ਸ਼ਿਕਾਇਤ ਨਿਵਾਰਣ ਕਮੇਟੀ ਦੀ ਮੀਟਿੰਗ ਦੌਰਾਨ ਊਰਜਾ ਅਤੇ ਆਵਾਜਾਈ ਮੰਤਰੀ ਅਨਿਲ ਵਿਜ ਅਤੇ ਕੈਥਲ ਐਸਪੀ ਉਪਾਸਨਾ ਵਿਚਕਾਰ ਤਿੱਖੀ ਬਹਿਸ ਹੋ ਗਈ। ਇਸ ਦੌਰਾਨ ਮੰਤਰੀ ਐੱਸ.ਪੀ. ‘ਤੇ ਭੜਕ ਉਠੇ। ਉਨ੍ਹਾਂ ਨੇ ਐੱਸ.ਪੀ. ਨੂੰ ਇਹ ਤੱਕ ਕਹਿ ਦਿੱਤਾ ਕਿ ਜਾਓ ਇਥੋਂ ਜਦੋਂ ਤੁਹਾਡੇ ਕੋਲ ਪਾਵਰ ਨਹੀਂ ਹੈ। ਹਾਲਾਂਕਿ ਐੱਸ.ਪੀ. ਵੀ ਦ੍ਰਿੜ੍ਹਤਾ ਨਾਲ ਕਾਨੂੰਨੀ ਦਾਇਰੇ ਦੇ ਚੱਲਦੇ ਕਾਰਵਾਈ ਨਾ ਕਰ ਸਕਣ ਦ ਗੱਲ ਕਹਿੰਦੀ ਰਹੀ।
ਸ਼ੁੱਕਰਵਾਰ ਨੂੰ ਆਰਕੇਐਸਡੀ ਕਾਲਜ ਵਿੱਚ ਹੋਈ ਇੱਕ ਮੀਟਿੰਗ ਵਿੱਚ ਮੰਤਰੀ ਨੇ ਕੁਰੂਕਸ਼ੇਤਰ ਦੇ ਇੱਕ ਪੁਲਿਸ ਅਧਿਕਾਰੀ ਨੂੰ ਜਾਂਚ ਤੱਕ ਮੁਅੱਤਲ ਕਰਨ ਦਾ ਹੁਕਮ ਦਿੱਤਾ, ਜੋ ਇੱਕ ਮਾਮਲੇ ਵਿੱਚ ਦੋਸ਼ੀ ਸੀ। ਐਸਪੀ ਨੇ ਜਵਾਬ ਦਿੱਤਾ ਕਿ “ਸਰ, ਮੇਰੇ ਕੋਲ ਅਧਿਕਾਰੀ ਨੂੰ ਮੁਅੱਤਲ ਕਰਨ ਦੀ ਸ਼ਕਤੀ ਦੀ ਘਾਟ ਹੈ।” ਇਹ ਸੁਣ ਕੇ ਮੰਤਰੀ ਵਿਜ ਗੁੱਸੇ ਵਿੱਚ ਆ ਗਏ ਅਤੇ ਕਿਹਾ ਕਿ “ਮੈਂ ਕਹਿ ਰਿਹਾ ਸਸਪੈਂਡ ਕਰੋ, ਇਸ ਤੋਂ ਵੱਡੀ ਪਾਵਰ ਕੀ ਹੈ? ਤੁਸੀਂ ਹਰ ਮਾਮਲੇ ਵਿੱਚ ਅਜਿਹਾ ਕਰਦੇ ਹੋ।” ਐਸਪੀ ਨੇ ਦੁਹਰਾਇਆ ਕਿ ਮਾਮਲਾ ਕੁਰੂਕਸ਼ੇਤਰ ਨਾਲ ਸਬੰਧਤ ਹੈ। ਸਿਰਫ਼ ਕੁਰੂਕਸ਼ੇਤਰ ਐਸਪੀ ਜਾਂ ਡੀਜੀ ਹੀ ਕਾਰਵਾਈ ਕਰ ਸਕਦੇ ਹਨ, ਮੇਰੇ ਕੋਲ ਪਾਵਰ ਨਹੀਂ ਹੈ। ਇਹ ਸੁਣ ਕੇ, ਮੰਤਰੀ ਨੇ ਉਸ ਨੂੰ ਚਲੇ ਜਾਣ ਲਈ ਕਿਹਾ।
ਇੱਕ ਸੰਖੇਪ ਬਹਿਸ ਤੋਂ ਬਾਅਦ ਐਸਪੀ ਨੇ ਕਿਹਾ ਕਿ ਉਹ ਇੱਕ ਰਿਪੋਰਟ ਲਿਖੇਗੀ ਪਰ ਉਸਦੇ ਕੋਲ ਉਸ ਨੂੰ ਸਸਪੈਂਡ ਕਰਨ ਦੀ ਪਾਵਰ ਨਹੀਂ ਹੈ। ਮੰਤਰੀ ਨੇ ਕਿਹਾ ਕਿ “ਹਾਂ, ਫਿਰ ਲਿਖੋ ਕਿ ਸ਼ਿਕਾਇਤ ਨਿਵਾਰਨ ਕਮੇਟੀ ਦੇ ਚੇਅਰਮੈਨ ਨੇ ਕਰਮਚਾਰੀ ਨੂੰ ਸਸਪੈਂਡ ਕਰਨ ਦਾ ਹੁਕਮ ਦਿੱਤਾ ਹੈ। ਫਿਰ ਮੈਂ ਦੇਖਾਂਗੀ ਕਿ ਕੌਣ ਨਹੀਂ ਕਰਦਾ।” ਇਸ ਦੌਰਾਨ, ਡੀਸੀ ਅਪਰਾਜਿਤਾ ਨੇ ਸੂਝਬੂਝ ਦਿਖਾਉਂਦੇ ਹੋਏ ਦਖਲ ਦਿੱਤਾ ਅਤੇ ਕਿਹਾ ਕਿ “ਸਰ, ਐਸਪੀ ਸਿਰਫ਼ ਇਹ ਕਹਿ ਰਹੇ ਹਨ ਕਿ ਉਹ ਸਬੰਧਤ ਕਰਮਚਾਰੀ ਦੀ ਸਸਪੈਂਡ ਨੂੰ ਲੈ ਕੇ ਡਾਇਰੈਕਟਰ ਜਨਰਲ ਨੂੰ ਲਿਖਣਗੇ।” ਇਸ ਤੋਂ ਬਾਅਦ ਸਥਿਤੀ ਥੋੜ੍ਹੀ ਸ਼ਾਂਤ ਹੋ ਗਈ। ਇਸ ਦੌਰਾਨ ਮੀਟਿੰਗ ਵਿਚ ਮੌਜੂਦ ਲੋਕਾਂ ਨੇ ਤਾੜੀਆਂ ਮਾਰੀਆਂ। ਮੰਤਰੀ ਵਿਜ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਦੇ ਹੁਕਮ ਪੂਰੇ ਹਰਿਆਣਾ ਵਿੱਚ ਲਾਗੂ ਹਨ।
ਇਹ ਵੀ ਪੜ੍ਹੋ : IPL ਦੀ ਤਰਜ਼ ‘ਤੇ ਸੂਬੇ ‘ਚ ਕਰਾਇਆ ਜਾਵੇਗਾ ਪੰਜਾਬ ਕ੍ਰਿਕਟ ਲੀਗ, CM ਮਾਨ ਨੇ ਦਿੱਤੀ ਮਨਜ਼ੂਰੀ
ਦਰਅਸਲ ਪਿੰਡ ਤਿਤਰਮ ਦੇ ਰਹਿਣ ਵਾਲੇ ਸੰਦੀਪ ਮਲਿਕ ਨੇ ਮੀਟਿੰਗ ਵਿੱਚ ਇੱਕ ਸ਼ਿਕਾਇਤ ਵਿੱਚ ਕਿਹਾ ਕਿ ਉਹ ਪੁਲਿਸ ਵਿਭਾਗ ਵਿੱਚ ਕੰਮ ਕਰਨ ਵਾਲੇ ਏਐਸਆਈ ਸੰਦੀਪ ਤੋਂ ਜ਼ਮੀਨ ਖਰੀਦਣੀ ਸੀ, ਪਰ ਉਹ ਜਮੀਨ ਮਾਣਕਾਂ ‘ਤੇ ਪੂਰਾ ਨਾ ਹੋਣ ਕਾਰਨ ਫਿਰ ਨਹੀਂ ਖਰੀਦੀ। ਇਸ ਦੌਰਾਨ ਬਿਆਨੇ ਵਜੋਂ ਦੋਸ਼ੀ ਨੂੰ ਰੁਪਏ ਦਿੱਤੇ ਗਏ ਸਨ, ਪਰ ਉਸ ਨੇ ਰੁਪਏ ਵਾਪਸ ਨਹੀਂ ਦਿੱਤੇ। ਪੁਲਿਸ ਨੂੰ ਸ਼ਿਕਾਇਤ ਕਰਨ ‘ਤੇ ਉਸ ‘ਤੇ ਕੇਸ ਦਰਜ ਹੋ ਗਿਆ, ਪਰ ਉਸ ਨੇ ਕੈਥਲ ਤੋਂ ਕੇਸ ਨੂੰ ਕਰਨਾਲ ਟਰਾਂਸਫਰ ਕਰਾ ਲਿਆ। ਦੋਸ਼ ਲਾਏ ਕਿ ਉਕਤ ਮਾਮਲੇ ਵਿਚ ਪੁਲਿਸ ਉਸ ‘ਤੇ ਕੋਈ ਕਾਰਵਾਈ ਨਹੀਂ ਕਰ ਰਹੀ। ਇਸ ਤੋਂ ਬਾਅਦ ਮੰਤਰੀ ਨੇ ਜਾਂਚ ਹੋਣ ਤੱਕ ਸਸਪੈਂਡ ਕਰਨ ਦੇ ਹੁਕਮ ਦਿੱਤੇ ਸਨ।
ਵੀਡੀਓ ਲਈ ਕਲਿੱਕ ਕਰੋ -:
