ਇੰਗਲੈਂਡ ਕ੍ਰਿਕਟ ਟੀਮ ਦੇ ਸਟਾਰ ਬੱਲੇਬਾਜ਼ ਡੇਵਿਡ ਮਲਾਨ ਨੇ ਇੰਟਰਨੈਸ਼ਨਲ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਹੈ। 37 ਸਾਲ ਦੇ ਮਲਾਨ ਜੋਸ ਬਟਲਰ ਦੇ ਇਲਾਵਾ ਇੰਗਲੈਂਡ ਇਕਲੌਤੇ ਅਜਿਹੇ ਖਿਡਾਰੀ ਰਹੇ ਜਿਨ੍ਹਾਂ ਨੇ ਤਿੰਨੋਂ ਫਾਰਮੈਂਟਾਂ ਵਿੱਚ ਸੈਂਕੜਾ ਲਗਾਇਆ ਹੈ। ਮਲਾਨ ਟੀ-20 ਰੈਂਕਿੰਗ ਵਿੱਚ ਨੰਬਰ-1 ਰਹਿ ਚੁੱਕੇ ਹਨ। ਮਲਾਨ ਸਾਲ 2023 ਵਿੱਚ ਹੋਏ ਵਨਡੇ ਵਿਸ਼ਵ ਕੱਪ ਦੇ ਬਾਅਦ ਇੰਗਲੈਂਡ ਦੀ ਟੀਮ ਤੋਂ ਬਾਹਰ ਚੱਲ ਰਹੇ ਸਨ। ਆਸਟ੍ਰੇਲੀਆ ਦੇ ਖਿਲਾਫ਼ ਹੋਣ ਵਾਲੀ ਸੀਰੀਜ਼ ਵਿੱਚ ਵੀ ਉਹ ਟੀਮ ਦਾ ਹਿੱਸਾ ਨਹੀਂ ਬਣੇ। ਇਸੇ ਕਾਰਨ ਉਨ੍ਹਾਂ ਨੇ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ ਹੈ।
![](https://images.news18.com/webstories/uploads/2024/08/50ea_x425_2087_9-2024-08-a257aa6e96f8b583c6e1a18923a28563.jpg)
England’s Dawid Malan Announces Retirement
ਉਨ੍ਹਾਂ ਨੇ ਕਿਹਾ ਕਿ ਮੈਂ ਤਿੰਨੋਂ ਫਾਰਮੈਟ ਨੂੰ ਬਹੁਤ ਗੰਭੀਰਤਾ ਨਾਲ ਲਿਆ, ਪਰ ਟੈਸਟ ਕ੍ਰਿਕਟ ਦੀ ਇੰਟੇਂਸਿਟੀ ਅਲੱਗ ਹੈ- ਪੰਜ ਦਿਨ। ਇਸ ਤੋਂ ਇਲਾਵਾ ਇਸ ਤੋਂ ਪਹਿਲਾਂ ਦਾ ਮਾਹੌਲ। ਮੈਂ ਟ੍ਰੇਨਿੰਗ ਕਰਦਾ ਹਾਂ। ਮੈਨੂੰ ਗੇਂਦਾਂ ਖੇਡਣ ਦਾ ਸ਼ੌਂਕ ਹੈ। ਮੈਂ ਕਾਫ਼ੀ ਮਿਹਨਤ ਕਰਦਾ ਹਾਂ। ਮੈਂ ਕਾਫ਼ੀ ਟ੍ਰੇਨਿੰਗ ਕਰਦਾ ਸੀ ਤੇ ਫਿਰ ਦਿਨ ਕਾਫ਼ੀ ਲੰਬੇ ਹੁੰਦੇ ਸਨ। ਤੁਸੀਂ ਸਵਿੱਚ ਆਫ਼ ਨਹੀਂ ਹੋ ਸਕਦੇ।
ਇਹ ਵੀ ਪੜ੍ਹੋ: ਕੈਨੇਡਾ ਸਰਕਾਰ ਦਾ ਇੱਕ ਹੋਰ ਵੱਡਾ ਝਟਕਾ ! ਵਿਜ਼ਿਟਰ ਵੀਜ਼ਾ ‘ਤੇ ਆਏ ਲੋਕਾਂ ਨੂੰ ਨਹੀਂ ਮਿਲੇਗਾ ਵਰਕ ਪਰਮਿਟ
