ਹੈਪੇਟਾਈਟਸ B ਤੇ C ਬੀਮਾਰੀ ਨੂੰ ਸਾਈਲੈਂਟ ਕਿਲਰ ਵੀ ਕਿਹਾ ਜਾਂਦਾ ਹੈ। ਬਹੁਤ ਸਾਰੇ ਲੋਕਾਂ ਨੂੰ ਸਮਝ ਵੀ ਨਹੀਂ ਆਉਂਦਾ ਕਿ ਉਨ੍ਹਾਂ ਦੇ ਸਰੀਰ ਵਿਚ ਵਾਇਰਸ ਪਲ ਰਿਹਾ ਹੈ। ਹੈਪੇਟਾਈਟਸ ਬੀ ਤੇ ਸੀ ਵਾਇਰਸ ਨਾਲ ਹੋਣ ਵਾਲਾ ਲੀਵਰ ਇੰਫੈਕਸ਼ਨ ਹੈ ਜੋ ਖੂਨ ਤੇ ਸਰੀਰ ਦੇ ਤਰਲ ਪਦਾਰਥ ਨਾਲ ਫੈਲ ਸਕਦਾ ਹੈ। ਸਮੇਂ ‘ਤੇ ਜਾਂਚ ਤੇ ਇਲਾਜ ਨਾਲ ਇਸ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਵੈਕਸੀਨ ਤੇ ਚੰਗੀ ਲਾਈਫਸਟਾਈਲ ਅਪਨਾ ਕੇ ਇਸ ਤੋਂ ਬਚਣਾ ਵੀ ਸੰਭਵ ਹੈ। ਜਾਣੋ ਇਸ ਦੇ ਲੱਛਣ ਤੇ ਬਚਾਅ ਦੇ ਤਰੀਕੇ
ਲੱਛਣ-
ਲੀਵਰ ਵਿਚ ਸੋਜਿਸ਼, ਹਲਕੀ ਥਕਾਵਟ, ਭੁੱਖ ਘੱਟ ਲੱਗਣਾ, ਮਨ ਖਰਾਬ ਹੋਣਾ, ਪੇਟ ਵਿਚ ਦਰਦ, ਅੱਖ ਤੇ ਪੇਸ਼ਾਬ ਦਾ ਪੀਲਾ ਪੋਣਾ।
ਇਹ ਹੈਪੇਟਾਈਟਸ B ਤੇ C ਦੇ ਮੁੱਖ ਲੱਛਣ ਹੁੰਦੇ ਹਨ ਤੇ ਕਈ ਵਾਰ ਕੋਈ ਲੱਛਣ ਨਹੀਂ ਦਿਖਦਾ ਤੇ ਬੀਮਾਰੀ ਚੁੱਪਚਾਪ ਵਧਦੀ ਹੀ ਚਲੀ ਜਾਂਦੀ ਹੈ। ਲੰਬੇ ਸਮੇਂ ਤੱਕ ਇਲਾਜ ਨਾ ਹੋਵੇ ਤਾਂ ਸਿਰੋਸਿਸ ਜਾਂ ਲੀਵਰ ਕੈਂਸਰ ਦਾ ਖਤਰਾ ਵੀ ਵਧ ਜਾਂਦਾ ਹੈ। ਬਹੁਤ ਸਾਰੇ ਲੋਕਾਂ ਨੂੰ ਖਾਣਾ ਪਚਣ ਵਿਚ ਵੀ ਦਿੱਕਤ ਹੋਣ ਲੱਗਦੀ ਹੈ।
ਇਹ ਵਾਇਰਸ ਆਮ ਤੌਰ ‘ਤੇ ਇੰਫੈਕਟਿਡ ਖੂਨ, ਇਸਤੇਮਾਲ ਕੀਤੀ ਗਈ ਸੂਈ, ਅਸੁਰੱਖਿਅਤ ਬਲੱਡ ਟਰਾਂਸਫਿਊਜਨ, ਟੈਟੂ ਜਾਂ ਬਿਨਾਂ ਸੁਰੱਖਿਆ ਦੇ ਸਬੰਧ ਨਾਲ ਫੈਲ ਸਕਦਾ ਹੈ। ਮਾਂ ਤੋਂ ਬੱਚੇ ਵਿਚ ਵੀ ਇਹ ਇੰਫੈਕਸ਼ਨ ਹੋ ਸਕਦਾ ਹੈ। ਇਸ ਲਈ ਸਾਫ ਸੂਈ ਤੇ ਸੁਰੱਖਿਅਤ ਮੈਡੀਕਲ ਪ੍ਰਕਿਰਿਆ ਬਹੁਤ ਜ਼ਰੂਰੀ ਹੈ। ਧਿਆਨ ਰੱਖੋ ਕਿ ਕਿਸੇ ਹੋਰ ਦਾ ਰੇਜਰ, ਟੁੱਥਬਰੱਸ਼ ਜਾਂ ਸੂਈ ਇਸਤੇਮਾਲ ਨਾ ਕਰੋ। ਬਲੱਡ ਟਰਾਂਸਫਿਊਜ਼ਨ ਤੋਂ ਪਹਿਲਾਂ ਬਲੱਡ ਦੀ ਜਾਂਚ ਜ਼ਰੂਰੀ ਹੈ।
ਇਲਾਜ ਦੀ ਗੱਲ ਕਰੀਏ ਤਾਂ ਹੈਪੇਟਾਈਟਸ B ਨੂੰ ਦਵਾਈਆਂ ਨਾਲ ਕੰਟਰੋਲ ਕੀਤਾ ਜਾਂਦਾ ਹੈ ਤਾਂ ਕਿ ਲੀਵਰ ਨੂੰ ਵਧ ਨੁਕਸਾਨ ਨਾ ਪਹੁੰਚੇ। ਹੈਪੇਟਾਈਟਸ C ਦਾ ਇਲਾਜ ਹੁਣ ਐਂਟੀਵਾਇਰਲ ਦਵਾਈਆਂ ਤੋਂ ਵੀ ਸੰਭਵ ਹੈ ਤੇ ਕਈ ਮਰੀਜ਼ ਪੂਰੀ ਤਰ੍ਹਾਂ ਠੀਕ ਵੀ ਹੋ ਜਾਂਦੇ ਹਨ। ਡਾਕਟਰ ਦੀ ਸਲਾਹ ਨਾਲ ਸਮੇਂ ‘ਤੇ ਦਵਾਈ ਤੇ ਰੈਗੂਲਰ ਟੈਸਟ ਕਰਾਉਣਾ ਬਹੁਤ ਜ਼ਰੂਰੀ ਹੁੰਦਾ ਹੈ। ਖੁਦ ਤੋਂ ਦਵਾਈ ਬੰਦ ਕਰਨਾ ਨੁਕਸਾਨਦਾਇਕ ਹੋ ਸਕਦਾ ਹੈ। ਇਸ ਲਈ ਡਾਕਟਰ ਦੀ ਸਲਾਹ ਬਹੁਤ ਜ਼ਰੂਰੀ ਹੈ।
ਕੀ ਹੈ ਬਚਾਅ
ਬਚਾਅ ਲਈ ਹੈਪੇਟਾਈਟਸ B ਦੀ ਵੈਕਸੀਨ ਸਭ ਤੋਂ ਅਸਰਦਾਰ ਤਰੀਕਾ ਹੈ। ਇਹ ਬੱਚਿਆਂ ਤੋਂ ਲੈ ਕੇ ਵੱਡਿਆਂ ਤੱਕ ਸਾਰਿਆਂ ਲਈ ਜ਼ਰੂਰੀ ਮੰਨੀ ਜਾਂਦੀ ਹੈ। ਲੀਵਰ ਨੂੰ ਸਿਹਤਮੰਦ ਰੱਖਣ ਲਈ ਹੈਲਦੀ ਖਾਣਾ, ਘੱਟ ਤੇਲ ਮਸਾਲਾ, ਸ਼ਰਾਬ ਤੋਂ ਦੂਰੀ ਤੇ ਰੈਗੂਲਰ ਕਸਰਤ ਵੀ ਜ਼ਰੂਰੀ ਹੈ ਜਿਨ੍ਹਾਂ ਨੂੰ ਇਹ ਸਮੱਸਿਆ ਨਾ ਵੀ ਹੋਵੇ ਉਨ੍ਹਾਂ ਨੂੰ ਵੀ ਸਮੇਂ ‘ਤੇ ਹੈਲਥ ਚੈਕਅੱਪ ਕਰਾਉਣਾ ਸਮਝਦਾਰੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
