ਹਰਿਆਣਾ ਦੇ ਅੰਬਾਲਾ ਵਿੱਚ 220 ਫੁੱਟ ਡੂੰਘੇ ਬੋਰਵੈੱਲ ਵਿੱਚ ਡਿੱਗਣ ਵਾਲੇ ਚਾਰ ਸਾਲਾ ਨਿਰਵੈਰ ਜਿੰਦਗੀ ਦੀ ਜੰਗ ਹਾਰ ਗਿਆ। ਉਸ ਨੂੰ ਬਚਾਇਆ ਨਹੀਂ ਜਾ ਸਕਿਆ। 21 ਘੰਟੇ ਦੇ ਰੈਸਕਿਊ ਆਪ੍ਰੇਸ਼ਨ ਤੋਂ ਬਾਅਦ ਬੁੱਧਵਾਰ ਸਵੇਰੇ 3.30 ਵਜੇ ਦੇ ਕਰੀਬ ਉਸ ਦੀ ਦੇਹ ਬੋਰਵੈੱਲ ਵਿੱਚੋਂ ਕੱਢੀ ਗਈ। ਫੌਜ, ਐਨਡੀਆਰਐਫ ਅਤੇ ਐਸਡੀਆਰਐਫ ਦੀਆਂ ਟੀਮਾਂ ਨੇ ਉਸ ਨੂੰ ਜ਼ਿੰਦਾ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ, ਪਰ ਬੱਚੇ ਦੀ ਜਾਨ ਨਹੀਂ ਬਚਾਈ ਜਾ ਸਕੀ। ਨਿਰਵੈਰ ਦੀ ਦੇਹ ਅੰਬਾਲਾ ਸ਼ਹਿਰ ਦੇ ਸਿਵਲ ਹਸਪਤਾਲ ਵਿੱਚ ਰੱਖੀ ਗਈ ਹੈ। ਉਸ ਦਾ ਪੋਸਟਮਾਰਟਮ ਅੱਜ ਕੀਤਾ ਜਾਵੇਗਾ।
ਮੰਗਲਵਾਰ ਸਵੇਰੇ ਨਿਰਵੈਰ ਆਪਣੇ ਪਿਤਾ ਮਨਜੀਤ ਸਿੰਘ ਨਾਲ ਖੇਤ ਜਾਣ ਦੀ ਜਿੱਦ ‘ਤੇ ਅੜ ਗਿਆ ਸੀ। ਜਦੋਂ ਉਸਦੇ ਪਿਤਾ ਨੇ ਉਸਨੂੰ ਆਪਣੇ ਨਾਲ ਲੈ ਜਾਣ ਤੋਂ ਇਨਕਾਰ ਕੀਤਾ, ਤਾਂ ਉਸਨੇ ਮਾਸੂਮੀਅਤ ਨਾਲ ਕਿਹਾ, “ਪਾਪਾ, ਜੇ ਤੁਸੀਂ ਮੈਨੂੰ ਖੇਤ ਨਹੀਂ ਲੈ ਕੇ ਗਏ, ਤਾਂ ਮੈਂ ਬਿਮਾਰ ਹੋ ਜਾਵਾਂਗਾ ਅਤੇ ਫਿਰ ਮੈਂ ਸਕੂਲ ਨਹੀਂ ਜਾ ਸਕਾਂਗਾ।”
ਇਹ ਵੀ ਪੜ੍ਹੋ : ਪੰਜਾਬ ‘ਚ ਹਰ ਖੇਡ ਦੇ ਹੋਣਗੇ ਲੀਗ ਮੁਕਾਬਲੇ, CM ਮਾਨ ਨੇ ਕੀਤਾ ਐਲਾਨ
ਪਿਤਾ ਆਪਣੇ ਪੁੱਤਰ ਦੀ ਜ਼ਿੱਦ ਅੱਗੇ ਝੁਗ ਗਿਆ ਅਤੇ ਉਸ ਨੂੰ ਆਪਣੇ ਨਾਲ ਖੇਤ ਲੈ ਗਿਆ। ਸਵੇਰੇ ਕਰੀਬ 6.30 ਵਜੇ ਦੋਵੇਂ ਉਸ ਦੇ ਦਾਦਾ ਕਰਨੈਲ ਸਿੰਘ ਲਈ ਖਾਣਾ ਲੈ ਕੇ ਖੇਤ ‘ਤੇ ਪਹੁੰਚੇ। ਪਰ ਅੱਧੇ ਘੰਟੇ ਬਾਅਦ ਹੀ ਨਿਰਵੈਰ ਖੇਡਦੇ ਹੋਏ ਫਿਸਲ ਕੇ 220 ਫੁੱਟ ਡੂੰਘੇ ਖੁੱਲ੍ਹੇ ਬੋਰਵੈੱਲ ਵਿੱਚ ਡਿੱਗ ਪਿਆ।
ਪਿੰਡ ਦੇ ਸਰਪੰਚ ਕੈਪਟਨ ਸਿੰਘ ਨੇ ਕਿਹਾ ਕਿ ਮਨਜੀਤ ਸਿੰਘ ਬਿਜਲੀ ਨਿਗਮ ਵਿੱਚ ਕੰਮ ਕਰਦਾ ਹੈ। ਮਨਜੀਤ ਅਤੇ ਉਸਦੀ ਪਤਨੀ ਜਸਬੀਰ ਕੌਰ ਦੀ ਵੱਡੀ ਧੀ ਅਮੀਰ ਕੌਰ ਲਗਭਗ 12-13 ਸਾਲ ਦੀ ਹੈ। ਲਗਭਗ ਅੱਠ ਸਾਲਾਂ ਬਾਅਦ ਮੰਨਤਾਂ ਮੰਗ ਕੇ ਇੱਕ ਪੁੱਤਰ ਦਾ ਜਨਮ ਹੋਇਆ। ਨਿਰਵੈਰ ਪਰਿਵਾਰ ਵਿੱਚ ਸਾਰਿਆਂ ਦਾ ਚਹੇਤਾ ਸੀ।
ਨਿਰਵੈਰ ਨੂੰ ਇਸ ਸਾਲ ਨੇੜਲੇ ਪਿੰਡ ਭਾਨੋਖੇੜੀ ਦੇ ਦਿ ਸਕਾਲਰਜ਼ ਸਕੂਲ ਵਿੱਚ ਨਰਸਰੀ ਸਕੂਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। ਉਹ ਗਰਮੀਆਂ ਦੀਆਂ ਛੁੱਟੀਆਂ ਦੌਰਾਨ ਆਪਣੀ ਨਾਨੀ ਦੇ ਘਰ ਗਿਆ ਸੀ ਅਤੇ ਸੋਮਵਾਰ ਨੂੰ ਹੀ ਪਰਤਿਆ ਸੀ। ਸਕੂਲ 1 ਜੁਲਾਈ ਨੂੰ ਖੁੱਲ੍ਹਣੇ ਸਨ, ਇਸ ਲਈ ਨਿਰਵੈਰ ਨੇ ਆਪਣੇ ਪਿਤਾ ਨੂੰ ਖੇਤ ‘ਤੇ ਲਿਜਾਣ ਲਈ ਕਿਹਾ।
ਆਪਣੇ ਪੁੱਤਰ ਦੇ ਬੋਰਵੈੱਲ ਵਿੱਚ ਡਿੱਗਣ ਤੋਂ ਬਾਅਦ ਮਨਜੀਤ ਸਿੰਘ ਬੇਹੋਸ਼ ਹੋ ਗਿਆ। ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੋਂ ਉਸ ਨੂੰ ਸ਼ਾਮ ਨੂੰ ਘਰ ਭੇਜ ਦਿੱਤਾ ਗਿਆ। ਉਸੇ ਰਾਤ ਦੇਰ ਰਾਤ ਮੰਤਰੀ ਅਨਿਲ ਵਿਜ ਵੀ ਉਸਨੂੰ ਮਿਲਣ ਉਸ ਦੇ ਘਰ ਆਏ। ਦਾਦਾ ਕਰਨੈਲ ਸਿੰਘ ਖੇਤ ਵਿੱਚ ਜ਼ਮੀਨ ‘ਤੇ ਬੈਠੇ ਰਹੇ। ਕਦੇ ਉਹ ਰੌਣ ਲੱਗਦੇ ਤਾਂ ਕਦੇ ਹੱਤ ਨਾਲ ਮਿੱਟੀ ਟਟੋਲਣ ਲੱਗੇ ਤੇ ਕਹਿੰਦੇ – ‘ਓ, ਨਿਰਵੈਰ, ਹੁਣ ਆ ਜਾ।”
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
