ਬਿੱਗ ਬੌਸ ਫੇਮ ਸ਼ਹਿਨਾਜ਼ ਗਿੱਲ ਅੰਮ੍ਰਿਤਸਰ ਦੇ ਆਪਣੇ ਪਿੰਡ ਰਈਆ ਪਹੁੰਚੀ। ਜਿੱਥੇ ਉਹ ਕੁਝ ਸਮਾਂ ਆਪਣੇ ਘਰ ਹੀ ਰਹੀ। ਉੱਥੇ ਖੇਤਾਂ ਅਤੇ ਪਿੰਡ ਵਿੱਚ ਮਸਤੀ ਕੀਤੀ। ਆਪਣੇ ਦਾਦਾ-ਦਾਦੀ ਅਤੇ ਭਰਾ ਨਾਲ ਵੀ ਰਹੀ।
ਸ਼ਹਿਨਾਜ਼ ਨੇ ਖੇਤਾਂ ‘ਚ ਫੋਟੋਆਂ ਖਿਚਵਾਈਆਂ, ਕਾਫੀ ਦੇਰ ਤੱਕ ਉੱਥੇ ਡਾਂਸ ਕੀਤਾ ਅਤੇ ਘੁੰਮਦੀ ਰਹੀ। ਉਸ ਨੇ ਆਪਣੇ ਪਿੰਡ ਦੇ ਦੌਰੇ ਦੀ ਫੋਟੋ-ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ। ਜਿਸ ‘ਤੇ ਕੁਝ ਹੀ ਘੰਟਿਆਂ ‘ਚ ਹਜ਼ਾਰਾਂ ਲਾਈਕਸ ਅਤੇ ਕਮੈਂਟਸ ਮਿਲ ਗਏ। ਉਸ ਨੇ ਆਪਣੇ ਦਾਦਾ-ਦਾਦੀ ਨਾਲ ਫੋਟੋਆਂ ਵੀ ਸਾਂਝੀਆਂ ਕੀਤੀਆਂ ਅਤੇ ਗੀਤ ਰਾਹੀਂ ਉਨ੍ਹਾਂ ਦਾ ਧੰਨਵਾਦ ਕੀਤਾ।
ਸ਼ਹਿਨਾਜ਼ ਗਿੱਲ ਦੀ ਫਿਲਮ ‘ਥੈਂਕਸ ਫਾਰ ਕਮਿੰਗ’ ਹਾਲ ਹੀ ‘ਚ ਰਿਲੀਜ਼ ਹੋਈ ਸੀ, ਜਿਸ ‘ਚ ਭੂਮੀ ਪੇਡਨੇਕਰ ਮੁੱਖ ਭੂਮਿਕਾ ‘ਚ ਸੀ। ਇਸ ਤੋਂ ਪਹਿਲਾਂ ਸ਼ਹਿਨਾਜ਼ ਗਿੱਲ ਨੂੰ ਬਿੱਗ ਬੌਸ ਸੀਜ਼ਨ 13 ਤੋਂ ਪ੍ਰਸਿੱਧੀ ਮਿਲੀ ਸੀ, ਜਿਸ ਵਿੱਚ ਉਹ ਤੀਜੇ ਨੰਬਰ ‘ਤੇ ਆਈ ਸੀ। ਇਸ ਤੋਂ ਬਾਅਦ ਸ਼ਹਿਨਾਜ਼ ਦੀ ਅਗਲੀ ਫਿਲਮ ‘ਰੰਨਾ ਚ ਧੰਨਾ’ ਹੋ ਸਕਦੀ ਹੈ ਜੋ ਅਕਤੂਬਰ 2024 ‘ਚ ਰਿਲੀਜ਼ ਹੋਵੇਗੀ।
ਇਸ ਫਿਲਮ ‘ਚ ਉਹ ਅਦਾਕਾਰ ਦਿਲਜੀਤ ਦੋਸਾਂਝ ਨਾਲ ਨਜ਼ਰ ਆਵੇਗੀ। 2021 ਵਿੱਚ ਵੀ ਉਹ ਦਿਲਜੀਤ ਦੋਸਾਂਝ ਨਾਲ ਫਿਲਮ ‘ਹੌਸਲਾ ਰੱਖ’ ਵਿੱਚ ਨਜ਼ਰ ਆਈ ਸੀ। ਉਸ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 2017 ਵਿੱਚ ‘ਸ਼ਿਵ ਦੀ ਕਿਤਾਬ’ ਮਿਊਜ਼ਿਕ ਵੀਡੀਓ ਨਾਲ ਕੀਤੀ ਸੀ।
ਇਹ ਵੀ ਪੜ੍ਹੋ : ਲੁਧਿਆਣਾ : ਤੜਕੇ 4 ਵਜੇ ਘਰ ਬਾਹਰੋਂ ਕਾਰ ਚੋਰੀ, ਥਾਣੇ ਤੋਂ ਅੱਧਾ ਕਿਲੋਮੀਟਰ ਦੂਰ ਵਾਰਦਾਤ, CCTV ‘ਚ ਕੈਦ ਚੋਰ
ਵੀਡੀਓ ਲਈ ਕਲਿੱਕ ਕਰੋ : –
