਰ ਕੱਢਿਆ ਗਿਆ। ਅਤੇ ਉਹ ਕੁੜੀ ਜਿਸ ਦੇ ਸਿਰ ‘ਤੇ ਈ-ਰਿਕਸ਼ਾ ਪਿਆ ਸੀ। ਉਸ ਦੀ ਹਾਲਤ ਗੰਭੀਰ ਹੋਣ ‘ਤੇ ਰਾਹਗੀਰਾਂ ਵੱਲੋਂ ਬੱਚੀ ਨੂੰ ਤੁਰੰਤ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ ਹਸਪਤਾਲ ਪਹੁੰਚਾਇਆ ਗਿਆ।
ਰਾਹਗੀਰ ਵਕੀਲ ਸੰਦੀਪ ਸਿੰਘ ਧਾਲੀਵਾਲ ਨੇ ਦੱਸਿਆ ਕਿ ਉਨ੍ਹਾਂ ਦੇ ਅੱਗੇ ਚੱਲ ਰਿਹਾ ਈ-ਰਿਕਸ਼ਾ ਸੜਕ ‘ਤੇ ਪਏ ਟੋਏ ਕਾਰਨ ਅਚਾਨਕ ਪਲਟ ਗਿਆ। ਇਸ ਹਾਦਸੇ ਵਿੱਚ ਉਸ ਵਿੱਚ ਬੈਠੇ ਪੰਜ-ਛੇ ਬੱਚੇ ਜ਼ਖ਼ਮੀ ਹੋ ਗਏ, ਜਿਸ ਵਿੱਚ ਇੱਕ ਬੱਚੀ ਉਪਰ ਈ-ਰਿਕਸ਼ਾ ਡਿੱਗਣ ਨਾਲ ਉਸ ਦੀ ਹਾਲਤ ਖਰਾਬ ਹੈ, ਜਿਸ ਨੂੰ ਉਨ੍ਹਾਂ ਲੋਕਾਂ ਨੇ ਚਾਰ-ਪੰਜ ਮਿੰਟ ਦੇ ਅੰਦਰ ਹੀ ਮੈਡੀਕਲ ਕਾਲਜ ਵਿੱਚ ਦਾਖਲ ਕਰਵਾਇਆ ਹੈ, ਜਿਥੇ ਉਸ ਦੀ ਹਾਲਤ ਬਹੁਤ ਨਾਜ਼ੁਕ ਹੈ। ਹਾਦਸੇ ਦਾ ਕਾਰਨ ਸੜਕ ਦੀ ਖਸਤਾਹਾਲ ਹਾਲਤ ਹੋਣਾ ਹੈ।
ਇਹ ਵੀ ਪੜ੍ਹੋ : ਟੈਟੂ ਤੇ CCTV ਫੁਟੇਜ ਨੇ ਫੜਾਏ ਬਠਿੰਡਾ ਵਪਾਰੀ ਦੇ ਕਾਤ.ਲ, ਕਤ.ਲ ਕਰ ਬਾਈਤ ਤੋਂ ਭੱਜ ਗਏਸਨ ਮੋਹਾਲੀ
ਈ-ਰਿਕਸ਼ਾ ਚਾਲਕ ਮੋਕਲ ਕੁਮਾਰ ਨੇ ਦੱਸਿਆ ਕਿ ਉਹ ਸ਼ਹਿਰ ‘ਚ ਸਥਿਤ ਗਾਂਧੀ ਸਕੂਲ ਦੇ ਬੱਚਿਆਂ ਨੂੰ ਬਾਜ਼ੀਗਰ ਸਥਿਤ ਆਪਣੇ ਘਰ ਲੈ ਕੇ ਜਾ ਰਿਹਾ ਸੀ ਪਰ ਸੜਕ ‘ਤੇ ਪਏ ਟੋਏ ਕਾਰਨ ਈ-ਰਿਕਸ਼ਾ ਦਾ ਸੰਤੁਲਨ ਵਿਗੜ ਗਿਆ, ਜਿਸ ਕਾਰਨ ਉਹ ਪਲਟ ਗਿਆ, ਜਿਸ ‘ਚ ਬੱਚੀ ਨੂੰ ਜ਼ਿਆਦਾ ਸੱਟ ਲੱਗੀ ਹੈ, ਜਦਕਿ ਉਹ ਖੁਦ ਵੀ ਜ਼ਖਮੀ ਹੋ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ : –
