ਜੇਕਰ ਕਿਸੇ ਘਰ ਵਿਚ ਇਕ ਹੀ ਬੀਮਾਰੀ ਦੀ ਗੱਲ ਸਭ ਤੋਂ ਜ਼ਿਆਦਾ ਸੁਣਨ ਨੂੰ ਮਿਲਦੀ ਹੈ ਤਾਂ ਉਹ ਥਾਇਰਾਇਡ ਹੈ ਤੇ ਹੈਰਾਨੀ ਦੀ ਗੱਲ ਹੈ ਕਿ ਇਸ ਦੇ ਮਰੀਜ਼ਾਂ ਵਿਚ ਮਹਿਲਾਵਾਂ ਦੀ ਗਿਣਤੀ ਪੁਰਸ਼ਾਂ ਤੋਂ ਕਿਤੇ ਵਧ ਹੁੰਦੀ ਹੈ। ਕਈ ਵਾਰ ਲੋਕ ਇਸ ਨੂੰ ਸਿਰਫ ਵਧਦੇ ਭਾਰ ਜਾਂ ਕਮਜ਼ੋਰੀ ਨਾਲ ਜੋੜ ਕੇ ਦੇਖਦੇ ਹਨ ਪਰ ਸੱਚ ਇਹ ਹੈ ਕਿ ਥਾਇਰਾਇਡ ਸਰੀਰ ਦੇ ਕਈ ਜ਼ਰੂਰੀ ਕੰਮਾਂ ਨੂੰ ਪ੍ਰਭਾਵਿਤ ਕਰਦੀ ਹੈ। ਆਖਿਰ ਪੁਰਸ਼ਾਂ ਦੇ ਮੁਕਾਬਲੇ ਮਹਿਲਾਵਾਂ ਵਿਚ ਥਾਇਰਾਇਡ ਦੀ ਸਮੱਸਿਆ ਕਿਉਂ ਜ਼ਿਆਦਾ ਹੁੰਦੀ ਹੈ?
ਇਸ ਦੀ ਸਭ ਤੋਂ ਵੱਡੀ ਵਜ੍ਹਾ ਹਾਰਮੋਨਲ ਬਦਲਾਅ ਹੈ। ਮਹਿਲਾਵਾਂ ਦੇ ਸਰੀਰ ਵਿਚ ਐਸਟ੍ਰੋਜਨ ਹਾਰਮੋਨ ਤੇ ਇਮਿਊਨ ਸਿਸਟਮ ਪੁਰਸ਼ਾਂ ਤੋਂ ਵੱਖਾਰ ਹੁੰਦਾ ਹੈ। ਇਸ ਲਈ ਇਹ ਬੀਮਾਰੀ ਔਰਤਾਂ ਵਿਚ ਵਧ ਦੇਖਣ ਨੂੰ ਮਿਲਦੀ ਹੈ। ਅਜਿਹੀ ਹਾਲਤ ਵਿਚ ਸਰੀਰ ਦੀ ਇਮਿਊਨ ਸਿਸਟਮ ਗਲਤੀ ਨਾਲ ਥਾਇਰਾਇਡ ਗ੍ਰੰਥੀ ‘ਤੇ ਹੀ ਹਮਲਾ ਕਰਨ ਲਗਦੀ ਹੈ ਜਿਸ ਨਾਲ ਹਾਸ਼ਿਮੋਟੋ ਥਾਇਰਾਇਡਾਇਟਸ ਤੇ ਗ੍ਰੇਵਸ ਬੀਮਾਰੀਆਂ ਦਾ ਖਤਰਾ ਵਧ ਜਾਂਦਾ ਹੈ।
ਮਹਿਲਾਵਾਂ ਦੇ ਜੀਵਨ ਦੇ ਕੁਝ ਖਾਸ ਪੜਾਅ ਵੀ ਥਾਇਰਾਇਡ ਦੇ ਜੋਖਮ ਨੂੰ ਵਧਾ ਦਿੰਦੇ ਹਨ। ਗਰਭ ਅਵਸਥਾ, ਡਿਲਵਿਰੀ ਦੇ ਬਾਅਦ ਦਾ ਸਮਾਂ ਤੇ ਮੇਨੋਪਾਜ ਦੌਰਾਨ ਸਰੀਰ ਵਿਚ ਹਾਰਮੋਨ ਤੇਜ਼ੀ ਨਾਲ ਬਦਦੇ ਹਨ। ਇਨ੍ਹਾਂ ਬਦਲਾਵਾ ਦਾ ਅਸਰ ਥਾਇਰਾਇਡ ਗ੍ਰੰਥੀ ‘ਤੇ ਵੀ ਪੈ ਸਕਦਾ ਹੈ। ਇਹੀ ਵਜ੍ਹਾ ਹੈ ਕਿ ਮਹਿਲਾਵਾਂ ਨੂੰ ਰੈਗੂਲਰ ਜਾਂਚ ਕਰਾਉਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਥਾਇਰਾਇਡ ਦਾ ਅਸਰ ਸਿਰਫ ਭਾਰ ਜਾਂ ਥਕਾਵਟ ਤੱਕ ਸੀਮਤ ਨਹੀਂ ਰਹਿੰਦਾ। ਇਹ ਪੀਰੀਅਡਸ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ, ਗਰਭ ਧਾਰਨ ਵਿਚ ਦਿੱਕਤ ਪੈਦਾ ਕਰ ਸਕਦਾ ਹੈ ਤੇ ਗਰਭ ਅਵਸਥਾ ਦੌਰਾਨ ਮਾਂ ਤੇ ਬੱਚੇ ਦੋਵਾਂ ਦੀ ਸਿਹਤ ‘ਤੇ ਅਸਰ ਪਾ ਸਕਦਾ ਹੈ।
ਇਹ ਵੀ ਪੜ੍ਹੋ : PSEB ਨੇ ਲਾਂਚ ਕੀਤਾ ‘ਪੁਸਤਕ ਪੋਰਟਲ’, ਕਿਤਾਬਾਂ ‘ਤੇ ਮਿਲੇਗੀ 15 ਫੀਸਦ ਛੋਟ, ਵਿਦਿਆਰਥੀਆਂ ਨੂੰ ਹੋਵੇਗਾ ਫਾਇਦਾ
ਜੇਕਰ ਬਿਨਾਂ ਕਿਸੇ ਵਜ੍ਹਾ ਤੋਂ ਲਗਾਤਾਰ ਥਕਾਵਟ ਮਹਿਸੂਸ ਹੋਵੇ, ਅਚਾਨਕ ਭਾਰ ਵਧਣ ਜਾਂ ਘਟਣ ਲੱਗੇ, ਵਾਲ ਝੜਨ ਲੱਗਣ, ਚਮੜੀ ਖੁਸ਼ਕ ਹੋ ਜਾਵੇ, ਮੂਡ ਵਾਰ-ਵਾਰ ਬਦਲਣ ਲੱਗੇ ਜਾਂ ਗਰਦਨ ਵਿਚ ਸੋਜਿਸ਼ ਦਿਖਾਈ ਦੇਵੇ ਤਾਂ ਇਨ੍ਹਾਂ ਨੂੰ ਨਜ਼ਰਅੰਦਾਜ਼ ਨਹੀਂ ਕਰਨਾ ਚਾਹੀਦਾ। ਅਜਿਹੇ ਲੱਛਣ ਦਿਖਣ ‘ਤੇ ਡਾਕਟਰ ਦੀ ਸਲਾਹ ਲਓ। ਸਹੀ ਸਮੇਂ ‘ਤੇ ਜਾਂਚ ਤੇ ਸਹੀ ਇਲਾਜ ਥਾਇਰਾਇਡ ਨੂੰ ਕਾਫੀ ਹੱਦ ਤੱਕ ਕੰਟਰੋਲ ਕਰ ਸਕਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