ਮਲਾਨ ਨੇ ਇੰਗਲੈਂਡ ਦੇ ਲਈ 22 ਟੈਸਟ, 30 ਵਨਡੇ ਤੇ 62 ਟੀ-20 ਇੰਟਰਨੈਸ਼ਨਲ ਖੇਡੇ। ਉਹ ਟੀ-20 ਕ੍ਰਿਕਟ ਵਿੱਚ ਨੰਬਰ-1 ਬੱਲੇਬਾਜ਼ ਵੀ ਬਣੇ। ਟੈਸਟ ਵਿੱਚ ਇੰਗਲੈਂਡ ਦੇ ਇਸ ਖਿਡਾਰੀ ਨੇ 27.53 ਦੀ ਔਸਤ ਨਾਲ 1,074 ਦੌੜਾਂ ਬਣਾਈਆਂ ਸਨ। ਵਨਡੇ ਵਿੱਚ ਉਨ੍ਹਾਂ ਨੇ 55.76 ਦੀ ਔਸਤ ਨਾਲ 1,450 ਦੌੜਾਂ ਬਣਾਈਆਂ ਸਨ। ਟੀ-20 ਵਿੱਚ ਉਨ੍ਹਾਂ ਨੇ 36.38 ਦੀ ਔਸਤ ਨਾਲ 1,892 ਦੌੜਾਂ ਬਣਾਈਆਂ ਸਨ। ਟੈਸਟ ਤੇ ਟੀ-20 ਵਿੱਚ ਮਲਾਨ ਨੇ 1-1 ਸੈਂਕੜਾ ਤੇ ਵਨਡੇ ਵਿੱਚ 6 ਸੈਂਕੜੇ ਲਗਾਏ।
![](https://i.guim.co.uk/img/media/96bf4c918bebdf94dce3ad760292e001caf73d46/0_4_3407_2044/master/3407.jpg?width=465&dpr=1&s=none)
England’s Dawid Malan Announces Retirement
ਦੱਸ ਦੇਈਏ ਕਿ ਮਲਾਨ ਨੇ ਸਾਲ 2017 ਵਿੱਚ ਦੱਖਣੀ ਅਫਰੀਕਾ ਦੇ ਖਿਲਾਫ਼ ਆਪਣੇ ਟੀ-20 ਇੰਟਰਨੈਸ਼ਨਲ ਡੈਬਿਊ ‘ਤੇ 44 ਗੇਂਦਾਂ ‘ਤੇ 78 ਦੌੜਾਂ ਦੀ ਪਾਰੀ ਖੇਡੀ। ਇਸਦੇ ਬਾਅਦ ਉਨ੍ਹਾਂ ਨੇ ਪਰਥ ਵਿੱਚ ਜਾਨੀ ਬੇਅਰਸਟੋ ਦੇ ਨਾਲ ਸਾਂਝੇਦਾਰੀ ਕਰਦੇ ਹੋਏ 227 ਗੇਂਦਾਂ ‘ਤੇ 140 ਦੌੜਾਂ ਦੀ ਆਪਣੀ ਇਕਲੌਤੀ ਟੈਸਟ ਸੈਂਕੜੇ ਵਾਲੀ ਪਾਰੀ ਖੇਡੀ। ਤੂਫ਼ਾਨੀ ਬੱਲੇਬਾਜ਼ ਮਲਾਨ IPL ਵਿੱਚ ਵੀ ਕੇਹੜਾ ਚੁੱਕੇ ਹਨ। ਮਲਾਨ ਨੂੰ ਸਾਲ 2021 ਵਿੱਚ ਪੰਜਾਬ ਕਿੰਗਜ਼ ਨੇ 1.5 ਕਰੋੜ ਰੁਪਏ ਵਿੱਚ ਟੀਮ ਦਾ ਹਿੱਸਾ ਬਣਾਇਆ ਸੀ। ਹਾਲਾਂਕਿ ਉਨ੍ਹਾਂ ਨੂੰ ਸਿਰਫ਼ ਇੱਕ ਮੈਚ ਖੇਡਣ ਦਾ ਮੌਕਾ ਮਿਲਿਆ। ਉਨ੍ਹਾਂ ਦੇ ਨਾਮ IPL ਵਿੱਚ 26 ਦੌੜਾਂ ਦਰਜ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
![](https://dailypost.in/wp-content/uploads/2024/08/WhatsApp-Image-2024-08-26-at-11.57.55-AM.jpeg)