ਦੁਨੀਆ ਵਿੱਚ ਬਹੁਤ ਸਾਰੇ ਲੋਕ ਅਜਿਹੇ ਹਨ ਜੋ ਆਪਣੇ ਚਿਹਰੇ ਦੇ ਨਾਲ-ਨਾਲ ਆਪਣੇ ਪੂਰੇ ਸਰੀਰ ਨੂੰ ਆਕਰਸ਼ਕ ਬਣਾਉਣ ਲਈ ਪਲਾਸਟਿਕ ਸਰਜਰੀ ਦਾ ਸਹਾਰਾ ਲੈਂਦੇ ਹਨ। ਕਈ ਵਾਰ ਇਹ ਫੈਸਲਾ ਕਈ ਲੋਕਾਂ ਲਈ ਸਹੀ ਸਾਬਤ ਹੁੰਦਾ ਹੈ ਪਰ ਕਈ ਲੋਕਾਂ ਲਈ ਇਹ ਮੁਸੀਬਤ ਵੀ ਬਣ ਜਾਂਦਾ ਹੈ। ਤੁਸੀਂ ਅਜਿਹੇ ਕਈ ਮਾਮਲਿਆਂ ਬਾਰੇ ਸੁਣਿਆ ਹੋਵੇਗਾ, ਜਦੋਂ ਸਰਜਰੀ ਤੋਂ ਬਾਅਦ ਲੋਕਾਂ ਦੇ ਚਿਹਰੇ ਖਰਾਬ ਹੋ ਜਾਂਦੇ ਸਨ। ਅਜਿਹਾ ਹੀ ਕੁਝ ਇੰਗਲੈਂਡ ਦੇ ਬਰਮਿੰਘਮ ਸ਼ਹਿਰ ‘ਚ ਰਹਿਣ ਵਾਲੇ ਇਕ ਬੰਦੇ ਨਾਲ ਹੋਇਆ। ਆਪਣੀਆਂ ਸੁੱਜੀਆਂ ਗੱਲ੍ਹਾਂ ਨੂੰ ਠੀਕ ਕਰਨ ਲਈ ਉਸ ਦੀ ਇੰਨੀ ਭਿਆਨਕ ਸਰਜਰੀ ਕਰਵਾ ਲਈ ਕਿ ਇਸ ਕਾਰਨ ਉਹ ਲਗਭਗ ਚਾਰ ਸਾਲ ਤੱਕ ਆਪਣੀਆਂ ਅੱਖਾਂ ਬੰਦ ਨਹੀਂ ਕਰ ਸਕਿਆ।
ਬੰਦੇ ਦਾ ਨਾਮ ਪੀਟ ਬ੍ਰਾਡਹਰਸਟ ਹੈ। ਉਹ ਇੱਕ ਸੇਵਾਮੁਕਤ ਚਿੱਤਰਕਾਰ ਅਤੇ ਡੇਕੋਰੇਟਰ ਹੈ। ਪੀਟ ਨੇ ਦੱਸਿਆ ਕਿ ਉਹ ਆਪਣੇ ਫੁੱਲੇ ਹੋਏ ‘ਹੈਮਸਟਰ ਚੀਕਸ’ ਨੂੰ ਠੀਕ ਕਰਨਾ ਚਾਹੁੰਦਾ ਸੀ ਤਾਂ ਕਿ ਉਸ ਦਾ ਆਤਮ-ਵਿਸ਼ਵਾਸ ਵਧੇ ਅਤੇ ਇਸ ਦੇ ਲਈ ਉਸ ਨੇ ਕਾਸਮੈਟਿਕ ਸਰਜਰੀ ਦਾ ਸਹਾਰਾ ਲਿਆ, ਪਰ ਇਹ ਸਭ ਭਿਆਨਕ ਰੂਪ ਨਾਲ ਗਲਤ ਹੋ ਗਿਆ। ਇਸ ਸਰਜਰੀ ਕਾਰਨ ਉਹ ਚਾਰ ਸਾਲ ਤੋਂ ਵੱਧ ਸਮੇਂ ਤੱਕ ਅੱਖਾਂ ਬੰਦ ਨਹੀਂ ਕਰ ਸਕਿਆ। ਪੀਟ ਨੇ ਕਿਹਾ, ‘ਜੋ ਵੀ ਹੋਇਆ ਉਸ ਨੇ ਮੇਰੀ ਜ਼ਿੰਦਗੀ ਨੂੰ ਪੂਰੀ ਤਰ੍ਹਾਂ ਤਬਾਹ ਕਰ ਦਿੱਤਾ ਹੈ। ਮੈਂ ਆਪਣੀਆਂ ਅੱਖਾਂ ਠੀਕ ਕਰਵਾਉਣ ਲਈ ਆਪਣੀ ਸਾਰੀ ਪੈਨਸ਼ਨ ਲਗਾ ਦਿੱਤੀ ਹੈ।
