ਅਬੋਹਰ- ਬੀਤੇ 2 ਦਿਨਾਂ ਤੋਂ ਪੈ ਰਹੇ ਭਾਰੀ ਮੀਂਹ ਦੇ ਚੱਲਦੇ ਅਬੋਹਰ ਦੇ ਸੰਤ ਨਗਰੀ ਵਿਚ ਇਕ ਪਰਿਵਾਰ ਉਸ ਸਮੇਂ ਵਾਲ-ਵਾਲ ਬਚ ਗਿਆ ਜਦੋਂ ਉਸ ਦੇ ਦੋ ਕਮਰਿਆਂ ਦੀਆਂ ਛੱਤਾਂ ਅਚਾਨਕ ਹੇਠਾਂ ਡਿੱਗ ਗਈਆਂ ਤੇ ਉਨ੍ਹਾਂ ਨੇ ਤੁਰੰਤ ਬਾਹਰ ਆ ਕੇ ਆਪਣੀ ਜਾਨ ਬਚਾਈ। ਇਸ ਹਾਦਸੇ ਵਿਚ ਉਨ੍ਹਾਂ ਦਾ ਰਹਿਣ ਤੇ ਖਾਣ ਦਾ ਸਾਰਾ ਸਾਮਾਨ ਮਲਬੇ ਵਿਚ ਦਬ ਗਿਆ ਜਿਸ ਨਾਲ ਉਨ੍ਹਾਂ ਦਾ ਲੱਖਾਂ ਰੁਪਏ ਦਾ ਨੁਕਸਾਨ ਹੋ ਗਿਆ।
ਜਾਣਕਾਰੀ ਦਿੰਦਿਆਂ ਵੀਨਾ ਰਾਣੀ ਨੇ ਦੱਸਿਆ ਕਿ ਬੀਤੀ ਰਾਤ ਉਹ ਅਤੇ ਉਸ ਦੀ ਸੱਸ ਤੇ ਬੱਚੇ ਵੱਖ-ਵੱਖ ਕਮਰਿਆਂ ਵਿਚ ਸੁੱਤੇ ਹੋਏ ਸਨ ਤੇ ਰਾਤ ਲਗਭਗ 12 ਵਜੇ ਉ੍ਨਹਾਂ ਦੀ ਸੱਸ ਦੇ ਕਮਰੇ ਦੀ ਛੱਤ ਤੋਂ ਸੀਮੈਂਟ ਦਾ ਟੁਕੜਾ ਡਿੱਗਿਆ ਜਿਸ ਦੀ ਆਵਾਜ਼ ਸੁਣ ਕੇ ਉਸ ਦੀ ਸੱਸ ਤੇ ਬੱਚੇ ਬਾਹਰ ਆ ਗਏ। ਦੂਜੇ ਪਾਸੇ ਉਹ ਵੀ ਆਪਣੇ ਕਮਰਿਆੰ ਤੋਂ ਬਾਹਰ ਆਏ ਤਾਂ ਇੰਨੇ ਵਿਚ ਦੋਵੇਂ ਕਮਰਿਆਂ ਦੀਆਂ ਛੱਤਾਂ ਇਕੋ ਦਮ ਡਿੱਗ ਗਈਆਂ। ਜੇਕਰ ਥੋੜ੍ਹੀ ਜਿਹੀ ਵੀ ਦੇਰ ਹੋ ਜਾਂਦੀ ਹਾਂ ਉਹ ਛੱਤਾਂ ਹੇਠਾਂ ਦੱਬ ਜਾਂਦੇ। ਛੱਤਾਂ ਡਿਗਣ ਨਾਲ ਕਮਰੇ ਵਿਚ ਰੱਖੇ ਬੈੱਡ, ਮੰਜੇ, ਪੇਟੀ, ਸਿਲੰਡਰ, ਕੂਲਰ, ਟੀਵੀ, ਟਰੰਕ ਤੇ ਬਿਸਤਰੇ ਸਾਰਾ ਕੁਝ ਮਲਬੇ ਵਿਚ ਦਬ ਗਿਆ ਜਿਸ ਨਾਲ ਕਾਫੀ ਨੁਕਸਾਨ ਹੋ ਗਿਆ।
ਇਹ ਵੀ ਪੜ੍ਹੋ : ਪੰਜਾਬ ਸਰਕਾਰ ਨੇ ਮੁਲਾਜ਼ਮਾਂ ਦੇ ਬਕਾਇਆ DA/DR ਦੇ ਮੁੱਦੇ ਦੇ ਹੱਲ ਲਈ ਚੁੱਕਿਆ ਕਦਮ, ਸਬ-ਕਮੇਟੀ ਦਾ ਕੀਤਾ ਗ
ਵੀਨਾ ਦੀ ਸੱਸ ਮਹਿੰਦਰ ਕੌਰ ਨੇ ਦੱਸਿਆ ਕਿ ਉਨ੍ਹਾਂ ਦਾ ਮਕਾਨ ਲਗਭਗ 25 ਸਾਲ ਪੁਰਾਣਾ ਸੀ ਜਿਸ ਵਿਚ ਉਹ ਲੋਕ ਰਹਿ ਰਹੇ ਸਨ। ਕੱਲ ਰਾਤ ਅਚਾਨਕ ਜਦੋਂ ਕਮਰੇ ਦੀ ਛੱਤ ਤੋਂ ਮਲਬਾ ਡਿੱਗਿਆ ਤਾਂ ਉਸ ਨੇ ਆਪਣੇ ਪੁੱਤਰ ਨੂੰ ਆਵਾਜ਼ ਲਗਾਈ ਜਿਸ ‘ਤੇ ਉਹ ਤੁਰੰਤ ਬਾਹਰ ਆਇਆ ਤੇ ਇੰਨੇ ਵਿਚ ਉਨ੍ਹਾਂ ਦੇ ਕਮਰੇ ਦੀ ਛੱਤ ਵੀ ਡਿੱਗ ਗਈ ਤੇ ਸਭ ਕੁਝ ਖਤਮ ਹੋ ਗਿਆ। ਪੀੜਤ ਪਰਿਵਾਰ ਨੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਤੋਂ ਮੁਆਵਜ਼ੇ ਦੀ ਮੰਗ ਕੀਤੀ ਹੈ ਤਾਂ ਕਿ ਉਹ ਫਿਰ ਤੋਂ ਆਪਣੇ ਕਮਰੇ ਦੀਆਂ ਛੱਤਾਂ ਲਗਵਾ ਸਕਣ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
