ਪੰਜਾਬ ‘ਚ ਪਿਓ-ਪੁੱਤਰ ਦਾ ਅਜਿਹਾ ਮਿਲਾਪ ਦੇਖ ਨੂੰ ਮਿਲੇਗਾ, ਜਿਸ ਨੂੰ ਦੇਖ ਅਤੇ ਸੁਣ ਕੇ ਹਰ ਕੋਈ ਭਾਵੁਕ ਹੋ ਰਿਹਾ ਹੈ। ਦਰਅਸਲ ਅੰਮ੍ਰਿਤਸਰ ‘ਚ ਲੋਹਾਰਕਾ ਰੋਡ ‘ਤੇ ਰਹਿਣ ਵਾਲੇ ਸੁਖਪਾਲ ਸਿੰਘ ਨੂੰ ਘਰੋਂ ਫੋਨ ਆਇਆ। ਉਸ ਨੂੰ ਪਤਾ ਲੱਗਾ ਕਿ ਉਸ ਦਾ ਪੁੱਤਰ ਜਾਪਾਨ ਤੋਂ ਉਸ ਨੂੰ ਲੱਭਦਾ ਆਇਆ ਹੈ। ਕੁਝ ਹੀ ਸਕਿੰਟਾਂ ਵਿੱਚ ਸੁਖਪਾਲ ਸਿੰਘ ਨੂੰ 19 ਸਾਲ ਪਹਿਲਾਂ ਦੀ ਜ਼ਿੰਦਗੀ ਫਲੈਸ਼ਬੈਕ ਹੋਈ। ਸੁਖਪਾਲ ਸਿੰਘ ਕੁਝ ਹੀ ਮਿੰਟਾਂ ਵਿੱਚ ਘਰ ਪਹੁੰਚ ਗਿਆ। ਜਦੋਂ ਉਹ ਘਰ ਪਹੁੰਚਿਆ ਤਾਂ ਉਥੇ 22 ਸਾਲਾ ਰਿਨ ਤਾਕਾਹਾਤਾ ਖੜ੍ਹਾ ਸੀ। ਸੁਖਪਾਲ ਨੇ ਉਸ ਨੂੰ ਦੇਖਦੇ ਹੀ ਜੱਫੀ ਪਾ ਲਈ।
![](https://scontent.fluh1-1.fna.fbcdn.net/v/t39.30808-6/456715807_1086043716883207_7932116756181154985_n.jpg?_nc_cat=105&ccb=1-7&_nc_sid=127cfc&_nc_ohc=Hz1b5zpN5CoQ7kNvgGd3bpg&_nc_ht=scontent.fluh1-1.fna&oh=00_AYDo3_x1hmyF_7KRxzgW3isZZhc34e9JAuiwzVQEA112Cg&oe=66D1F10A)
Father-son reunion after 19 years
ਰਿਨ ਤਾਕਾਹਾਤਾ 19 ਅਗਸਤ ਨੂੰ ਹੀ ਅੰਮ੍ਰਿਤਸਰ ਪਹੁੰਚਿਆ ਸੀ। ਉਹ ਆਪਣੇ ਪਿਤਾ ਦੀ 19 ਸਾਲ ਪਹਿਲਾਂ ਦੀ ਫੋਟੋ ਚੁੱਕੀ ਫਤਿਹਗੜ੍ਹ ਚੂੜੀਆਂ ਰੋਡ ਦੀਆਂ ਗਲੀਆਂ ਵਿੱਚ ਘੁੰਮ ਰਿਹਾ ਸੀ। ਫਿਰ ਇਕ ਦੁਕਾਨਦਾਰ ਨੇ ਫੋਟੋ ਦੇਖ ਕੇ ਸੁਖਪਾਲ ਸਿੰਘ ਨੂੰ ਪਛਾਣ ਲਿਆ ਅਤੇ ਰਿੰਨ ਨੂੰ ਉਸ ਦੇ ਘਰ ਦਾ ਪਤਾ ਦੱਸਿਆ। ਰਿਨ ਤਾਕਾਹਾਤਾ ਨੇ ਦੱਸਿਆ ਕਿ ਉਹ ਓਸਾਕਾ ਯੂਨੀਵਰਸਿਟੀ ਆਫ ਆਰਟਸ ਵਿੱਚ ਪੜ੍ਹ ਰਿਹਾ ਹੈ। ਕਾਲਜ ਵੱਲੋਂ ਫੈਮਿਲੀ ਟ੍ਰੀ ਬਣਾਉਣ ਦਾ ਕੰਮ ਸੌਂਪਿਆ ਗਿਆ। ਫੈਮਿਲੀ ਟ੍ਰੀ ਵਿੱਚ ਮਾਤਾ ਸਾਚੀ ਤਾਕਾਹਾਤਾ ਅਤੇ ਉਸਦੇ ਪਰਿਵਾਰ ਬਾਰੇ ਪੂਰੀ ਜਾਣਕਾਰੀ ਭਰ ਦਿੱਤੀ, ਪਰ ਉਸਨੂੰ ਆਪਣੇ ਪਿਤਾ ਅਤੇ ਉਸਦੇ ਪਰਿਵਾਰ ਬਾਰੇ ਕੁਝ ਨਹੀਂ ਪਤਾ ਸੀ।
![](https://scontent.fluh1-1.fna.fbcdn.net/v/t39.30808-6/457032027_1086043713549874_4033620744080039107_n.jpg?_nc_cat=102&ccb=1-7&_nc_sid=127cfc&_nc_ohc=XE5TlEEFIZQQ7kNvgHNISrS&_nc_ht=scontent.fluh1-1.fna&oh=00_AYCLW25yZKogFgRwvi8iR6H3cyCpAEyrcql97iDhb_P34g&oe=66D20ED1)
Father-son reunion after 19 years
ਇਸ ਤੋਂ ਬਾਅਦ ਉਸ ਨੇ ਆਪਣੇ ਪਿਤਾ ਸੁਖਪਾਲ ਸਿੰਘ ਨੂੰ ਲੱਭਣ ਦਾ ਫੈਸਲਾ ਕੀਤਾ। ਘਰ ਪਰਤਦਿਆਂ ਹੀ ਉਸ ਨੇ ਆਪਣੀ ਮਾਂ ਸਾਚੀ ਤਾਕਾਹਾਤਾ ਨੂੰ ਆਪਣੇ ਪਿਤਾ ਸੁਖਪਾਲ ਸਿੰਘ ਬਾਰੇ ਪੁੱਛਿਆ। ਘਰੋਂ 19 ਸਾਲ ਦੇ ਪਿਤਾ ਦੀ ਫੋਟੋ ਮਿਲੀ। ਮਾਂ ਨੂੰ ਪਿਤਾ ਸੁਖਪਾਲ ਦੇ ਪੁਰਾਣੇ ਘਰ ਦਾ ਪਤਾ ਯਾਦ ਸੀ, ਜੋ ਅੰਮ੍ਰਿਤਸਰ ਦੇ ਫਤਿਹਗੜ੍ਹ ਚੂੜੀਆਂ ਰੋਡ ‘ਤੇ ਸੀ। ਇਸ ਤੋਂ ਬਾਅਦ ਰਿਨ ਤਾਕਾਹਾਤਾ ਆਪਣੇ ਪਿਤਾ ਨੂੰ ਲੱਭਣ ਲਈ ਜਾਪਾਨ ਤੋਂ ਭਾਰਤ ਆਇਆ।
![](https://scontent.fluh1-3.fna.fbcdn.net/v/t39.30808-6/456513992_1086043706883208_2677162656274319158_n.jpg?_nc_cat=103&ccb=1-7&_nc_sid=127cfc&_nc_ohc=vdJrGeH1uhcQ7kNvgFMmoVg&_nc_ht=scontent.fluh1-3.fna&oh=00_AYAkhSqEwHe5S6s5vPgiC0L17oUgh4L5h4JTDdgTquZLtQ&oe=66D1FDDF)
Father-son reunion after 19 years
ਸੁਖਪਾਲ ਸਿੰਘ ਨੇ ਦੱਸਿਆ ਕਿ ਉਹ ਥਾਈਲੈਂਡ ਏਅਰਪੋਰਟ ‘ਤੇ ਸਾਚੀ ਤਾਕਾਹਾਤਾ ਨੂੰ ਮਿਲੇ ਸਨ। ਸਾਚੀ ਭਾਰਤ ਆ ਰਹੀ ਸੀ ਅਤੇ ਉਹ ਅੰਮ੍ਰਿਤਸਰ ਸਥਿਤ ਆਪਣੇ ਘਰ ਪਰਤ ਰਿਹਾ ਸੀ। ਜਹਾਜ਼ ਵਿਚ ਉਨ੍ਹਾਂ ਦੀਆਂ ਦੋਵੇਂ ਸੀਟਾਂ ਇਕੱਠੀਆਂ ਸਨ। ਸੁਖਪਾਲ ਨੇ ਸਾਚੀ ਨੂੰ ਹਰਿਮੰਦਰ ਸਾਹਿਬ ਅਤੇ ਵਾਹਗਾ ਬਾਰਡਰ ਦਿਖਾਉਣ ਦਾ ਵਾਅਦਾ ਕੀਤਾ। ਸਾਚੀ ਕਈ ਦਿਨਾਂ ਤੋਂ ਫਤਿਹਗੜ੍ਹ ਚੂੜੀਆਂ ਰੋਡ ‘ਤੇ ਸਥਿਤ ਪੁਰਾਣੇ ਘਰ ‘ਚ ਰਹੀ। ਇਸ ਦੌਰਾਨ ਦੋਹਾਂ ਨੂੰ ਪਿਆਰ ਹੋ ਗਿਆ। ਸਾਚੀ ਜਪਾਨ ਵਾਪਸ ਚਲੀ ਗਈ। ਇਸ ਤੋਂ ਬਾਅਦ ਸਾਚੀ ਨੇ ਉਸ ਨੂੰ ਜਾਪਾਨ ਬੁਲਾਇਆ। 2002 ‘ਚ ਜਾਪਾਨ ‘ਚ ਦੋਹਾਂ ਦਾ ਵਿਆਹ ਹੋਇਆ ਅਤੇ 2003 ‘ਚ ਰਿਨ ਤਾਕਾਹਾਤਾ ਦਾ ਜਨਮ ਹੋਇਆ।
ਇਹ ਵੀ ਪੜ੍ਹੋ : ‘ਕੁਮਕੁਮ ਭਾਗਿਆ’ ਫੇਮ ਆਸ਼ਾ ਸ਼ਰਮਾ ਦਾ ਹੋਇਆ ਦਿਹਾਂਤ, 88 ਸਾਲ ਦੀ ਉਮਰ ‘ਚ ਲਏ ਆਖਰੀ ਸਾਹ
ਸੁਖਪਾਲ ਦੱਸਦਾ ਹੈ ਕਿ ਜਦੋਂ ਉਸ ਦਾ ਸਾਚੀ ਨਾਲ ਵਿਆਹ ਹੋਇਆ ਸੀ ਤਾਂ ਉਸ ਦੀ ਉਮਰ 19 ਸਾਲ ਸੀ। ਉਹ ਪਰਿਵਾਰ ਨੂੰ ਸੰਭਾਲ ਨਹੀਂ ਸਕਦਾ ਸੀ। ਵਿਆਹ ਵਿੱਚ ਮੁਸ਼ਕਲਾਂ ਆਈਆਂ ਅਤੇ ਉਹ 2004 ਵਿੱਚ ਭਾਰਤ ਵਾਪਸ ਆ ਗਿਆ। ਸਾਚੀ ਵੀ ਉਸ ਨੂੰ ਮਨਾਉਣ ਲਈ ਅੰਮ੍ਰਿਤਸਰ ਆਈ ਅਤੇ ਉਸ ਨੂੰ ਵਾਪਸ ਆਪਣੇ ਨਾਲ ਲੈ ਗਈ। ਫਿਰ ਵੀ ਇਹ ਵਿਆਹ ਜ਼ਿਆਦਾ ਸਮਾਂ ਨਹੀਂ ਚੱਲ ਸਕਿਆ ਅਤੇ ਤਲਾਕ ਤੋਂ ਬਾਅਦ ਉਹ 2007 ਵਿੱਚ ਭਾਰਤ ਪਰਤ ਆਇਆ। ਭਾਰਤ ਆ ਕੇ ਉਸ ਦਾ ਵਿਆਹ ਗੁਰਵਿੰਦਰਜੀਤ ਕੌਰ ਨਾਲ ਹੋਇਆ। ਦੂਜੇ ਵਿਆਹ ਤੋਂ ਬਾਅਦ ਉਨ੍ਹਾਂ ਦੀ ਇੱਕ ਬੇਟੀ ਅਵਲੀਨ ਪੰਨੂ ਹੈ।
ਰਿਨ ਤਾਕਾਹਾਤਾ ਨੇ ਕਿਹਾ ਕਿ ਉਸਨੇ ਸੋਸ਼ਲ ਮੀਡੀਆ ‘ਤੇ ਆਪਣੇ ਪਿਤਾ ਨੂੰ ਲੱਭਣ ਦੀ ਬਹੁਤ ਕੋਸ਼ਿਸ਼ ਕੀਤੀ, ਪਰ ਕੋਈ ਫਾਇਦਾ ਨਹੀਂ ਹੋਇਆ। ਹੁਣ ਉਸ ਨੂੰ ਆਪਣੇ ਪਿਤਾ ਨਾਲ ਪੂਰਾ ਪਰਿਵਾਰ ਮਿਲ ਗਿਆ ਹੈ। ਉਹ ਆਪਣੇ ਆਪ ਨੂੰ ਜਾਪਾਨ ਵਿਚ ਇਕੱਲਾ ਸਮਝਦਾ ਸੀ, ਪਰ ਹੁਣ ਉਸ ਨੂੰ ਆਪਣੇ ਪਿਤਾ ਦੇ ਨਾਲ ਇਕ ਭੈਣ ਮਿਲ ਗਈ ਸੀ। ਰੱਖੜੀ ਦੇ ਤਿਉਹਾਰ ‘ਤੇ ਅਵਲੀਨ ਨੇ ਉਨ੍ਹਾਂ ਨੂੰ ਰੱਖੜੀ ਬੰਨ੍ਹੀ। ਰਿਨ ਨੇ ਕਿਹਾ ਕਿ ਉਹ ਆਪਣੇ ਮਾਤਾ-ਪਿਤਾ ਨੂੰ ਦੁਬਾਰਾ ਇਕੱਠੇ ਦੇਖਣਾ ਚਾਹੁੰਦਾ ਹੈ। ਉਸਨੇ ਆਪਣੇ ਪਿਤਾ ਨਾਲ ਵਾਅਦਾ ਕੀਤਾ ਹੈ ਕਿ ਉਹ ਬਾਕਾਇਦਾ ਅੰਮ੍ਰਿਤਸਰ ਆਵੇਗਾ ਅਤੇ ਆਪਣੇ ਪਿਤਾ ਅਤੇ ਆਪਣੇ ਭਾਰਤੀ ਪਰਿਵਾਰ ਨਾਲ ਅੰਮ੍ਰਿਤਸਰ ਵਿੱਚ ਹੀ ਰਹੇਗਾ।
ਵੀਡੀਓ ਲਈ ਕਲਿੱਕ ਕਰੋ -:
![](https://dailypost.in/wp-content/uploads/2024/08/WhatsApp-Image-2024-08-26-at-11.57.55-AM.jpeg)