The Academy ਨੇ ਦੀਪਿਕਾ ਪਾਦੂਕੋਣ ਦੇ ਮਸ਼ਹੂਰ ਗੀਤ ‘ਦੀਵਾਨੀ ਮਸਤਾਨੀ’ ਦੀ ਸ਼ੇਅਰ ਕੀਤੀ ਵੀਡੀਓ

Academy Share Deepika Song: ਅਕੈਡਮੀ ਆਫ ਮੋਸ਼ਨ ਪਿਕਚਰ ਆਰਟਸ ਐਂਡ ਸਾਇੰਸਿਜ਼ ਨੇ ਦੀਪਿਕਾ ਪਾਦੁਕੋਣ ਦੀ ਬਲਾਕਬਸਟਰ ਇਤਿਹਾਸਕ ਫਿਲਮ ‘ਬਾਜੀਰਾਓ ਮਸਤਾਨੀ’ ਦਾ ਵੀਡੀਓ ਸਾਂਝਾ ਕਰਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ਸ਼ੇਅਰ ਕੀਤੇ ਕਲਿੱਪ ‘ਚ ਫਿਲਮ ਦਾ ਗੀਤ ‘ਦੀਵਾਨੀ ਮਸਤਾਨੀ’ ਦਾ ਹੈ, ਜਿਸ ‘ਚ ਦੀਪਿਕਾ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਦੀਪਿਕਾ ਦੇ ਪਤੀ ਅਤੇ ਅਦਾਕਾਰ ਰਣਵੀਰ ਸਿੰਘ ਨੇ ਵੀ ਅਕੈਡਮੀ ਵੱਲੋਂ ਸ਼ੇਅਰ ਕੀਤੀ ਇਸ ਵੀਡੀਓ ਕਲਿੱਪ ‘ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।

ਅਕੈਡਮੀ ਦੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ ਨੇ ਆਪਣੇ ਪੇਜ ‘ਤੇ ਬਾਲੀਵੁੱਡ ਅਦਾਕਾਰਾ ਦੇ ਮਸ਼ਹੂਰ ਗੀਤ ‘ਦੀਵਾਨੀ ਮਸਤਾਨੀ’ ਦਾ ਵੀਡੀਓ ਸ਼ੇਅਰ ਕੀਤਾ ਹੈ। ਸ਼੍ਰੇਆ ਘੋਸ਼ਾਲ ਦੁਆਰਾ ਗਾਇਆ ਗਿਆ, ‘ਦੀਵਾਨੀ ਮਸਤਾਨੀ’ ਫਿਲਮ ਨਿਰਮਾਤਾ ਸੰਜੇ ਲੀਲਾ ਭੰਸਾਲੀ ਦੀ ਫਿਲਮ ਬਾਜੀਰਾਓ ਮਸਤਾਨੀ ਦਾ ਇੱਕ ਹਿੱਟ ਟਰੈਕ ਹੈ। ਇਸ ਫਿਲਮ ‘ਚ ਦੀਪਿਕਾ ਪਾਦੂਕੋਣ ਤੋਂ ਇਲਾਵਾ ਰਣਵੀਰ ਸਿੰਘ ਅਤੇ ਪ੍ਰਿਅੰਕਾ ਚੋਪੜਾ ਨੇ ਵੀ ਮੁੱਖ ਭੂਮਿਕਾਵਾਂ ਨਿਭਾਈਆਂ ਹਨ। ਵੀਡੀਓ ਸ਼ੇਅਰ ਕਰਦੇ ਹੋਏ ਅਕੈਡਮੀ ਨੇ ਲਿਖਿਆ, ”ਦੀਪਿਕਾ ਪਾਦੂਕੋਣ ਫਿਲਮ ‘ਬਾਜੀਰਾਓ ਮਸਤਾਨੀ’ ਦੀ ”ਦੀਵਾਨੀ ਮਸਤਾਨੀ” ਸ਼੍ਰੇਆ ਘੋਸ਼ਾਲ ਦੁਆਰਾ ਗ਼ਾਏ ਗੀਤ ‘ਤੇ ਪਰਫਾਰਮ ਕਰ ਰਹੀ ਹੈ।” ਇਹ ਵੀਡੀਓ ਸੋਸ਼ਲ ਮੀਡੀਆ ”ਤੇ ਵਾਇਰਲ ਹੋ ਰਹੀ ਹੈ।  ਦੀਪਿਕਾ ਪਾਦੁਕੋਣ ਨੇ ਵੀ ਇਸ ਪੋਸਟ ਨੂੰ ਆਪਣੀ ਇੰਸਟਾ ਸਟੋਰੀ ‘ਤੇ ਸ਼ੇਅਰ ਕੀਤਾ ਹੈ।

View this post on Instagram

A post shared by The Academy (@theacademy)

ਰਣਵੀਰ ਸਿੰਘ ਨੇ ਵੀ ਅਕੈਡਮੀ ਵੱਲੋਂ ਸ਼ੇਅਰ ਕੀਤੇ ਵੀਡੀਓ ‘ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਰਣਵੀਰ ਨੇ ਕਮੈਂਟ ਬਾਕਸ ‘ਚ ਲਿਖਿਆ, ‘ਮੇਸਮੇਰਿਕ’। ਤੁਹਾਨੂੰ ਦੱਸ ਦੇਈਏ ਕਿ ਰਣਵੀਰ ਸਿੰਘ ਨੇ ‘ਬਾਜੀਰਾਵ ਮਸਤਾਨੀ’ ‘ਚ ਪੇਸ਼ਵਾ ਬਾਜੀਰਾਓ ਦਾ ਕਿਰਦਾਰ ਨਿਭਾਇਆ ਸੀ। ਦੱਸ ਦੇਈਏ ਕਿ ਪਿਛਲੇ ਸਾਲ ਦੀਪਿਕਾ ਪਾਦੁਕੋਣ 95ਵੇਂ ਅਕੈਡਮੀ ਅਵਾਰਡਸ ‘ਚ ਜੌਨ ਟ੍ਰੈਵੋਲਟਾ, ਹੈਲੇ ਬੇਰੀ ਅਤੇ ਹੈਰੀਸਨ ਫੋਰਡ ਵਰਗੀਆਂ ਮਸ਼ਹੂਰ ਹਸਤੀਆਂ ਦੇ ਨਾਲ ਪੇਸ਼ਕਾਰ ਸੀ। ਦੀਪਿਕਾ ਨੇ ‘RRR’ ਦੇ ਆਸਕਰ ਜੇਤੂ ਗੀਤ ‘ਨਾਟੂ ਨਾਟੂ’ ਦੀ ਪਰਫਾਰਮੈਂਸ ਪੇਸ਼ ਕੀਤੀ ਸੀ।  ਦੀਪਿਕਾ ਪਾਦੁਕੋਣ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਅਦਾਕਾਰਾ ਦੀ ਆਖਰੀ ਰਿਲੀਜ਼ ਰਿਤਿਕ ਰੋਸ਼ਨ ਨਾਲ ‘ਫਾਈਟਰ’ ਸੀ। ‘ਫਾਈਟਰ’ ਸਾਲ 2024 ਦੀ ਹੁਣ ਤੱਕ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਹੈ। ਦੀਪਿਕਾ ਹੁਣ ਪ੍ਰਭਾਸ ਨਾਲ ਕਲਕੀ 2898 ਈ. ਵਿੱਚ ਨਜ਼ਰ ਆਵੇਗੀ। ਦੀਪਿਕਾ ਪਾਦੂਕੋਣ ਰੋਹਿਤ ਸ਼ੈੱਟੀ ਦੀ ਫਿਲਮ ‘ਸਿੰਘਮ ਅਗੇਨ’ ‘ਚ ਵੀ ਨਜ਼ਰ ਆਵੇਗੀ।

ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .