ਹਰਿਆਣਾ ਦੇ ਕਰਨਾਲ ਵਿਚ ਮੰਗਲਵਾਰ ਰਾਤ ਇਕ ਸਬਜ਼ੀ ਵੇਚਣ ਵਾਲੇ ਦਾ ਕਤਲ ਕਰ ਦਿੱਤਾ ਗਿਆ ਵਿਵਾਦ ਸਬਜ਼ੀ ਦੇ 10 ਰੁਪਏ ਮੰਗਣ ਨੂੰ ਲੈ ਕੇ ਹੋਇਆ। ਦੋਸ਼ ਹੈ ਕਿ ਦੋਵੇਂ ਨੌਜਵਾਨਾਂ ਨੇ ਵਿਅਕਤੀ ਦੇ ਸਿਰ ‘ਚ ਡੰਡੇ ਤੇ ਇੱਟਾਂ ਨਾਲ ਵਾਰ ਕੀਤੇ। ਜਦੋਂ ਸਬਜ਼ੀ ਵਿਕ੍ਰੇਤਾ ਦੀ ਧੀ ਬਚਾਉਣ ਆਉਣ ਤਾਂ ਉਨ੍ਹਾਂ ਨਾਲ ਵੀ ਮਾਰਕੁੱਟ ਕੀਤੀ ਗਈ। ਇੰਨੀ ਵੱਡੀ ਮਾਰਕੀਟ ਵਿਚ ਲੋਕ ਖੜ੍ਹੇ ਹੋ ਕੇ ਤਮਾਸ਼ਾ ਦੇਖਦੇ ਰਹੇ, ਕੋਈ ਵੀ ਬਚਾਉਣ ਨਹੀਂ ਆਇਆ। ਇਸ ਦੇ ਬਾਅਦ ਦੋਵੇਂ ਮੁਲਜ਼ਮ ਮੌਕੇ ਤੋਂ ਫਰਾਰ ਹੋ ਗਏ।
ਪਰਿਵਾਰ ਦੇ ਲੋਕ ਵਿਅਕਤੀ ਨੂੰ ਹਸਪਤਾਲ ਲੈ ਕੇ ਪਹੁੰਚੇ ਜਿਥੇ ਡਾਕਟਰਾਂ ਨੇ ਜਾਂਚ ਦੇ ਬਾਅਦ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਸੈਕਟਰ-32-33 ਥਾਣਾ ਪੁਲਿਸ ਨੇ ਧੀ ਦੀ ਸ਼ਿਕਾਇਤ ‘ਤੇ ਦੋਵੇਂ ਨੌਜਵਾਨਾਂ ਖਿਲਾਫ ਕੇਸ ਦਰਜ ਕਰ ਲਿਆ ਹੈ। ਘਟਨਾ ਦਾ ਸੀਸੀਟੀਵੀ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵਿਚ ਦਿਖ ਰਿਹਾ ਹੈ ਕਿ ਸਬਜ਼ੀ ਵਿਕ੍ਰਤਾ ਤੇ ਨੌਜਵਾਨ ਇਕ-ਦੂਜੇ ‘ਤੇ ਇੱਟਾਂ ਨਾਲ ਹਮਲਾ ਕਰ ਰਹੇ ਹਨ। ਨੌਜਵਾਨ ਇੱਟ ਚੁੱਕ ਕੇ ਸਬਜ਼ੀ ਵਿਕ੍ਰੇਤਾ ਦੇ ਸਿਰ ‘ਤੇ ਮਾਰਦਾ ਹੈ, ਜਿਸ ਨਾਲ ਉਹ ਹੇਠਾਂ ਡਿੱਗ ਜਾਂਦਾ ਹੈ।
ਬੁੱਢਾਖੇੜਾ ਪਿੰਡ ਵਾਸੀ ਸ਼ਿਵਾਨੀ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਦੱਸਿਆ ਕਿ ਉਸ ਦੇ ਪਿਤਾ ਸੰਜੇ ਸੈਣੀ ਮੁੱਖ ਸੜਕ ਦੇ ਨਾਲੇ ਕੋਲ ਸਬਜ਼ੀ ਤੇ ਫਲ ਦੀ ਦੁਕਾਨ ਚਲਾਉਂਦੇ ਸਨ। ਬੀਤੀ ਰਾਤ 9.30 ਵਜੇ ਉਹ ਆਪਣੀਆਂ ਤਿੰਨ ਭੈਣਾਂ ਦੇ ਮਾਂ ਨਾਲ ਦੁਕਾਨ ‘ਤੇ ਸੀ। ਇਸੇ ਦੌਰਾਨ 2 ਨੌਜਵਾਨ ਦੁਕਾਨ ‘ਤੇ ਆਏ ਤੇ ਲਗਭਗ 210 ਰੁਪਏ ਦੇ ਫਲ-ਸਬਜ਼ੀ ਖਰੀਦਣ ਦੇ ਬਾਅਦ 200 ਰੁਪਏ ਦੇ ਕੇ ਜਾਣ ਲੱਗੇ।
ਸ਼ਿਵਾਨੀ ਨੇ ਕਿਹਾ ਕਿ ਜਦੋਂ ਉਸ ਨੇ ਬਾਕੀ ਦੇ 10 ਰੁਪਏ ਮੰਗੇ ਤਾਂ ਉਹ ਗਾਲ੍ਹਾਂ ਕੱਢਣ ਲੱਗੇ। ਸ਼ੋਰ ਸੁਣ ਕੇ ਉਸ ਦੇ ਪਿਤਾ ਸੰਜੇ ਸੈਣੀ ਉਥੇ ਪਹੁੰਚੇ ਤੇ ਨੌਜਵਾਨਾਂ ਨੂੰ ਬਹਿਸ ਨਾ ਕਰਨ ਲਈ ਕਿਹਾ। ਇਸੇ ਗੱਲ ‘ਤੇ ਦੋਵੇਂ ਨੌਜਵਾਨਾਂ ਨੇ ਪਿਤਾ ਸੰਜੇ ਨੂੰ ਧੱਕਾ ਦੇ ਦਿੱਤਾ। ਦੇਖਦੇ ਹੀ ਦੇਖਦੇ ਦੋਵੇਂ ਪੱਖਾਂ ਵਿਚ ਕਿਹਾ-ਸੁਣੀ ਹੱਥੋਂਪਾਈ ਵਿਚ ਬਦਲ ਗਈ।
ਇਹ ਵੀ ਪੜ੍ਹੋ : ਅੰਬਾਲਾ : ਟ੍ਰਿਪਲ ਕਤ/ਲ ਕਾਂਡ ਮਾਮਲੇ ‘ਚ ਪੁਲਿਸ ਵੱਲੋਂ ਦੋਸ਼ੀ ਕਾਬੂ, ਮੁਲਜ਼ਮ ਨੇ ਦਾਦੀ, ਚਾਚਾ ਤੇ ਭਰਾ ਦਾ ਕੀਤਾ ਸੀ ਕਤ/ਲ
ਸ਼ਿਵਾਨੀ ਨੇ ਦੱਸਿਆ ਕਿ ਉਸ ਦੀ ਛੋਟੀ ਭੈਣ ਸਲੋਨੀ ਪਿਤਾ ਨੂੰ ਬਚਾਉਣ ਲਈ ਡੰਡਾ ਲੈ ਕੇ ਅੱਗੇ ਆਈ। ਮੁਲਜ਼ਮਾਂ ਨੇ ਉਸ ਤੋਂ ਡੰਡਾ ਖੋਹ ਲਿਆ ਤੇ ਉਸ ਦੀ ਬਾਂਹ ‘ਤੇ ਹਮਲਾ ਕਰ ਦਿੱਤਾ. ਜਦੋਂ ਉਸ ਦੀ ਮਾਂ ਅਨੂ ਬਚਾਅ ਕਰਨ ਪਹੁੰਚੀ ਤਾਂ ਮੁਲਜ਼ਮਾਂ ਨੇ ਉਸ ਨਾਲ ਵੀ ਮਾਰਕੁੱਟ ਕੀਤੀ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
