ਅੱਜਕੱਲ੍ਹ ਖਰਾਬ ਖਾਣ-ਪੀਣ ਤੇ ਵਧਦੇ ਤਣਾਅ ਦੀ ਵਜ੍ਹਾ ਤੋਂ ਪੇਟ ਨਾਲ ਜੁੜੀਆਂ ਸਮੱਸਿਆਵਾਂ ਤੇਜ਼ੀ ਨਾਲ ਵਧ ਰਹੀਆਂ ਹਨ। ਗੈਸ, ਕਬਜ਼, ਪੇਟ ਦਰਦ ਤੇ ਵਾਰ-ਵਾਰ ਪੇਟ ਖਰਾਬ ਹੋਣ ਵਰਗੀਆਂ ਦਿੱਕਤਾਂ ਨਾ ਸਿਰਫ ਪਾਚਣ ਤੰਤਰ ਨੂੰ ਪ੍ਰਭਾਵਿਤ ਕਰਦੀਆਂ ਹਨ ਸਗੋਂ ਪੂਰੇ ਸਰੀਰ ਦੀ ਸਿਹਤ ‘ਤੇ ਵੀ ਅਸਰ ਪਾ ਸਕਦੀਆਂ ਹਨ। ਮਾਹਿਰਾਂ ਮੁਤਾਬਕ ਸਾਡਾ ਪੇਟ ਤੇ ਅੰਤੜੀਆਂ ਸਰੀਰ ਦੀਆਂ ਕਈ ਮਹੱਤਵਪੂਰਨ ਪ੍ਰਕਿਰਿਆਵਾਂ ਨਾਲ ਜੁੜੀਆਂ ਹੁੰਦੀਆਂ ਹਨ, ਇਸ ਲਈ ਇਨ੍ਹਾਂ ਦਾ ਸਿਹਤਮੰਦ ਰਹਿਣਾ ਬੇਹੱਦ ਜ਼ਰੂਰੀ ਹੈ। ਜੇਕਰ ਤੁਹਾਡਾ ਪੇਟ ਵਾਰ-ਵਾਰ ਖਰਾਬ ਰਹਿੰਦਾ ਹੈ ਤਾਂ ਦਵਾਈਆਂ ਦੇ ਨਾਲ-ਨਾਲ ਖਾਣ-ਪੀਣ ‘ਤੇ ਵੀ ਧਿਆਨ ਦੇਣਾ ਜ਼ਰੂਰੀ ਹੈ।
ਸਹੀ ਭੋਜਨ ਪਾਚਣ ਤੰਤਰ ਨੂੰ ਮਜ਼ਬੂਤ ਬਣਾਉਂਦਾ ਹੈ ਤੇ ਅੰਤੜੀਆਂ ਵਿਚ ਮੌਜੂਦਾ ਚੰਗੇ ਬੈਕਟੀਰੀਆ ਨੂੰ ਬੜ੍ਹਾਵਾ ਦਿੰਦਾ ਹੈ। ਦੂਜੇ ਪਾਸੇ ਕੁਝ ਖਾਧ ਪਦਾਰਥ ਤੁਹਾਡੀ ਪ੍ਰੇਸ਼ਾਨੀ ਨੂੰ ਹੋਰ ਵਧਾ ਸਕਦੇ ਹਨ। ਆਓ ਜਾਣਦੇ ਹਾਂਕਿ ਪੇਟ ਖਰਾਬ ਹੋਣ ‘ਤੇ ਕੀ ਖਾਣਾ ਚਾਹੀਦਾ ਹੈ ਤੇ ਕਿਹੜੀਆਂ ਚੀਜ਼ਾਂ ਤੋਂ ਬਚਣਾ ਚਾਹੀਦਾ ਹੈ।
ਦਹੀ ਦਾ ਕਰੋ ਸੇਵਨ
ਦਹੀ ਵਿਚ ਪ੍ਰੋਬਾਇਓਟਿਕਸ ਪਾਏ ਜਾਂਦੇ ਹਨ ਜੋ ਅੰਤੜੀਆਂ ਵਿਚ ਚੰਗੇ ਬੈਕਟੀਰੀਆ ਦੀ ਗਿਣਤੀ ਵਧਾਉਣ ਵਿਚ ਮਦਦ ਕਰਦੇ ਹਨ। ਇਸ ਨਾਲ ਪਾਚਣ ਤੰਤਰ ਬੇਹਤਰ ਹੁੰਦਾ ਹੈ ਤੇ ਪੇਟ ਜਲਦੀ ਠੀਕ ਹੋਣ ਵਿਚ ਮਦਦ ਮਿਲਦੀ ਹੈ।
ਕੇਲਾ ਖਾਓ
ਕੇਲਾ ਆਸਾਨੀ ਨਾਲ ਪਚ ਜਾਂਦਾ ਹੈ ਤੇ ਸਰੀਰ ਨੂੰ ਜ਼ਰੂਰੀ ਊਰਜਾ ਦਿੰਦਾ ਹੈ। ਇਸ ਵਿਚ ਮੌਜੂਦ ਪੌਟਾਸ਼ੀਅਮ ਡਾਇਰੀਆ ਜਾਂ ਪੇਟ ਖਰਾਬ ਹੋਣ ਦੀ ਹਾਲਤ ਵਿਚ ਸਰੀਰ ਦੇ ਇਲੈਕਟ੍ਰੋਲਾਈਟ ਸੰਤੁਲਨ ਨੂੰ ਬਣਾਏ ਰੱਖਣ ਵਿਚ ਮਦਦ ਕਰਦਾ ਹੈ।
ਖਿਚੜੀ ਤੇ ਦਲੀਆ
ਖਿਚੜੀ ਤੇ ਦਲੀਆ ਹਲਕੇ ਭੋਜਨ ਮੰਨੇ ਜਾਂਦੇ ਹਨ। ਪੇਟ ਖਰਾਬ ਹੋਣ ‘ਤੇ ਇਨ੍ਹਾਂ ਨੂੰ ਖਾਣ ਨਾਲ ਪਾਚਣ ਤੰਤਰ ‘ਤੇ ਵਾਧੂ ਦਬਾਅ ਨਹੀਂ ਪੈਂਦਾ।
ਨਾਰੀਅਲ ਪਾਣੀ ਪੀਓ
ਨਾਰੀਅਲ ਪਾਣੀ ਸਰੀਰ ਵਿਚ ਪਾਣੀ ਤੇ ਜ਼ਰੂਰੀ ਮਿਨਰਲਸ ਦੀ ਕਮੀ ਨੂੰ ਪੂਰਾ ਕਰਨ ਵਿਚ ਮਦਦ ਕਰਦਾ ਹੈ। ਇਹ ਡਿਹਾਈਡ੍ਰੇਸ਼ਨ ਤੋਂ ਬਚਾਉਣ ਵਿਚ ਵੀ ਮਦਦਗਾਰ ਹੈ।
ਉਬਲੀਆਂ ਹੋਈਆਂ ਸਬਜ਼ੀਆਂ
ਗਾਜਰ, ਲੌਕੀ ਤੇ ਕੱਦੂ ਵਰਗੀਆਂ ਉਬਲੀਆਂ ਹੋਈਆਂ ਸਬਜ਼ੀਆਂ ਪੇਟ ਲਈ ਫਾਇਦੇਮੰਦ ਮੰਨੀਆਂ ਜਾਂਦੀਆਂ ਹਨ। ਇਨ੍ਹਾਂ ਵਿਚ ਫਾਈਬਰ ਤੇ ਪੋਸ਼ਕ ਤੱਤ ਹੁੰਦੇ ਹਨ ਜੋ ਪਾਚਣ ਨੂੰ ਬੇਹਤਰ ਬਣਾਉਂਦੇ ਹਨ।
ਪੇਟ ਖਰੀਬ ਹੋਣ ‘ਤੇ ਇਨ੍ਹਾਂ ਚੀਜ਼ਾਂ ਤੋਂ ਕਰੋ ਪਰਹੇਜ਼
ਤਲਿਆ ਹੋਇਆ ਭੋਜਨ
ਵਧ ਤੇਲ ਤੇ ਮਸਾਲੇ ਵਾਲਾ ਖਾਣਾ ਪਾਚਣ ਤੰਤਰ ‘ਤੇ ਵਾਧੂ ਬੋਝ ਪਾਉਂਦਾ ਹੈ ਤੇ ਸਮੱਸਿਆ ਨੂੰ ਵਧਾ ਸਕਦਾ ਹੈ।
ਜ਼ੰਕ ਫੂਡ
ਪੀਜ਼ਾ, ਬਰਗਰ ਤੇ ਪੈਕੇਡ ਸਨੈਕਸ ਵਿਚ ਵੱਧ ਮਾਤਰਾ ਵਿਚ ਫੈਟ ਤੇ ਪ੍ਰਿਜ਼ਰਵੇਟਿਵਸ ਹੁੰਦੇ ਹਨ, ਜੋ ਪੇਟ ਦੀ ਪ੍ਰੇਸ਼ਾਨੀ ਵਧਾ ਸਕਦੇ ਹਨ। ਤੇਜ਼ ਮਿਰਚ ਤੇ ਮਸਾਲਿਆਂ ਵਾਲਾ ਭੋਜਨ ਪੇਟ ਵਿਚ ਜਲਨ ਦੀ ਸਮੱਸਿਆ ਨੂੰ ਵਧਾ ਸਕਦਾ ਹੈ। ਕਾਰਬੋਨੇਟਿਡ ਡ੍ਰਿੰਕਸ ਗੈਸ ਤੇ ਬਲੋਟਿੰਗ ਦੀ ਸਮੱਸਿਆ ਨੂੰ ਵਧਾ ਸਕਦੀ ਹੈ। ਕੈਫੀਨ ਪੇਟ ਵਿਚ ਐਸੀਡਿਟੀ ਵਧਾ ਸਕਦੀ ਹੈ ਜਿਸ ਨਾਲ ਪ੍ਰੇਸ਼ਾਨੀ ਹੋਰ ਵਧ ਸਕਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
