ਸਰਦੀਆਂ ਦੇ ਮੌਸਮ ਅਕਸਰ ਇਕ ਦਿਨ ਅਚਾਨਕ ਸਵੇਰੇ ਉਠਦੇ ਹੀ ਫਰਸ਼ ਬਰਫ ਵਰਗਾ ਠੰਡਾ ਲੱਗਣ ਲੱਗਦਾ ਹੈ। ਹਵਾ ਭਾਰੀ ਤੇ ਸੁਸਤ ਹੋ ਜਾਂਦੀ ਹੈ। ਧੁੱਪ ਘੱਟ ਦਿਖਾਈ ਦਿੰਦੀ ਹੈ ਤੇ ਘਰ ਦੇ ਕੋਨਿਆਂ ਵਿਚ ਵੀ ਠੰਡ ਲੱਗਦੀ ਹੈ। ਅਜਿਹੇ ਵਿਚ ਸਭ ਤੋਂ ਪਹਿਲਾਂ ਸਾਡੇ ਦਿਮਾਗ ਵਿਚ ਹੀਟਲ ਚਲਾਉਣਦਾ ਖਿਆਲ ਆਉਂਦਾ ਹੈ ਪਰ ਹਰ ਘਰ ਵਿਚ ਹੀਟਰ ਨਹੀਂ ਹੁੰਦਾ। ਕਈ ਥਾਵਾਂ ‘ਤੇ ਬਿਜਲੀ ਦੀ ਸਮੱਸਿਆ ਹੁੰਦੀ ਹੈ ਤੇ ਕਿਤੇ ਲੋਕ ਜ਼ਿਆਦਾ ਬਿੱਲ ਤੋਂ ਬਚਣਾ ਚਾਹੁੰਦੇ ਹਨ ਤੇ ਕਈ ਵਾਰ ਹਲਕੀ ਸਰਦੀ ਵਿਚ ਹੀਟਰ ਦੀ ਲੋੜ ਵੀ ਨਹੀਂ ਹੁੰਦੀ ਹੈ।
ਘਰ ਨੂੰ ਗਰਮ ਰੱਖਣ ਲਈ ਹਮੇਸ਼ਾ ਮਸ਼ੀਨਾਂ ਦੀ ਲੋੜ ਨਹੀਂ ਪੈਂਦੀ। ਪੁਰਾਣੇ ਸਮੇਂ ਵਿਚ ਜਦੋਂ ਹੀਟਰ ਵਰਗੀਆਂ ਸਹੂਲਤਾਂ ਨਹੀਂ ਸਨ ਤਾਂ ਲੋਕ ਆਪਣੇ ਘਰ ਨੂੰ ਛੋਟੇ-ਛੋਟੇ ਤਰੀਕਿਆਂ ਨਾਲ ਗਰਮ ਰੱਖਦੇ ਸਨ। ਇਹ ਤਰੀਕੇ ਅੱਜ ਵੀ ਓਨੇ ਹੀ ਕਾਰਗਰ ਹਨ ਜਿਵੇਂ ਪਰਦੇ, ਕਾਲੀਨ, ਫਰਨੀਚਰ ਦੀ ਜਗ੍ਹਾ, ਬਿਸਤਰ ਦੀਆਂ ਚਾਦਰਾਂ ਤੇ ਰਸੋਈ ਤੋਂ ਨਿਕਲਣ ਵਾਲੀ ਗਰਮੀ ਇਹ ਸਾਰਾ ਕੁਝ ਮਿਲ ਕੇ ਘਰ ਦੇ ਮਾਹੌਲ ਨੂੰ ਗਰਮ ਬਣਾ ਸਕਦੇ ਹਨ। ਥੋੜ੍ਹੀ ਜਿਹੀ ਸਮਝਦਾਰ ਤੇ ਕੁਝ ਆਸਾਨ ਆਦਤਾਂ ਅਪਣਾ ਕੇ ਤੁਸੀਂ ਬਿਨਾਂ ਕਿਸੇ ਵਾਧੂ ਖਰਚ ਦੇ ਆਪਣੇ ਘਰ ਨੂੰ ਸਰਦੀਆਂ ਵਿਚ ਆਰਾਮਦਾਇਕ ਬਣਾ ਸਕਦੇ ਹੋ।
ਠੰਡੀ ਹਵਾ ਆਉਣ ਵਾਲੀਆਂ ਦਰਾਰਾਂ ਨੂੰ ਬੰਦ ਕਰੋ
ਅਕਸਰ ਠੰਡੀ ਹਵਾ ਸਿੱਧੇ ਸਾਹਮਣੇ ਤੋਂ ਨਹੀਂ ਆਉਂਦੀ ਸਗੋਂ ਦਰਵਾਜ਼ਿਆਂ ਤੇ ਖਿੜਕੀਆਂ ਦੀਆਂ ਛੋਟੀਆਂ-ਛੋਟੀਆਂ ਦਰਾਰਾਂ ਤੋਂ ਅੰਦਰ ਵੜਦੀ ਹੈ। ਇਹ ਦਰਾਰਾਂ ਦਿਖਣ ਵਿਚ ਛੋਟੀਆਂ ਲੱਗਦੀਆਂ ਹਨ ਪਰ ਪੂਰੇ ਕਮਰੇ ਨੂੰ ਠੰਡ ਕਰ ਦਿੰਦੀਆਂ ਹਨ। ਤੁਸੀਂ ਦਰਵਾਜ਼ਿਆਂ ਤੇ ਖਿੜਕੀਆਂ ‘ਤੇ ਮੋਟੇ ਪਰਦੇ ਪੂਰੀ ਤਰ੍ਹਾਂ ਬੰਦ ਕਰ ਦਿਓ। ਇਸ ਦਾ ਮਤਲਬ ਘਰ ਨੂੰ ਬਿਲਕੁਲ ਬੰਦ ਕਰਨਾ ਨਹੀਂ ਹੈ ਸਗੋਂ ਠੰਡੀ ਹਵਾ ਅੰਦਰ ਜਾਣ ਤੋਂ ਬਚਾਉਣਾ ਹੈ।
ਫਰਸ਼ ਨੂੰ ਢਕੋ
ਸਰਦੀਆਂ ਵਿਚ ਫਰਸ਼ ਸਭ ਤੋਂ ਵਧ ਠੰਡ ਫੈਲਾਉਂਦਾ ਹੈ। ਖਾਸ ਕਰਕੇ ਫਰਸ਼ ਟਾਈਲ, ਸੰਗਮਰਮਰ ਜਾਂ ਪੱਥਰ ਦਾ ਹੋਵੇ, ਇਹ ਚੀਜ਼ਾਂ ਲੰਬੇ ਸਮੇਂ ਤੱਕ ਠੰਡ ਨੂੰ ਆਪਣੇ ਅੰਦਰ ਸਮੇਟ ਕੇ ਰੱਖਦੀਆਂ ਹਨ। ਜੇਕਰ ਤੁਸੀਂ ਨੰਗੇ ਪੈਰ ਚੱਲਦੇ ਹੋ ਤਾਂ ਠੰਡ ਸਿੱਧੇ ਸਰੀਰ ਵਿਚ ਲੱਗਦੀ ਹੈ। ਇਸ ਤੋਂ ਬਚਣ ਲਈ ਕਮਰੇ ਵਿਚ ਛੋਟਾ ਜਿਹਾ ਕਾਲੀਨ ਜਾਂ ਗਲੀਚਾ ਵਿਛਾਓ। ਬਿਸਤਲ ਕੋਰ ਜਿਥੇ ਤੁਸੀਂ ਜ਼ਿਆਦਾ ਬੈਠਦੇ ਹੋ, ਉਥੇ ਗਲੀਚਾ ਰੱਖੋ। ਜ਼ਰੂਰੀ ਨਹੀਂ ਕਿ ਪੂਰਾ ਕਮਰਾ ਢਕਿਆ ਹੋਵੇ। ਇਕ ਛੋਟਾ ਜਿਹਾ ਬਦਲਾਅ ਵੀ ਕਮਰੇ ਦੇ ਮਾਹੌਲ ਨੂੰ ਕਾਫੀ ਗਰਮ ਬਣਾ ਦਿੰਦੇ ਹਨ। ਜਦੋਂ ਪੈਰ ਗਰਮ ਰਹਿੰਦੇ ਹਨ ਤਾਂ ਪੂਰਾ ਸਰੀਰ ਤੇ ਕਮਰਾ ਜ਼ਿਆਦਾ ਆਰਾਮਦਾਇਕ ਲੱਗਦਾ ਹੈ।
ਦੀਵਾਰਾਂ ਤੇ ਫਰਨੀਚਰ ਦਾ ਸਹੀ ਇਸਤੇਮਾਲ ਕਰੋ
ਸਰਦੀਆਂ ਵਿਚ ਖਾਲੀ ਦੀਵਾਰਾਂ ਕਮਰੇ ਨੂੰ ਠੰਡਾ ਮਹਿਸੂਸ ਕਰਾਉਂਦੀਆਂ ਹਨ। ਅਜਿਹੇ ਵਿਚ ਤੁਸੀਂ ਦੀਵਾਰਾਂ ‘ਤੇ ਕੱਪੜੇ ਦੀ ਵਾਲ ਹੈਂਗਿੰਗ ਲਗਾਓ। ਮੋਟੇ ਪਰਦਿਆਂ ਦਾ ਇਸਤੇਮਾਲ ਕਰੋ। ਇਹ ਚੀਜ਼ਾਂ ਦੀਵਾਰਾਂ ਤੋਂ ਆਉਣ ਵਾਲੀ ਠੰਡ ਨੂੰ ਰੋਕਦੀ ਹੈ ਤੇ ਗਰਮੀ ਨੂੰ ਕਮਰੇ ਦੇ ਅੰਦਰ ਬਣਾਏ ਰੱਖਦੀ ਹੈ। ਫਰਨੀਚਰ ਦੀ ਗੱਲ ਕਰੀਏ ਤਾਂ ਲੱਕੜੀ ਦਾ ਫਰਨੀਚਰ ਠੰਡ ਘੱਟ ਫੈਲਾਉਂਦਾ ਹੈ। ਬੈਠਣਮ ਦੀ ਜਗ੍ਹਾ ਨੂੰ ਸਿੱਧੀ ਦੀਵਾਰ ਤੋਂ ਥੋੜ੍ਹਾ ਦੂਰ ਰੱਖੋ।
ਬਿਸਤਰ ਦੀਆਂ ਮੋਟੀਆਂ ਚਾਦਰਾਂ ਤੇ ਕੰਬਲ ਇਸਤੇਮਾਲ ਕਰੋ
ਬਿਸਤਰ ਸਿਰਫ ਸਾਨੂੰ ਗਰਮ ਰੱਖਣ ਲਈ ਨਹੀਂ ਹੁੰਦਾ ਸਗੋਂ ਇਹ ਕਮਰੇ ਦੀ ਗਰਮੀ ਨੂੰ ਵੀ ਸੰਭਾਲਦਾ ਹੈ। ਮੋਟੇ ਕੰਬਲ, ਕਈ ਪਰਤਾਂ ਵਾਲੀਆਂ ਚਾਦਰਾਂ, ਜ਼ਿਆਦਾ ਤਕੀਏ, ਇਹ ਸਾਰਾ ਕੁਝ ਸਰੀਰ ਦੀ ਗਰਮੀ ਨੂੰ ਬਾਹਰ ਫੈਲਣ ਤੋਂ ਰੋਕਦੇ ਹਨ। ਰਾਤ ਵਿਚ ਇਹੀ ਗਰਮੀ ਹੌਲੀ-ਹੌਲੀ ਕਮਰੇ ਵਿਚ ਬਣੀ ਰਹਿੰਦੀ ਹੈ। ਜੇਕਰ ਬਿਸਤਰ ਕੋਲ ਖਿੜਕੀ ਹੋਵੇ ਤਾਂ ਉਥੇ ਮੋਟੇ ਪਰਦੇ ਜ਼ਰੂਰ ਲਗਾਓ, ਇਸ ਨਾਲ ਰਾਤ ਵਿਚ ਠੰਡ ਜਲਦੀ ਨਹੀਂ ਵੜਦੀ ਹੈ।
ਰਸੋਈ ਦੀ ਗਰਮੀ ਦਾ ਫਾਇਦਾ ਚੁੱਕੋ
ਰਸੋਈ ਘਰ ਦੀ ਉਹ ਜਗ੍ਹਾ ਹੈ ਜਿਥੇ ਸਰਦੀਆਂ ਵਿਚ ਸਭ ਤੋਂ ਵੱਧ ਗਰਮੀ ਬਣਦੀ ਹੈ। ਖਾਣਾ ਪਾਕਉਂਦੇ ਸਮੇਂ ਗੈਸ ਤੋਂ ਨਿਕਲਣ ਵਾਲੀ ਗਰਮੀ ਨੂੰ ਬੇਕਾਰ ਨਾ ਜਾਣ ਦਿਓ। ਖਾਣਾ ਬਣ ਜਾਣ ਦੇ ਬਾਅਦ ਰਸੋਈ ਦਾ ਦਰਵਾਜ਼ਾ ਥੋੜ੍ਹੀ ਦੇਰ ਖੁੱਲ੍ਹਾ ਰੱਖੋ। ਪਾਣੀ ਉਬਾਲਣ ਨਾਲ ਹਵਾ ਵਿਚ ਗਰਮੀ ਤੇ ਨਮੀ ਵਧਦੀ ਹੈ। ਸ਼ਾਮ ਸਮੇਂ ਇਹ ਤਰੀਕਾ ਖਾਸ ਤੌਰ ‘ਤੇ ਫਾਇਦੇਮੰਦ ਹੁੰਦਾ ਹੈ। ਜਦੋਂ ਪੂਰਾ ਘਰ ਠੰਡਾ ਹੋਣ ਲੱਗਦਾ ਹੈ, ਇਹ ਤਰੀਕਾ ਬਹੁਤ ਕੁਦਰਤੀ ਤੇ ਅਸਰਦਾਰ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