ਰਿਪੋਰਟ ਮੁਤਾਬਕ 81 ਸਾਲਾਂ ਪੀਟ ਦੀਆਂ ਸਮੱਸਿਆਵਾਂ 1959 ‘ਚ ਸ਼ੁਰੂ ਹੋਈਆਂ, ਜਦੋਂ ਦੰਦਾਂ ਦੀ ਸਮੱਸਿਆ ਕਾਰਨ ਉਸ ਦੀਆਂ ਗੱਲ੍ਹਾਂ ਵੱਡੀਆਂ ਹੋ ਗਈਆਂ। ਉਸ ਨੇ ਦੱਸਿਆ, ‘ਮੇਰੇ ਹੈਮਸਟਰ ਗੱਲ੍ਹ ਫੁੱਲੇ ਹੋਏ ਸਨ, ਕਈ ਸਾਲ ਪਹਿਲਾਂ ਮੈਂ ਇੱਕ ਔਰਤ ਨਾਲ ਰਿਲੇਸ਼ਨਸ਼ਿਪ ਵਿੱਚ ਸੀ ਅਤੇ ਉਹ ਮੈਨੂੰ ਛੱਡ ਕੇ ਜਾ ਰਹੀ ਸੀ। ਮੈਂ ਉਸ ਨੂੰ ਪੁੱਛਿਆ ਕਿ ਜਦੋਂ ਸਾਡੇ ਕੋਲ ਸਭ ਕੁਝ ਹੈ ਤਾਂ ਤੁਸੀਂ ਕਿਉਂ ਛੱਡ ਰਹੀ ਹੈ? ਦੇਖੋ ਅਸੀਂ ਕਿੰਨੇ ਖੁਸ਼ਕਿਸਮਤ ਹਾਂ। ਇਸ ‘ਤੇ ਉਸ ਨੇ ਕਿਹਾ, ‘ਜਾਓ ਅਤੇ ਪਹਿਲਾਂ ਆਪਣੇ ਆਪ ਨੂੰ ਸ਼ੀਸ਼ੇ ‘ਚ ਦੇਖੋ, ਇਸ ਲਈ ਮੈਂ ਜਾ ਰਹੀ ਹਾਂ।’ ਇਸ ਤੋਂ ਬਾਅਦ ਪੀਟ ਦੋ ਹੋਰ ਰਿਸ਼ਤਿਆਂ ਵਿੱਚ ਆਇਆ ਅਤੇ ਉਥੇ ਵੀ ਅਜਿਹੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ, ਇਸ ਲਈ ਉਸਨੇ ਆਪਣੀਆਂ ਗੱਲ੍ਹਾਂ ਨੂੰ ਠੀਕ ਕਰਨ ਲਈ ਸਰਜਰੀ ਕਰਵਾਉਣ ਦਾ ਫੈਸਲਾ ਕੀਤਾ।
ਸਾਲ 2018 ਵਿੱਚ ਪੀਟ ਨੇ ਬਰਮਿੰਘਮ ਦੇ ਇੱਕ ਹਸਪਤਾਲ ਨਾਲ ਸੰਪਰਕ ਕੀਤਾ, ਜਿਸ ਨੇ ਉਸ ਨੂੰ ਗਰਦਨ ਦੀ ਲਿਫਟ, ਅੱਖਾਂ ਦੀ ਬਲੇਫਾਰੋਪਲਾਸਟੀ ਅਤੇ ਰਾਈਨੋਪਲਾਸਟੀ ਕਰਵਾਉਣ ਲਈ ਕਿਹਾ ਅਤੇ ਦੱਸਿਆ ਕਿ ਇਸ ਪੂਰੀ ਪ੍ਰਕਿਰਿਆ ‘ਤੇ ਲਗਭਗ 11 ਲੱਖ ਰੁਪਏ ਖਰਚ ਆਏਗਾ। ਉਸ ਨੇ ਦੱਸਿਆ ਕਿ ਇਹ ਸਰਜਰੀ ਉਸ ਦੀਆਂ ਗੱਲ੍ਹਾਂ ਨੂੰ ਘਟਾਉਣ ਵਿਚ ਮਦਦ ਕਰੇਗੀ। ਫਿਰ ਕੀ ਸੀ, ਕਾਫੀ ਸੋਚ-ਵਿਚਾਰ ਤੋਂ ਬਾਅਦ 24 ਜਨਵਰੀ 2019 ਨੂੰ ਪੀਟ ਦੀ ਸਰਜਰੀ ਹੋਈ। ਇਸ ਵਿੱਚ ਲਗਭਗ 9 ਘੰਟੇ ਲੱਗ ਗਏ। ਸਰਜਰੀ ਤੋਂ ਅਗਲੇ ਦਿਨ ਉਸ ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਪਰ ਫਿਰ ਉਨ੍ਹਾਂ ਦੀਆਂ ਅੱਖਾਂ ‘ਚ ਸਮੱਸਿਆ ਆਉਣ ਲੱਗੀ। ਉਸ ਦੀਆਂ ਅੱਖਾਂ ਵਿੱਚ ਬਹੁਤ ਜਲਨ ਹੋ ਰਹੀ ਸੀ ਅਤੇ ਪਾਣੀ ਵੀ ਆ ਰਿਹਾ ਸੀ। ਡਾਕਟਰਾਂ ਨੇ ਦੱਸਿਆ ਕਿ ਸਭ ਕੁਝ ਠੀਕ ਹੈ, ਕੁਝ ਸਮੇਂ ਬਾਅਦ ਇਹ ਸਾਈਡ ਇਫੈਕਟ ਆਪਣੇ ਆਪ ਦੂਰ ਹੋ ਜਾਣਗੇ, ਪਰ ਅਜਿਹਾ ਨਹੀਂ ਹੋਇਆ।
ਇਹ ਵੀ ਪੜ੍ਹੋ : ਝਟਕਾ! ਰਿਚਾਰਜ ਕਰਾਉਣ ‘ਤੇ ਹੁਣ Google Pay ਵੀ ਵਸੂਲੇਗਾ ਐਕਸਟਰਾ ਚਾਰਜ
ਰਿਪੋਰਟਾਂ ਮੁਤਾਬਕ ਪੀਟ 23 ਮਾਰਚ, 2019 ਨੂੰ ਆਪਣੇ ਨਿਯਮਤ ਪ੍ਰੋਸਟੇਟ ਚੈੱਕਅਪ ਲਈ ਬਰਮਿੰਘਮ ਦੇ ਗੁੱਡ ਹੋਪ ਹਸਪਤਾਲ ਗਿਆ ਸੀ, ਜਦੋਂ ਉੱਥੇ ਡਾਕਟਰ ਨੇ ਉਸ ਦੀਆਂ ਖਰਾਬ ਅੱਖਾਂ ਦੇਖੀਆਂ ਅਤੇ ਉਸ ਨੂੰ ਬਰਮਿੰਘਮ ਅਤੇ ਮਿਡਲੈਂਡ ਆਈ ਸੈਂਟਰ ਲਈ ਰੈਫਰ ਕਰ ਦਿੱਤਾ। ਉੱਥੇ ਉਸ ਨੂੰ ਦੱਸਿਆ ਗਿਆ ਕਿ ਜਦੋਂ ਉਹ ਝਪਕਦਾ ਜਾਂ ਸੌਂਦਾ ਸੀ ਤਾਂ ਉਸ ਦੀਆਂ ਅੱਖਾਂ ਪੂਰੀ ਤਰ੍ਹਾਂ ਬੰਦ ਨਹੀਂ ਹੁੰਦੀਆਂ ਸਨ, ਜਿਸ ਕਾਰਨ ਉਸ ਨੂੰ ਪਰੇਸ਼ਾਨੀ ਹੁੰਦੀ ਸੀ। ਬਾਅਦ ‘ਚ ਉਸ ਨੇ ਇਸ ਦੀ ਸਰਜਰੀ ਵੀ ਕਰਵਾਈ ਪਰ ਕੋਈ ਫਾਇਦਾ ਨਹੀਂ ਹੋਇਆ। ਕਈ ਸਾਲਾਂ ਤੱਕ ਇਸ ਤਰ੍ਹਾਂ ਭਟਕਣ ਤੋਂ ਬਾਅਦ, ਆਖਰਕਾਰ ਜੁਲਾਈ 2023 ਵਿੱਚ, ਪੀਟ ਆਪਣੀਆਂ ਅੱਖਾਂ ਨੂੰ ਠੀਕ ਕਰਵਾਉਣ ਲਈ ਥਾਈਲੈਂਡ ਵਿੱਚ ਓਰਿਜਿਨ ਕਲੀਨਿਕ ਗਿਆ। ਉਥੇ ਡਾਕਟਰਾਂ ਨੇ ਆਪਰੇਸ਼ਨ ਕੀਤਾ। ਹੁਣ ਪੀਟ ਪੂਰੀ ਤਰ੍ਹਾਂ ਠੀਕ ਹੋ ਗਿਆ ਹੈ ਅਤੇ ਆਰਾਮ ਨਾਲ ਅੱਖਾਂ ਬੰਦ ਕਰਕੇ ਆਰਾਮ ਨਾਲ ਸੌਂਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ : –
