ਭਾਰਤੀ ਪੁਲਾੜ ਖੋਜ ਸੰਗਠਨ (ISRO) ਦੇ PSLV-C62 ਮਿਸ਼ਨ ਨੂੰ ਝਟਕਾ ਲੱਗਾ ਹੈ। ਸੋਮਵਾਰ ਨੂੰ ਇਸ ਦੇ ਸਫਲ ਲਾਂਚ ਤੋਂ ਬਾਅਦ, PSLV-C62 ਉਪਗ੍ਰਹਿਆਂ ਨੂੰ ਉਨ੍ਹਾਂ ਦੇ ਨਿਰਧਾਰਤ ਪੰਧ ਵਿੱਚ ਰੱਖਣ ਵਿੱਚ ਅਸਫਲ ਰਿਹਾ। ਇਸਰੋ ਨੇ X ‘ਤੇ ਪੋਸਟ ਕੀਤਾ, “ਤੀਜੇ ਪੜਾਅ ਦੌਰਾਨ ਰਾਕੇਟ ਨੇ ਆਪਣੀ ਸਥਿਤੀ ਦਾ ਕੰਟਰੋਲ ਗੁਆ ਦਿੱਤਾ। ਇਹ ਲਗਾਤਾਰ ਦੂਜਾ PSLV ਮਿਸ਼ਨ ਹੈ ਜਿਸ ਵਿੱਚ ISRO ਨੂੰ PSLV ਦੇ ਤੀਜੇ ਪੜਾਅ ਵਿੱਚ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ ਹੈ। ਹੋਰ ਵੇਰਵਿਆਂ ਦੀ ਉਡੀਕ ਹੈ, ਪਰ ਮੌਜੂਦਾ ਸਥਿਤੀ ਪ੍ਰਤੀਕੂਲ ਜਾਪਦੀ ਹੈ।”
ਇਸਰੋ ਦੇ ਚੇਅਰਮੈਨ ਡਾ. ਵੀ. ਨਾਰਾਇਣਨ ਨੇ ਮਿਸ਼ਨ ਕੰਟਰੋਲ ਸੈਂਟਰ ਦੇ ਵਿਗਿਆਨੀਆਂ ਨੂੰ ਸੰਬੋਧਨ ਕਰਦੇ ਹੋਏ ਅਸਫਲਤਾ ਦੀ ਪੁਸ਼ਟੀ ਕੀਤੀ। ਉਨ੍ਹਾਂ ਕਿਹਾ, “PSLV-C62 ਮਿਸ਼ਨ ਦੇ ਪਹਿਲੇ ਤਿੰਨ ਪੜਾਵਾਂ ਦਾ ਪ੍ਰਦਰਸ਼ਨ ਪੂਰੀ ਤਰ੍ਹਾਂ ਆਮ ਸੀ। ਇਸ ਤੋਂ ਬਾਅਦ, ਇੱਕ ਵਿਗਾੜ ਦਾ ਪਤਾ ਲੱਗਿਆ, ਅਤੇ ਉਡਾਣ ਆਪਣੇ ਨਿਰਧਾਰਤ ਰਸਤੇ ਤੋਂ ਭਟਕ ਗਈ, ਜਿਸਦੇ ਨਤੀਜੇ ਵਜੋਂ ਮਿਸ਼ਨ ਅਸਫਲ ਹੋ ਗਿਆ।” ਇਸਰੋ ਮੁਖੀ ਨੇ ਅੱਗੇ ਕਿਹਾ ਕਿ ਵਿਗਿਆਨੀ ਡੇਟਾ ਦਾ ਵਿਸ਼ਲੇਸ਼ਣ ਕਰ ਰਹੇ ਹਨ ਅਤੇ ਜਲਦੀ ਹੀ ਅਸਫਲਤਾ ਦੇ ਸਹੀ ਕਾਰਨ ਬਾਰੇ ਵਿਸਤ੍ਰਿਤ ਜਾਣਕਾਰੀ ਪ੍ਰਦਾਨ ਕਰਨਗੇ।
