ਸਕਾਟਲੈਂਡ ਵਿਚ ਰਹਿਣ ਵਾਲਾ 2 ਸਾਲ ਦਾ ਕਾਰਟਰ ਡਲਾਸ ਮਾਊਂਟ ਐਵਰੈਸਟ ਦੇ ਬੇਸ ਕੈਂਪ ਤੱਕ ਪਹੁੰਚਣ ਵਾਲਾ ਸਭ ਤੋਂ ਘੱਟ ਉਮਰ ਵਾਲਾ ਬੱਚਾ ਬਣ ਗਿਆ। ਰਿਪੋਰਟ ਮੁਤਾਬਕ ਪਹਿਲਾਂ ਇਹ ਰਿਕਾਰਡ ਚੇਕ ਰਿਪਬਲਿਕ ਦੇ ਇਕ ਚਾਰ ਸਾਲ ਦੇ ਬੱਚੇ ਦੇ ਨਾਂ ਸੀ।
ਕਾਰਟਰ ਨੇ ਮਾਊਂਟ ਐਵਰੈਸਟ ਬੇਸ ਕੈਂਪ ਤੱਕ ਪਹੁੰਚਣ ਦਾ ਸਫਰ ਮਾਂ ਜੇਡ ਤੇ ਪਿਤਾ ਰਾਸ ਦੀ ਪਿੱਠ ‘ਤੇ ਬੈਠ ਕੇ ਪੂਰਾ ਕੀਤਾ। ਸਕਾਟਲੈਂਡ ਦੇ ਰਹਿਣ ਵਾਲੇ ਰਾਸ ਤੇ ਜੇਡ ਆਪਣੇ ਬੇਟੇ ਦੇ ਨਾਲ ਇਕ ਸਾਲ ਪਹਿਲਾਂ ਏਸ਼ੀਆ ਦੀ ਯਾਤਰਾ ‘ਤੇ ਨਿਕਲੇ ਹੋਏ ਹਨ। ਇਸ ਲਈ ਉਨ੍ਹਾਂ ਨੇ ਆਪਣੇ ਘਰ ਨੂੰ ਕਿਰਾਏ ‘ਤੇ ਦੇ ਦਿੱਤਾ ਹੈ। ਤਿੰਨਾਂ ਨੇ 25 ਅਕਤੂਬਰ ਨੂੰ ਨੇਪਾਲ ਵਿਚ ਸਮੁੰਦਰ ਤਲ ਤੋਂ 17598 ਫੁੱਟ ਦੀ ਉਚਾਈ ‘ਤੇ ਸਥਿਤ ਦੱਖਣ ‘ਤੇ ਚੜ੍ਹਾਈ ਕੀਤੀ ਤੇ ਬੇਸ ਕੈਂਪ ਤੱਕ ਪਹੁੰਚ ਗਏ।
ਤਿੰਨਾਂ ਨੇ ਚੜ੍ਹਾਈ ਅਕਤੂਬਰ 2023 ਵਿਚ ਕੀਤੀ ਸੀ। ਹੁਣ ਇਸ ਬਾਰੇ ਗੱਲ ਕਰਦੇ ਹੋਏ ਰਾਸ ਨੇ ਕਿਹਾ ਕਿ ਕਾਰਟਰ ਸਾਡੇ ਤੋਂ ਜ਼ਿਆਦਾ ਐਕਸਾਈਟਿਡ ਲੱਗ ਰਿਹਾ ਸੀ। ਮੈਨੂੰ ਤੇ ਜੇਡ ਨੂੰ ਉਚਾਈ ‘ਤੇ ਸਾਹ ਲੈਣ ਵਿਚ ਥੋੜ੍ਹੀ ਤਕਲੀਫ ਹੋਈ ਪਰ ਕਾਰਟਰ ਬਿਲਕੁਲ ਠੀਕ ਸੀ। ਬੇਸ ਕੈਂਪ ਤੋਂ ਪਹਿਲਾਂ ਪਿੰਡਾਂ ਵਿਚ 2 ਡਾਕਟਰ ਤਾਇਨਾਤ ਸਨ। ਉਨ੍ਹਾਂ ਨੇ ਸਾਡਾ ਬਲੱਡ ਟੈਸਟ ਕੀਤਾ। ਸਾਡੇ ਮੁਕਾਬਲੇ ਕਾਰਟਰ ਜ਼ਿਆਦਾ ਹੈਲਦੀ ਸੀ।
ਰਾਸ ਨੇ ਕਿਹਾ ਕਿ ਅਸੀਂ ਟ੍ਰੈਕਿੰਗ ਲਈ ਫੂਡ ਜੈਕੇਟ ਤੇ ਦੋ ਸਲੀਪਿੰਗ ਬੈਗ ਖਰੀਦੇ ਸਨ। ਕਾਠਮੰਡੂ ਪਹੁੰਚਣ ਦੇ 24 ਘੰਟਿਆਂ ਅੰਦਰ ਹੀ ਅਸੀਂ ਚੜ੍ਹਾਈ ਸ਼ੁਰੂ ਕਰ ਦਿੱਤੀ ਸੀ। ਅਸੀਂ ਪਹਿਲਾਂ ਤੋਂ ਹੀ ਤਿਆਰ ਸੀ। ਰੈਗੂਲਰ ਤੌਰ ਤੋਂ ਲੰਬੀ ਸਾਹ ਲੈਣ ਦੀ ਤਕਨੀਕ ਦੀ ਪ੍ਰੈਕਟਿਸ ਕਰ ਰਹੇ ਸਨ। ਅਸੀਂ ਘਰ ‘ਤੇ ਬਰਫ ਦੇ ਪਾਣੀ ਨਾਲ ਨਹਾਉਂਦੇ ਸਨ। ਕਾਰਟਰ ਨੂੰ ਵੀ ਇਸੇ ਪਾਣੀ ਨਾਲ ਨਹਾਉਂਦੇ ਸਨ, ਜਿਸ ਨਾਲ ਬੇਸ ਕੈਂਪ ‘ਤੇ ਕੋਈ ਦਿੱਕਤ ਨਾ ਆਏ।
ਸਕਾਟਲੈਂਡ ਤੋਂ ਨਿਕਲਣ ਦੇ ਬਾਅਦ ਰਾਸ, ਜੇਡ ਤੇ ਕਾਰਟਰ ਸਭ ਤੋਂ ਪਹਿਲਾਂ ਭਾਰਤ ਆਏ। ਇਸ ਦੇ ਬਾਅਦ ਸ਼੍ਰੀਲੰਕਾ ਤੇ ਮਾਲਦੀਵ ਗਏ। ਇਥੋਂ ਦੁਬਾਰਾ ਭਾਰਤ ਆਏ ਤੇ ਫਿਰ ਨੇਪਾਲ ਲਈ ਰਵਾਨਾ ਹੋਏ। ਚੜ੍ਹਾਈ ਕਰਨ ਦੇ ਬਾਅਦ ਪਰਿਵਾਰ ਮਲੇਸ਼ੀਆ ਗਿਆ। ਇਥੇ ਇਕ ਵਿਆਹ ਅਟੈਂਡ ਕੀਤਾ ਤੇ ਕਾਰਟਰ ਦਾ ਜਨਮਦਿਨ ਮਨਾਉਣ ਲਈ ਸਿੰਗਾਪੁਰ ਚਲੇ ਗਏ।
ਵੀਡੀਓ ਲਈ ਕਲਿੱਕ ਕਰੋ –
“ਖੁਸ਼ਖਬਰੀ ! ਕੈਨੇਡਾ ਦੇ Student Visa ‘ਚ ਬਦਲਾਅ ਤੋਂ ਬਾਅਦ ਵੀ ਆਸਾਨੀ ਨਾਲ ਜਾ ਸਕਦੇ ਓ ਕੈਨੇਡਾ !”