PSLV-C62 ਰਾਕੇਟ ਆਪਣੇ ਨਾਲ ਣਨੀਤਕ ਉਦੇਸ਼ਾਂ ਦੇ ਲਈ ਵਿਸ਼ੇਸ਼ ਤੌਰ ‘ਤੇ ਡਿਜ਼ਾਈਨ ਕੀਤਾ ਗਿਆ DRDO ਦੇ ਅਨਵੇਸ਼ਾ (ਨਿਰੀਖਣ ਉਪਗ੍ਰਹਿ) ਅਤੇ 15 ਹੋਰ ਅੰਤਰਰਾਸ਼ਟਰੀ ਉਪਗ੍ਰਹਿਾਂ ਨੂੰ ਲਿਜਾਇਆ। ਅੱਜ ਦੇ ਲਾਂਚ ਵਿੱਚ ਕੁੱਲ 15-18 ਛੋਟੇ ਉਪਗ੍ਰਹਿ ਵੀ ਸ਼ਾਮਲ ਸਨ, ਜਿਨ੍ਹਾਂ ਵਿੱਚੋਂ ਬਹੁਤ ਸਾਰੇ ਭਾਰਤੀ ਸਟਾਰਟਅੱਪ ਅਤੇ ਯੂਨੀਵਰਸਿਟੀਆਂ ਦੇ ਸਨ। ਹੈਦਰਾਬਾਦ ਸਥਿਤ ਧਰੁਵ ਸਪੇਸ ਨੇ ਸਭ ਤੋਂ ਵੱਡੀ ਭੂਮਿਕਾ ਨਿਭਾਈ, ਸੱਤ ਉਪਗ੍ਰਹਿਆਂ ਦਾ ਯੋਗਦਾਨ ਪਾਇਆ। ਕੰਪਨੀ ਨੇ ਖੁਦ ਚਾਰ ਉਪਗ੍ਰਹਿ ਬਣਾਏ, ਜਿਨ੍ਹਾਂ ਵਿੱਚ ਘੱਟ-ਡਾਟਾ-ਰੇਟ ਸੰਚਾਰ ਉਪਗ੍ਰਹਿ ਸ਼ਾਮਲ ਹਨ।
ਇਹ ਵੀ ਪੜ੍ਹੋ : AAP ਸਰਪੰਚ ਕਤਲ ਮਾਮਲੇ ‘ਚ DGP ਨੇ ਕੀਤੀ ਪ੍ਰੈੱਸ ਕਾਨਫਰੰਸ, ਬੋਲੇ-‘ਹੁਣ ਤੱਕ 7 ਮੁਲਜ਼ਮ ਕੀਤੇ ਜਾ ਚੁੱਕੇ ਗ੍ਰਿਫਤਾਰ’
ਇਹ ਮਿਸ਼ਨ ਨਿਊਸਪੇਸ ਇੰਡੀਆ ਲਿਮਟਿਡ ਦੁਆਰਾ ਕੀਤਾ ਗਿਆ ਨੌਵਾਂ ਵਪਾਰਕ ਧਰਤੀ ਨਿਰੀਖਣ ਮਿਸ਼ਨ ਸੀ। PSLV ਨੂੰ ਦੁਨੀਆ ਦੇ ਸਭ ਤੋਂ ਭਰੋਸੇਮੰਦ ਰਾਕੇਟਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ, ਜਿਸਨੇ ਪਹਿਲਾਂ ਚੰਦਰਯਾਨ-1, ਮੰਗਲਯਾਨ ਅਤੇ ਆਦਿਤਿਆ-L1 ਵਰਗੇ ਵੱਡੇ ਮਿਸ਼ਨਾਂ ਨੂੰ ਸਫਲਤਾਪੂਰਵਕ ਪੂਰਾ ਕੀਤਾ ਹੈ। ਹਾਲਾਂਕਿ, 12 ਜਨਵਰੀ ਨੂੰ PSLV-C62 ਦੇ ਸਫਲ ਲਾਂਚ ਤੋਂ ਬਾਅਦ, ਇਸਨੂੰ ਔਰਬਿਟ ਵਿੱਚ ਉਤਾਰਨ ਵਿੱਚ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪਿਆ।
ਵੀਡੀਓ ਲਈ ਕਲਿੱਕ ਕਰੋ -:
